ក្រុមការងារបច្ចេកទេសកម្ពុជា-ជប៉ុនបើកកិច្ចប្រជុំដើម្បីពិភាក្សាអំពីគោលការណ៍ណែនាំបច្ចេកទេសសម្រាប់អនុវត្តគម្រោងREDDបូក
ថ្ងៃ ព្រហស្បតិ៍, 14 កញ្ញា, 2017ដោយ ស៊ុន មេសា
ឯកឧត្តម សៅ សុភាព នាយកខុទ្ទកាល័យក្រសួងបរិស្ថាននៅថ្ងៃទី១៤ ខែកញ្ញានេះ បានដឹកនាំក្រុមការងារជួបជាមួយគណៈប្រតិភូជប៉ុនដឹកនាំដោយលោក Yuki Okada ជំនួយការប្រធានការរិយាល័យកិច្ចសហប្រតិបត្តិការអន្តរជាតិនៃក្រសួងកសិកម្មរុក្ខាប្រមាញ់ និងនេសាទរបស់ជប៉ុនដើម្បីពិភាក្សាអំពីការរៀបចំគោលការណ៍ណែនាំបច្ចេកទេសសម្រាប់អនុវត្តគម្រោងREDDបូក នៅក្រោមយន្តការឥណទានការបោនរួមគ្នារវាងកម្ពុជា និងជប៉ុន (JCM) ដែលជាកិច្ចព្រមព្រៀងត្រូវបានចុះហត្ថលេខាកាលពីខែមេសា ឆ្នាំ២០១៤។
តាមផែនការរៀបចំ ក្រុមការងារបច្ចេកទេសកម្ពុជា-ជប៉ុននឹងចាប់ផ្តើមដំណើរការសេចក្តីព្រាងគោលការណ៍ណែនាំបច្ចេកទេសគម្រោងREDDបូកនៅខែតុលា ឆ្នាំ២០១៧នេះ ហើយនឹងបញ្ចប់នៅខែមីនា ឆ្នាំ២០១៨។
ឯកឧត្តម សៅ សុភាព សង្ឃឹមថាគោលការណ៍ណែនាំ JCM នេះនឹងជួយជំរុញឱ្យវិស័ឯកជនមកពីជប៉ុនចូលរួមអនុវត្តន៍គម្រោងREDDបូកបន្ថែមទៀតដែលនឹងនាំឱ្យមានការរួចំណែកដល់ការការពារ និងការអភិរក្សជីវៈចម្រុះ ជាពិសេសព្រៃឈើឆ្លើយតបទៅនឹងការប្រែប្រួលអាកាសធាតុ ហើយទន្ទឹមនឹងនេះនឹងចូលរួមដល់ការលើកកម្ពស់ជីវភាពរស់នៅរបស់ប្រជាសហគមន៍មូលដ្ឋានតាមរយៈការចូលរួមសកម្មភាពរបស់ពួកគាត់៕
ព័ត៌មានបន្ថែម
