កិច្ចប្រជុំក្រុមប្រឹក្សាជាតិអភិវឌ្ឍន៍ដោយចីរភាពលើកទី២ សម្រេចលទ្ធផលចំនួន៨ណុច
ថ្ងៃ អង្គារ, 3 តុលា, 2017កិច្ចប្រជុំនៃក្រុមប្រឹក្សាជាតិអភិវឌ្ឍន៍ដោយចីរភាពនៅថ្ងៃទី០៣ ខែតុលាដែលដឹកនាំដោយឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ប្រកបដោយចីរភាពបានពិនិត្យ និងសម្រេចលើលទ្ធផលចំនួន៨ចំណុច។
ចំណុចទាំងនោះរួមមាន៖ ទី១ ពិចារណាសិក្សាផ្តល់យោបល់លើវិស័យកម្មដំណាំជាយុទ្ធសាស្ត្រសម្រាប់ក្រុមហ៊ុនដីសម្បទានសេដ្ឋកិច្ច ទី២ នៅថ្នាក់ខេត្ត បន្ថែមភាកិច្ចជូនមន្ទីរបរិស្ថានជាលេខាធិការដ្ឋានអភិវឌ្ឍន៍ដោយចីរភាពថ្នាក់ខេត្ត ទី៣ ដកពាក្យ រ៉ូស្សាតូម នៅក្នុងក្រុមការងារនុយក្លេអ៊ែរ ដើម្បីបើកឱ្យកិច្ចសហប្រតិបត្តិការមានភាពទូលំទូលាយ ទី៤ សិក្សាផ្តល់យុទ្ធសាស្ត្រលើបញ្ហាពូជក្នុងស្រុក ការប្រើប្រាស់ពូជ GMO ជាដើម ទី៥ អង្គប្រជុំអនុម័តជាគោលការណ៍ផែនការយុទ្ធសាស្ត្ររបស់ក.ជ.អ.ច. ឆ្នាំ២០១៨ និងស្នើសុំឱ្យឯកឧត្តម លោកជំទាវ តំណាងក្រសួង រាជធានី ខេត្តផ្តល់ធាតុចូលបន្ថែមសម្រាប់ផែនការយុទ្ធសាស្ត្រនេះ ទី៦ អង្គប្រជុំក៏បានអនុម័តជាគោលការណ៍ស្តីពីក្រមបរិស្ថាន និងធនធានធម្មជាតិ សេចក្តីព្រាងយុទ្ធសាស្រ្ត និងផែនការសកម្មភាពបរិស្ថានជាតិ និងស្នើសុំឱ្យ ឯកឧត្តម លោកជំទាវដែលជាសមាជិក សមាជិកា ផ្ញើរធាតុចូលអគ្គលេខាធិការដ្ឋាន ក.ជ.អ.ច. នៅក្នុងរយៈពេល ៤ សប្តាហ៍ក្រោយពីកិច្ចប្រជុំនេះ ទី៧ អង្គប្រជុំបានពិនិត្យ និងអនុម័តលើផែនការយុទ្ធសាស្ត្រជាតិរេដបូក ២០១៧-២០២៦ និងទី៨ អង្គប្រជុំក៏បានទទួលរបាយការណ៍វឌ្ឍនភាពការងារអាស៊ានដែលប្រទេសយើងបានចួលរួម ដើម្បីសម្រេចបាននូវការងារ សហប្រត្តិបត្តិការបរិស្ថានអាស៊ាន។
ក្នុងកិច្ចប្រជុំ មានសមាជិកសមាជិការចូលរួមកិច្ចប្រជុំចំនួន ៨៨ នាក់ ក្នុងនោះមានសមាជិករបស់ក.ជ.អ.ច ចំនួន២៤រូប អ្នកតំណាងចំនួន៣០ រូប និង សមាជិកសមាជិការអវត្តមានចំនួន៩ រូប។ សូមបញ្ជាក់ថា ក្រោយកិច្ចប្រជុំឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព បានប្រកាសនឹងបើកកិច្ចប្រជុំលើកទី៣នៅដើមឆ្នាំ២០១៨ខាងមុខ៕
ព័ត៌មានបន្ថែម
ថ្ងៃ សុក្រ, 5 សីហា, 2022
អាស៊ានបញ្ជាក់ឡើងវិញនូវការប្តេជ្ញាចិត្តចំពោះការឆ្លើយតបនឹងការប្រែប្រួលអាកាសធាតុ
