ក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ក្នុងនាមជាអ្នកកាន់ព្រះពុទ្ធសាសនា ដែលជាសាសនារបស់រដ្ឋ ដឹកនាំដោយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ បានប្រគេនទេយ្យទាន គ្រឿងឧបភោគ បរិភោគ និងបច្ច័យ ដល់ព្រះសង្ឃនិមន្តមកពីវត្តចំនួន១៦វត្ត នៅក្នុងស្រុកព្រៃនប់ ខេត្តព្រះសីហនុ នាថ្ងៃចន្ទ ទី១០ ខែមករា ឆ្នាំ២០២២។

សូមបញ្ជាក់ថា ពិធីប្រគេនទេយ្យទានដល់ព្រះសង្ឃ បាន ប្រព្រឹត្តទៅនៅវត្តសារាយអណ្តែក ក្នុងឃុំជើងគោ ស្រុកព្រៃនប់ ខេត្តព្រះសីហនុ ដោយមានការអញ្ជើញចូលរួមពី ឯកឧត្តម លោកជំទាវ លោក លោកស្រី ថ្នាក់ដឹកនាំក្រុមការងាររាជរដ្ឋាភិបាលចុះមូលដ្ឋានខេត្តព្រះសីហនុ ក្រសួងបរិស្ថាន សមាជិកក្រុមប្រឹក្សាខេត្ត តំណាងគណៈអភិបាលខេត្តព្រះសីហនុ ប្រធានអង្គភាពជុំវិញខេត្ត និងរដ្ឋបាលស្រុកព្រៃនប់។ ក្រការងារបានប្រគេនវត្តទាំង១៦ ក្នុងស្រុកព្រៃនប់ ក្នុង១វត្តៗបានទទួលទេយ្យវត្ថុមួយចំនួន, បច្ច័យចំនួន១លានរៀល និងប្រគេនដល់ព្រះសង្ឃនិមន្តចូលរួមក្នុងមួយអង្គៗ នូវបច្ច័យចំនួន២០ម៉ឺនរៀល និងជូនថវិកាដល់យាយជី តាជី ដែលបានចូលរួមម្នាក់ៗចំនួន៥ ម៉ឺនរៀល ផងដែរ៕

ព័ត៌មានបន្ថែម

អនាម័យបរិស្ថានស្អាតគឺផ្តើមចេញពីយើងទាំងអស់គ្នា
ថ្ងៃ ព្រហស្បតិ៍, 20 មករា, 2022 អនាម័យបរិស្ថានស្អាតគឺផ្តើមចេញពីយើងទាំងអស់គ្នា
ខ្លាឃ្មុំធំបង្ហាញខ្លួនក្នុងតំបន់ការពារធម្មជាតិកម្ពុជា
ថ្ងៃ ព្រហស្បតិ៍, 20 មករា, 2022 ខ្លាឃ្មុំធំបង្ហាញខ្លួនក្នុងតំបន់ការពារធម្មជាតិកម្ពុជា
ឯកឧត្តម សាយ សំអាល់៖ សង្គមកម្ពុជាជាសង្គមមួយដែលសាសនាណាក៏អាចលូតលាស់បាន និងទទួលយកបានគ្រប់ជាតិសាសនា
ថ្ងៃ ពុធ, 19 មករា, 2022 ឯកឧត្តម សាយ សំអាល់៖ សង្គមកម្ពុជាជាសង្គមមួយដែលសាសនាណាក៏អាចលូតលាស់បាន និងទទួលយកបានគ្រប់ជាតិសាសនា