ឯឝឧត្តមសាយ សំអាល់ រដ្ឋមន្ត្រីក្រសួងបរិស្ថាន និងជាប្រធានសហភាពសហព័ន្ធយុវជនកម្ពុជារាជធានីភ្នំពេញ នៅថ្ងៃទី០៤ ខែតុលានេះ បានធ្វើជាអធិបតីក្នុងពិធីសំណេះសំណាលជាមួយសិស្សានុសិស្សដែលទទួលបានជ័យលាភីឆ្នើមក្នុងការប្រឡងមធ្យមសិក្សាទុតិយភូមិឆ្នាំ២០១៧នៅរាជធានីភ្នំពេញ។ ពិធីនេះធ្វើឡើងដោយមានការចូលរួមប្រមាណ៣០០នាក់ដែលជាសិស្សានុសិស្សឆ្នើមទាំង៣៤វិទ្យាល័យក្នុងរាជធានីភ្នំពេញ នាយកវិទ្យាល័យ និងអាណាព្យាបាល។
ថ្លែងទៅកាន់អ្នកចូលរួមនៅទីស្តីការក្រសួង ឯកឧត្តមសាយ សំអាល់ បានថ្លែងកោតសរសើរនិងវាយតម្លៃខ្ពស់ចំពោះភាពជោគជ័យរបស់សិស្សានុសិស្សទាំងអស់ដែលបានទទួលជ័យលាភីឆ្នើមក្នុងការប្រឡងឆ្នាំ២០១៧ ហើយឯកឧត្តមរដ្ឋមន្ត្រី ក៏បានថ្លែងអំគុណដល់លោកគ្រូអ្នកគ្រូ និងអរគុណដល់ឪពុកម្តាយដែលជាសរសទ្រូង ជាក្បូនដ៏រឹងម៉ាំនិងជាថ្នាលក្នុងការបណ្តុះសិស្សានុសិស្ស។

ទន្ទឹមនឹងនោះ ឯកឧត្តមរដ្ឋមន្ត្រី បានលើកឡើងពីការស្វ័យសិក្សារៀនសូត្រតាមបច្ចេកវិទ្យាដែលសិស្សានុសិស្សអាចសិក្សាស្រាវជ្រាវបានតាមរយៈ ហ្គូហ្គល (Google) ឬក៏យូធូប (Youtube)ដែលនឹងផ្តល់ចំណេះដឹងទូលំទូលាយ ហើយអាចឱស្វែងយល់ពីបញ្ហាជាច្រើនដែលកើនជុំវិញខ្លួនរបស់យើងទាំងក្នុងប្រទេស ឬក្នុងពិភពលោកទាំងមូល។ ឯកឧត្តមបានលើកឡើងពីភាពជោគជ័យរបស់អ្នកសិក្សាជាច្រើននៅលើសកលលោកដែលបានចំណាយពេលសិក្សារៀនសូត្រដោយខ្លួនឯងតាមរយៈការស្រាវជ្រាវ និងស្វែងយល់ ហើយទទួលបានជោគជ័យក្នុងការសិក្សា និងអាជីព។
បន្ថែមពីនេះឯកឧត្តមរដ្ឋមន្ត្រី បានលើកទឹកចិត្តរបស់សិស្សានុសិស្សទាំងអស់ដែលនឹងចូលសិក្សានៅថ្នាក់មហាវិទ្យាល័យគួរតែរកការងារធ្វើទន្ទឹមនឹងការសិក្សារៀនសូត្រដែលនឹងឱ្យសិស្សានុសិស្សស្គាល់គ្នាក្នុងសង្គម និងអាចធ្វើការនិងប្រាស្រ័យទាក់ទងក្នុងការងារ។

យ៉ាងណាក៏ដោយឯកឧត្តមរដ្ឋមន្ត្រី បានផ្តាំផ្ញើរឱ្យសិស្សានុសិស្សនិងអង្គពិធីទាំងមូលឱ្យចេះប្រែក្លាយឧបសគ្គទៅជាឱកាស ហើយថា ភាពរឹងម៉ាំរបស់កម្ពុជាគឺមិនមែនពឹងអាស្រ័យលើកម្លាំងបាយនោះទេ គឺកម្លាំងខួក្បាល។ នៅចុងបញ្ចប់នៃកម្មវិធីសំណេះសំណាលដែលមានរយៈពេលប្រមាណ១ម៉ោងកន្លះ ឯកឧត្តមរដ្ឋមន្ត្រី បានផ្តល់ជូនរង្វាន់លើកទឹកចិត្តដល់សិស្សានុសិស្សជ័យលាភីឆ្នើម និងសម្ភារៈការរិយាល័យដល់វិទ្យាល័យដែលមានសិស្សទទួលពិន្ទុខ្ពស់ជាងគេបង្អស់ផងដែរ៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់