ក្រសួងបរិស្ថាន និងអង្គការស្បៀង និងកសិកម្ម នៃសហប្រជាជាតិ (FAO) ប្រចាំកម្ពុជា
ថ្ងៃ អង្គារ, 13 កញ្ញា, 2022ចុះហត្ថលេខា លើកិច្ចព្រមព្រៀងគម្រោង «ការលើកកម្ពស់ការគ្រប់គ្រងទឹកក្រោមដីឆ្លងដែនប្រកបដោយចីរភាព រវាងតំបន់ទំនាបទន្លេមេគង្គនៃប្រទេសកម្ពុជា និងដែនដីសណ្តរ នៃតំបន់មេគង្គប្រទេសវៀតណាម»
នៅរសៀលថ្ងៃច័ន្ទ ២រោច ខែភទ្របទ ឆ្នាំខាល ចត្វាស័ក ព.ស.២៥៦៦ ឯកឧត្តម សៅ សុភាព រដ្ឋលេខាធិការ និងជាប្រធានក្រុមការងារសហប្រតិបត្តិការ ផែនការ និងថវិកា បានអញ្ជើញជាអធិបតីភាពក្នុងពិធីចុះហត្ថលេខា លើកិច្ចព្រមព្រៀងគម្រោង «ការលើកកម្ពស់ការគ្រប់គ្រងទឹកក្រោមដីឆ្លងដែនប្រកបដោយចីរភាព រវាងតំបន់ទំនាបទន្លេមេគង្គនៃប្រទេសកម្ពុជា និងដែនដីសណ្តរ នៃតំបន់មេគង្គប្រទេសវៀតណាម» រវាងក្រសួងបរិស្ថាន និងអង្គការស្បៀង និងកសិកម្ម នៃសហប្រជាជាតិ (FAO) ប្រចាំកម្ពុជា ដែលបានអនុម័ត ដោយមូលនិធិបរិស្ថានសកល កាលពីខែមេសា ឆ្នាំ២០២២ កន្លងទៅ។
គម្រោងនេះ ត្រូវបានសហការរៀបចំដោយក្រសួងបរិស្ថាន ក្រសួងធនធានទឹក និងឧតុនិយម ក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រមាញ់ និងនេសាទ និងអង្គការស្បៀង និងកសិកម្ម នៃសហប្រជាជាតិ ក្នុងគោលបំណងរួមចំណែកធ្វើឱ្យប្រសើរទ្បើង និងពង្រឹងនូវកិច្ចសហប្រតិបត្តិការ ក្នុងការគ្រប់គ្រងធនធានស្រទាប់ទឹកអន្តរប្រទេសដោយប្រទេសទាំង២ តាមរយៈសមាសភាគចំនួន ៥ រួមមាន៖
១). ការសហការធ្វើការវិភាគ និងវាយតម្លៃ ដោយផ្អែកលើវិទ្យាសាស្ត្ររួមគ្នាលើបម្រែបម្រួលទឹក ក្រោមដី (លំហូរចូល និងការទាញទឹកយកប្រើប្រាស់) និងផលប៉ះពាល់លើប្រព័ន្ធអេកូឡូស៊ី និងជីវភាពរស់នៅរបស់ ប្រជាជន។
២). ការរៀបចំធ្វើគម្រោងសាកល្បង ដើម្បីស្វែងរកដំណោះស្រាយឱ្យការគ្រប់គ្រងទឹកក្រោមដីឆ្លងដែន ឱ្យមានភាពកាន់តែប្រសើរឡើង
៣). បង្កើតឱ្យមានយន្តការកិច្ចសហប្រតិបត្តិការឆ្លងដែន
៤). បង្កើតឱ្យមានយុទ្ធសាស្ត្រ ផែនការការងារ និងសកម្មភាពការងាររួមគ្នា
៥). ពង្រឹង និងពង្រីកសមត្ថភាពស្ថាប័ន បង្កើនសកម្មភាពនៃការចូលរួម ការបញ្ជ្រាបយេនឌ័រ និងការសម្របសម្រួលការងារឱ្យកាន់តែមានប្រសិទ្ធភាព។
សូមបញ្ជាក់ថា ពិធីចុះហត្ថលេខានាថ្ងៃនេះ ក៏មានការអញ្ជើញចូលរួមពី ឯកឧត្តម លោកជំទាវ ថ្នាក់ដឹកនាំ និងតំណាងអគ្គនាយកដ្ឋានចំណុះក្រសួងបរិស្ថាន ក្រសួងធនធានទឹក និងឧតុនិយម ក្រសួងអភិវឌ្ឍន៍ជនបទ ក្រសួងកសិកម្ម រុក្ខាប្រមាញ់ និងនេសាទ អង្គការជាតិ អន្តរជាតិ និងដៃគូរអភិវឌ្ឍន៍ សរុបប្រមាណ ៨០នាក់។
ព័ត៌មានបន្ថែម
ថ្ងៃ សុក្រ, 29 កញ្ញា, 2023
ឯកអគ្គរដ្ឋទូតឥណ្ឌានឹងចូលរួមចំណែកក្នុងយុទ្ធនាការ “ថ្ងៃនេះ ខ្ញុំមិនប្រើថង់ប្លាស្ទិកទេ”
ថ្ងៃ ព្រហស្បតិ៍, 28 កញ្ញា, 2023
សាមគ្គីភាពជាកម្លាំងចលករជំរុញឲ្យយុទ្ធនាការ កាត់បន្ថយថង់ប្លាស្ទិកទទួលបានជោគជ័យ
