នៅព្រឹកថ្ងៃទី២៨ ខែវិច្ឆិកា ឆ្នាំ២០២២ លោកជំទាវ​ ចាន់​ សុម៉ាលី​ អនុរដ្ឋុលេខាធិការ បានដឹកនាំសិក្ខាសាលាពិគ្រោះយោបល់ស្តីពីជំហររបស់កម្ពុជាសម្រាប់សន្និសីទកំពូលរដ្ឋភាគីនៃអនុសញ្ញាសហប្រជាជាតិស្តីពីជីវៈចម្រុះ លើកទី១៥ (UNCBD COP-15) នៅសណ្ឋាគារ Raffles Le Royal រាជធានីភ្នំពេញ។ កិច្ចប្រជុំនេះមានការចូលរួមពី​ប្រតិភូនៃតំណាងក្រសួងស្ថាប័ន​ដែលត្រូវអញ្ជេីញចូលរួមសន្និសីទ​​ ទីប្រឹក្សានិងជំនួយការក្រសួងបរិស្ថាន​ យុវជន​ និងអ្នកពាក់ព័ន្ធសុបចំនួន​ជាង៣០រូប។

សិក្ខាសាលានេះរៀបចំឡើងក្នុងគោលបំណងដើម្បីចែករំលែកព័ត៌មានអំពីបែបបទ នីតិវិធី និងកម្មវិធីពាក់ព័ន្ធនឹងសន្និសីទ​ UNCBD COP-15 ដែលនឹងប្រព្រឹត្តទៅចាប់ពីថ្ងៃទី៧-១៩ ខែធ្នូ ឆ្នាំ២០២២ នៅទីក្រុងម៉ុងរ៉េអាល់ នៃប្រទេសកាណាដា។​ តាមរយៈកិច្ចពិភាក្សា​ អង្គសិក្ខាសាលាក៏បានពិនិត្យ​ ផ្តល់យោបល់ និងឯកភាពលើការរៀបចំសេចក្ដីព្រាងជំហររបស់កម្ពុជា និងសេចក្តីថ្លែងការណ៍រួមអាស៊ាន​ សម្រាប់សន្និសីទ UNCBD COP-15 ដើម្បីបន្តដាក់ជូន និងស្នេីសុំគោលការណ៍ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី​ នៃព្រះរាជាណាចក្រកម្ពុជា​ នាពេលខាងមុខ៕

ព័ត៌មានបន្ថែម

មន្រ្តីជាន់ខ្ពស់ក្រសួងបរិស្ថាន ចាត់ទុកការលើកកម្ពស់ជីវភាពប្រជាសហគមន៍ គឺជាការងារចម្បងនិងអាទិភាព
ថ្ងៃ ពុធ, 1 កុម្ភៈ, 2023 មន្រ្តីជាន់ខ្ពស់ក្រសួងបរិស្ថាន ចាត់ទុកការលើកកម្ពស់ជីវភាពប្រជាសហគមន៍ គឺជាការងារចម្បងនិងអាទិភាព
«ផ្ការំដួល»ចំនួន ៧០ដើម ត្រូវបានដាំរួមគ្នារវាងក្រសួងបរិស្ថាន និងស្ថានទូតឥណ្ឌាប្រចាំព្រះរាជាណាកម្ពុជា
ថ្ងៃ ចន្ទ, 30 មករា, 2023 «ផ្ការំដួល»ចំនួន ៧០ដើម ត្រូវបានដាំរួមគ្នារវាងក្រសួងបរិស្ថាន និងស្ថានទូតឥណ្ឌាប្រចាំព្រះរាជាណាកម្ពុជា
ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន រួមនឹងមន្ត្រីជំនាញ បានទទួលជួបពិភាក្សាការងារជាមួយតំណាងអង្គការ Wild Earth Allies (WEA ) ប្រចាំនៅកម្ពុជា
ថ្ងៃ ចន្ទ, 30 មករា, 2023 ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន រួមនឹងមន្ត្រីជំនាញ បានទទួលជួបពិភាក្សាការងារជាមួយតំណាងអង្គការ Wild Earth Allies (WEA ) ប្រចាំនៅកម្ពុជា