ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន បានលើកឡើងថា កម្ពុជាដែលចង់រុញប្រទេសពីកសិកម្មទៅជាប្រទេសឧស្សាហកម្ម ពិតជាត្រូវការថាមពលដែលមានតម្លៃថោក និងជឿទុកចិត្តបានដើម្បីផ្តល់ឱកាសសម្រាប់ការវិនិយោគ ហើយដើម្បីរក្សាកំណើននៃការវិនិយោគ គឺត្រូវតែរក្សាឱ្យបាននៅសន្តិសុខថាមពល។ នេះគឺជាថ្លែងរបស់ឯកឧត្តមរដ្ឋមន្ត្រីក្នុងពិធីចុះអនុស្សរណៈរវាងក្រុមហ៊ុនDEVENCO និង ក្រុមហ៊ុនENGIE GLOW នៅសណ្ឋាគារឡឺរ៉ូយ៉ាល់(Le Royal)ក្នុងរាជធានីភ្នំពេញកាលពីយប់ថ្ងៃទី១០ ខែតុលានេះ។

ក្រុមហ៊ុនទាំងពីរនេះ គឺនឹងចាប់ដៃក្នុងការវិនិយោគអគ្គិសនីដើរដោយថាមពលព្រះអាទិត្យក្នុងទំហំ៣០-៥០មេហ្គាវ៉ាត់នៅក្នុងនៅក្នុងខេត្តកំពង់ឆ្នាំង។ ទន្ទឹមនឹងនេះ ឯកឧត្តមរដ្ឋមន្ត្រី បានគូសបញ្ជាក់ថា អគ្គិសនីដើរដោយថាមពលព្រះអាទិត្យ និងថាមពលឧស្ម័នគឺជាជម្រើសមួយបែបទៀតដែលមិនប៉ះពាល់ដល់បរិស្ថានខណៈដែលថាមពលទាំងពីរនេះអាចជំនួសការប្រើប្រាស់ថាមពលប្រេងឥន្ទនៈបាន។ ឯកឧត្តមរដ្ឋមន្ត្រី បានបន្តលើកឡើងថាបច្ចុប្បន្នប្រទេសធំៗលើសកលលោកបានងាកមកប្រើប្រាស់ថាមពលដែលកើតឡើងវិញដើម្បីជំនួសថាមពលដែលមិនកើតឡើងវិញក្នុងទិសដៅកាត់បន្ថយការប៉ះពាល់ដល់បរិស្ថានដោយការបំភាយឧស្ម័នផ្ទះកញ្ចក់៕

ព័ត៌មានបន្ថែម

កិច្ចប្រជុំក្រុមប្រឹក្សាភិបាលលើកទី១ លើគម្រោង “ការទប់ស្កាត់សំណល់ប្លាស្ទិកសមុទ្រ”
ថ្ងៃ សៅរ៍, 6 មិនា, 2021 កិច្ចប្រជុំក្រុមប្រឹក្សាភិបាលលើកទី១ លើគម្រោង “ការទប់ស្កាត់សំណល់ប្លាស្ទិកសមុទ្រ”
រយៈពេល១សប្ដាហ៍ អន្ទាក់ចាប់សត្វព្រៃជិត៥០០ខ្សែក្នុងដែនជម្រកសត្វព្រៃស្រែពក ត្រូវបានដោះ និងសាប្រមូលយកទៅកម្ទេចចោល
ថ្ងៃ សៅរ៍, 6 មិនា, 2021 រយៈពេល១សប្ដាហ៍ អន្ទាក់ចាប់សត្វព្រៃជិត៥០០ខ្សែក្នុងដែនជម្រកសត្វព្រៃស្រែពក ត្រូវបានដោះ និងសាប្រមូលយកទៅកម្ទេចចោល
ប្រកាសផ្លាស់ប្ដូរភារកិច្ចនិងតែងតាំងមន្ដ្រីរាជការនៃមន្ទីរបរិស្ថានខេត្តសៀមរាប
ថ្ងៃ សៅរ៍, 6 មិនា, 2021 ប្រកាសផ្លាស់ប្ដូរភារកិច្ចនិងតែងតាំងមន្ដ្រីរាជការនៃមន្ទីរបរិស្ថានខេត្តសៀមរាប