សៀមរាប៖ ឯកឧត្តម សាយ សំអាល់ រដ្ឋមន្ត្រីក្រសួងបានប្រគល់ពូជសត្វជ្រូកព្រៃឬជ្រូកជនជាតិ និងមាន់រួមទាំងសម្ភារៈស្បៃសម្រាប់ចិញ្ចឹមសត្វដល់ប្រជាសហគមន៍ចំនួនពីរក្នុងខេត្តសៀមរាបដើម្បីផ្តល់ជាជម្រើសបន្ថែមក្នុងគោលបំណងជួយបង្កើនកម្រិតជីវភាពឱ្យកាន់តែប្រសើរបន្ថែមទៀត និងផ្លាស់ប្តូរជាបណ្តើរៗចេញពីការពឹងពាក់ទាំងស្រុងលើការប្រើប្រាស់ធនធានធម្មជាតិ។

ការប្រគល់ដែលធ្វើឡើងនៅថ្ងៃទី១៨ខែវិច្ឆិកាក្នុងជំរុំយុវជនលើខ្នងភ្នំគូលេនដែលមានតំណាងសហគមន៍ទាំងពីរ(សហគមន៍ការពារធម្មជាតិព្រៃធំពពេល និងសហគមន៍តំបន់ការពារធម្មជាតិព្រៃធំ) បានផ្តល់ពូជជ្រូកចំនួន១០៨ក្បាល និងមាន់ចំនួន២៣០ក្បាលនិងសម្ភារៈស្បៃសម្រាប់ចិញ្ចឹមដែលរៀបចំឡើងដោយនាយកដ្ឋានជីវភាពសហគមន៍នៃអគ្គសហគមន៍មូលដ្ឋានរបស់ក្រសួងបរិស្ថាន។

ថ្លែងទៅកាន់ប្រជាសហគមន៍ប្រមាណជិត១០០នាក់ ឯកឧត្តមរដ្ឋមន្ត្រីបានគូសបញ្ជាក់ថា៖”យើងផ្តល់ឱកាសថ្មីដល់ប្រជាសហគមន៍ដើម្បីបង្កើនកម្រិតជីវភាពបងប្អូនបន្ថែមទៀត ហើយចង់ឱ្យប្រជាសហគមន៍ក្លាយជាក្លាយជាមគ្គុទេស្ទន៍ទេសចរណ៍ជូនភ្ញៀវមើលសត្វព្រៃ កំសាន្តតាមប្រាសាទ និងតំបន់ធម្មជាតិផ្សេងៗទៀតដែលតំបន់សក្តានុពលក្នុងសហគមន៍”។

ឯកឧត្តមរដ្ឋមន្ត្រីបានបន្ថែមថា ការប្រកបរបររបស់ប្រជាសហគមន៍កាន់តែមានជម្រើសច្រើនតាមរយៈ ការរៀបចំ ការស្នាក់នៅ ការរៀបចំម្ហូបអាហារជូនភ្ញៀវទេសចរណ៍ដែលនឹងមកលេងតំបន់បេតិកភណ្ឌធម្មជាតិនេះ។

ទន្ទឹមនឹងនេះ ឯកឧត្តមរដ្ឋមន្ត្រីបានអំពាវនាវឱ្យប្រជាសហគមន៍យកចិត្តទុកដាក់ចំពោះការចិញ្ចឹមសត្វ និងរក្សាព្រៃឈើក្នុងតំបន់សហគមន៍ភ្នំគូលេនដែលជាប្រភពទឹកសំខាន់បំផុតមួយសម្រាប់ខេត្តសៀមរាប។

យ៉ាងណាក៏ដោយ មុនថ្លែងបិទកម្មវិធី រដ្ឋមន្ត្រីក្រសួងបរិស្ថាន បានបង្ហើបថារដ្ឋាភិបាលកំពុងធ្វើការជាមួយដៃគូពាក់ព័ន្ធដើម្បីលុបចោលការលក់សំបុត្រសម្រាប់ដំណើរកម្សាន្តលើភ្នំគូលេនដែលជាតំបន់សក្តិសិទ្ធិ និងជាតំបន់ទេសចរណ៍ធម្មជាតិដ៏មានសក្តានុពល៕

ព័ត៌មានបន្ថែម

មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
ថ្ងៃ សុក្រ, 30 កក្កដា, 2021 មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
ថ្ងៃ សុក្រ, 30 កក្កដា, 2021 កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន
ថ្ងៃ ព្រហស្បតិ៍, 29 កក្កដា, 2021 លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន