ខេត្តកំពង់ធំ៖ ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានបញ្ជាក់ថាបន្ទាប់ពីមេរោគកូវីដ១៩រីករាលដាលបានធ្វើឱ្យអសកម្មភាពមួយចំនួនមិនថាកម្ពុជា ឬ ប្រទេសដទៃទេ ហើយចំពោះវិស័យបរិស្ថានក៏បានទទួលរងផលប៉ះពាល់មួយចំនួនដែរ ប៉ុន្តែចាប់ពីបានស្គាល់ស្ថានភាពធូរស្បើយបន្ទាប់ររាជរដ្ឋាភិបាលបានចាក់វ៉ាក់សាំងបង្កាជម្ងឺកូវីដ១៩ ជូនពលរដ្ឋទូទាំងប្រទេសរួចមក យើងអាចពង្រឹង និងបន្តសកម្មភាពឱ្យកាន់តែសកម្មជាងមុនក្នុងការគ្រប់គ្រងបរិស្ថានក្នុងខេត្តបន្ថែមទៀត។

ការថ្លែងរបស់ ឯកឧត្តមរដ្ឋលេខាធិការបែបនេះធ្វើឡើងនៅក្នុងកិច្ចប្រជុំបូកសរុបលទ្ធផលការងារបរិស្ថានទូទាំងខេត្តកំពង់ធំប្រចាំឆ្នាំ២០២១ និងលើកទិសដៅការងារសម្រាប់អនុវត្តបន្តឆ្នាំ២០២២ របស់មន្ទីរបរិស្ថានខេត្តកំពង់ធំ នាព្រឹកថ្ងៃទី ២៤ ខែធ្នូ ឆ្នាំ ២០២១។
ឯកឧត្តម សៅ សុភាព បានបញ្ជាក់បន្ថែមថា នៅថ្ងៃខាងមុខក្រសួងបរិស្ថាន មានគម្រោងនឹងរៀបចំទីលានគ្រប់គ្រងសំរាមឱ្យបានត្រឹមត្រូវតាមលក្ខណៈបច្ចេកទេស និងបង្កើតឱ្យមានអាងប្រព្រឹត្តកម្មទឹកកខ្វក់ ដើម្បីចម្រោះទឹកកខ្វក់ឱ្យបានស្អាតមុនពេលបង្ហូរទឹកចូលក្នុងស្ទឹងសែន។ ក្រៅពីនេះ ក្រសួងបរិស្ថានក៏នឹងរៀបចំបំពាក់អំពូលសូឡាដើម្បីបំភ្លឹផ្លូវក្នុងក្រុងកំពង់ធំ នាពេលខាងមុខ។
ឯកឧត្តម ចាន់ តារា អភិបាលរង នៃគណៈអភិបាលខេត្តកំពង់ធំ បានកោតសរសើរ និងវាយតម្លៃខ្ពស់លើសមិទ្ធផលដែលបានសម្រេចបាន និងកិច្ចខិតខំប្រឹងប្រែងនាពេលកន្លងមករបស់មន្ទីរបរិស្ថានខេត្តកំពង់ធំ ពិសេសទៅលើកិច្ចការពាធនធានធម្មជាតិ និងអភិរក្សជីវៈចម្រុះ ការទប់ស្កាត់នូវរាល់ការបំពុលបរិស្ថាន ការបំផ្លាញធម្មជាតិ និងការអភិវឌ្ឍសហគមន៍មូលដ្ឋាន ជាដើម។

លោក តុប កក្កដា ប្រធានមន្ទីរបរិស្ថានខេត្តកំពង់ធំ បានលើកឡើងក្នុងពិធីនេះដែរថាការងារសំខាន់ៗ ដើម្បីឆ្លើយតបទៅនឹងគោលដៅចំបងៗ រួមមានកិច្ចការពារ អភិរក្ស និងពង្រឹងការអនុវត្តច្បាប់ស្តីពី តំបន់ការពារធម្មជាតិ ការធានានូវគុណភាពបរិស្ថានល្អនៅតាមទីប្រជុំជន ការចូលរួមគ្រប់គ្រងធនធានធម្មជាតិដោយសហគមន៍មូលដ្នាន ការលើកស្ទួយជីវភាពរស់នៅរបស់សហគមន៍មូលដ្ឋាន ដើម្បីកាត់បន្ថយសម្ពាធទៅលើធនធានធម្មជាតិ និងការអប់រំផ្សព្វផ្សាយបរិស្ថានជូនសាធារណជន សំដៅសម្រេចបាននូវគោលបំណងរួមមួយរបស់មន្ទីរបរិស្ថានខេត្តកំពង់ធំ៕

ព័ត៌មានបន្ថែម

សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
ថ្ងៃ អង្គារ, 19 មិនា, 2024 សិស្សានុសិស្សសាលាបឋមសិក្សាថ្នល់កែងថ្លែងអំណរគុណជូនចំពោះឯកឧត្តមបណ្ឌិត អ៊ាង សុផល្លែត និងលោកជំទាវ ជា សុផាកន្នី
រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
ថ្ងៃ ចន្ទ, 18 មិនា, 2024 រយៈពេល៥ថ្ងៃ សមត្ថកិច្ចបានឃ្លុំដីទំហំជិត៤ពាន់ហិកតា និងបញ្ជូនជនសង្ស័យ១នាក់ទៅតុលាការ
មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់
ថ្ងៃ ចន្ទ, 18 មិនា, 2024 មន្រ្តីជាន់ខ្ពស់ក្រសួងបរិស្ថានបន្តចុះផ្សព្វផ្សាយយុទ្ធសាស្រ្តរបស់រាជរដ្ឋាក្នុងការគ្រប់គ្រងធនធានធម្មជាតិ នៅក្នុងភូមិសាស្រ្តខេត្តពោធិ៍សាត់