ខេត្តមណ្ឌលគីរី៖ឯកឧត្តម ជួប ប៉ារីស៍ អនុរដ្ឋលេខាធិការក្រសួងបរិស្ថានបានអញ្ជើញជាអធិបតីបើកសិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣ ដោយមានការអញ្ជើញចូលរួមពី ឯកឧត្តម ញ៉ន សិទ្ធិ អភិបាលរងនៃគណៈអភិបាលខេត្តមណ្ឌលគីរី និងតំណាងអង្គការ WCS ប្រចាំកម្ពុជា មន្ទីរបរិស្ថានខេត្តមណ្ឌលគីរី-ក្រចេះ តំណាងសាលាស្រុក តំណាងប្រជាសហគមន៍ មេភូមិ មេឃុំ អង្គការសមាគមអភិក្សសត្វព្រៃ និងអង្គការដៃគូនានា សរុបជិត១០០នាក់ នាថ្ងៃទី២៩ ដល់៣០ ខែមិថុនា ឆ្នាំ២០២២។

សិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣ ធ្វើឡើងក្នុងគោលបំណងសំខាន់ៗមួយចំនួនរួមមាន៖ ១)ពិនិត្យ និងបង្ហាញនូវលទ្ធផលការអនុវត្តគម្រោងប្រចាំឆ្នាំ និងកត្តានានាដែលជាឧបសគ្គ ឬបញ្ហាប្រឈម និងឱកាសក្នុងការអនុវត្តគម្រោង ២)រៀបចំផែនការសកម្មភាពសម្រាប់ឆ្នាំសារពើពន្ធ(០១ កក្កដា ២០២២ ដល់៣០ មិថុនា ២០២៣) ពិសេសប្រមូលធាតុចូល និងមតិយោបល់ពីភាគីពាក់ព័ន្ធ ដើម្បីអនុវត្តគម្រោងកាន់តែប្រសើរឡើង និង៣)ពង្រឹងកិច្ច សហប្រតិបត្តិ ការជាមួយក្រសួងបរិស្ថាន មន្ទីរបរិស្ថាន អាជ្ញាធរ មូលដ្ឋាន ភាគីពាក់ព័ន្ធ និង សហគមន៍មូលដ្ឋានក្នុងការអនុវត្តគម្រោងរេដបូក ដែនជម្រកសត្វព្រៃកែវសីមា កាន់តែមានប្រសិទ្ធភាព។

ក្នុងរយៈពេលពីរថ្ងៃ អង្គសិក្ខាសាលានឹងមានការធ្វើបទបង្ហាញលើប្រធានបទមួយចំនួនរួមមាន៖ បទបង្ហាញស្តីពីការអនុវត្តច្បាប់ បទបង្ហាញស្តីពីការលើកកម្ពស់ការយល់ដឹង និងជីវភាពសហគមន៍ បទបង្ហាញស្តីពី ការលើកកម្ពស់ការយល់ដឹងនិងសុខភាពសហគមន៍ បទបង្ហាញស្តីពីការងារ

ត្រួតពិនិត្យ វាយតម្លៃគម្រោងដែនជម្រកសត្វព្រៃកែវសីមា និងផែនការឆ្នាំបន្ទាប់ និងបទបង្ហាញស្តីពីសេចក្តីព្រាងផែនការអនុវត្តគម្រោងឆ្នាំសារពើពន្ធ២០២៣៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់