ពិធីប្រគល់ទទួលធុងសំរាមពីក្រុមហ៊ុន វ័ន ហ្វ្រេតធើនីធី (វីតាល់) នៅទីស្តីការក្រសួងបរិស្ថាន

រួមគ្នាដើម្បីបរិស្ថាន

សិស្សានុសិស្សសាលាបឋមសិក្សាថ្នល់កែងថ្លែងអរយៈពេល៥ថ្ងៃ សមត្ថកិច្ចបានឃ្លុំដីទំហំជិត៤�មន្រ្តីជាន់ខ្ពស់ក្រសួងបរិស្ថានបន្តចុះផ្សកម្ពុជាបង្ហាញការដោះស្រាយលើការប្រែប្រួលអាក្រសួងបរិស្ថាន និងគណៈកម្មការជាតិដើម្បីទប�

នៅព្រឹកថ្ងៃទី១៦ ខែសីហា ឆ្នាំ២០២២ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថានបានចូលរួមជាអធិបតីភាពពិធីប្រគល់ទទួលធុងសំរាមពីក្រុមហ៊ុន វ័ន ហ្វ្រេតធើនីធី (វីតាល់) នៅទីស្តីការក្រសួងបរិស្ថាន។ ធុងសំរាមដែលទទួលបានចំនួន ១០ ត្រូវបានឯកឧត្តមរដ្ឋលេខាធិការប្រគេនដល់ព្រះចៅអធិការវត្តពោធិ៍សាលព្រឹក្សហៅវត្តទួលស្វាយ នៅក្នុងឃុំខ្ពបតាងួន ស្រុកស្ទឹងត្រង់ ខេត្តកំពង់ចាម។ ឯកឧត្តម នេត្រ ភក្ត្រា បានថ្លែងអំណរគុណក្រុមហ៊ុន វ័ន ហ្វ្រេតធើនីធី (វីតាល់) ដែលបានចូលរួមឧបត្ថម្ភធុងសំរាមដើម្បីយកទៅដាក់នៅតាមទីវត្តអារាម ចូលរួមក្នុងការថែរក្សាអនាម័យបរិស្ថានជាពិសេសគ្រប់គ្រងសំណល់រឹងរាវឱ្យបានត្រឹមត្រូវ។ ជាមួយគ្នានេះ ឯកឧត្តមរដ្ឋលេខាធិការក៏បានថ្លែងអំណរគុណដល់ព្រះសង្ឃនៃវត្តពោធិ៍សាលព្រឹក្សហៅវត្តទួលស្វាយដែលបានគិតគូរពីការថែរក្សាអនាម័យបរិស្ថានក្នុងវត្តអារាម និងជំរុញលើកទឹកចិត្តព្រះសង្ឃបន្ថែមរៀបចំទីវត្តទៅជាអារាមមេត្រីបរិស្ថានដើម្បីជាទីគោរពសក្ការៈបូជាដែលមានសោភ័ណភាពស្អាត។