នៅវេលាព្រឹកថ្ងៃទី១៣ ខែវិច្ឆិកា ឆ្នាំ២០១៧ នៅសណ្ឋាគារអប្សរាអង្គរ ខេត្តសៀមរាប ឯកឧត្តម ហេង ណារ៉េត អគ្គនាយក នៃអគ្គនាយកដ្ឋានគាំពារបរិស្ថាន និងប្រធានកិច្ចប្រជុំ បានចូលរួមជាអធិបតីក្នុងពិធីបើកកិច្ចប្រជុំអន្តររដ្ឋាភិបាលទី១៩ នៃបណ្តាញត្រួតពិនិត្យអាស៊ីតបរិយាកាស អាស៊ីខាងកើត (The Nineteenth Session of the Intergovernmental Meeting on the EANET (IG19)) ដែលនឹងប្រព្រឹត្តទៅរយៈពេល០២ថ្ងៃ ចាប់ពីថ្ងៃទី១៣-១៤ ខែវិច្ឆិកា ឆ្នាំ២០១៧។

ពិធីបើកកិច្ចប្រជុំមានការចូលរួមដោយលោកស្រី Isabelle Louis អនុប្រធានការិយាល័យថ្នាក់តំបន់អាស៊ីប៉ាស៊ីហ្វិក នៃអង្គការកម្មវិធីបរិស្ថានសហប្រជាជាតិ និងលោកបណ្ឌិត Kazuhiko SAKAMOTO អគ្គនាយកមជ្ឈមណ្ឌលស្រាវជ្រាវការបំពុលខ្យល់អាស៊ី (ACAP)។ កិច្ចប្រជុំនេះមានគោលបំណង ដើម្បីពិនិត្យលើលទ្ធផលការងាររបស់បណ្តាញត្រួតពិនិត្យអាស៊ីតបរិយាកាសអាស៊ីខាងកើត ដែលបានអនុវត្តន៍ក្នុងឆ្នាំ២០១៦ និង២០១៧ និងអនុម័តលើផែនការសកម្មភាព និងផែនការថវិការបស់លេខាធិការដ្ឋាន EANET សម្រាប់អនុវត្តក្នុងឆ្នាំ២០១៨ ខាងមុខ។

សមាជិកចូលរួមក្នុងកិច្ចប្រជុំនេះមានចំនួន៥៣ នាក់ តំណាងពីប្រទេសជាសមាជិក EANET ចំនួន១៣ ប្រទេស រួមមាន៖ ប្រទេស កម្ពុជា ចិន ឥណ្ឌូនេស៊ី ម៉ាឡេស៊ី ឡាវ វៀតណាម ថែ ហ្វីលីពីន មីយ៉ាន់ម៉ា ជប៉ុន សាធារណរដ្ឋកូរ៉េ ម៉ុងហ្គោលី រ៉ុស្សី និងលេខាធិការដ្ឋាន EANET នៃអង្គការកម្មវិធីបរិស្ថានសហប្រជាជាតិ និង ACAP៕​

ព័ត៌មានបន្ថែម

ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ថ្ងៃ ព្រហស្បតិ៍, 2 ធ្នូ, 2021 ឯកឧត្តម សាយ សំអាល់៖ កម្ពុជាប្តេជ្ញាចំពោះគោលការណ៍ផែនការខៀវ (Blue Print) ប្រកបដោយចីរភាព សមធ៌ម និងភាពធន់ សម្រាប់ការអភិវឌ្ឍសេដ្ឋកិច្ច-សង្គម
ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ថ្ងៃ អាទិត្យ, 28 វិច្ឆិកា, 2021 ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
ថ្ងៃ សុក្រ, 26 វិច្ឆិកា, 2021 ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា