នាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាពបានបណ្តុះបណ្តាល ធ្វើតេស្តសាកល្បងប្រើប្រាស់ “ឧបករណ៍បម្រួញមាត្រដ្ឋានព័ត៌មានភូមិសាស្ត្រសម្រាប់ការប្រែប្រួលអាកាសធាតុ” ជាមួយក្រុមការងារជំនាញប្រែប្រួលអាកាសធាតុដែលអញ្ជើញមកពីក្រសួងស្ថាប័នពាក់ព័ន្ធ និងអង្គការមិនមែនរាជរដ្ឋាភិបាល តាម​រយៈ​សិក្ខាសាលាបណ្តុះ​បណ្តាល​នៅថ្ងៃទី៤ខែកញ្ញាឆ្នាំ២០១៧។

សិក្ខាសាលាបណ្តុះបណ្តាលនេះត្រូវបានដឹកនាំដោយឯកឧត្តមសាស្ត្រាចារ្យបណ្ឌិត សាបូ អូហ្សាណូ រដ្ឋលេខាធិការក្រសួងបរិស្ថាន និងជាប្រធានសម្របសម្រួលកម្មវិធីSPCR ជាមួយឯកឧត្តម ជួប ប៉ារីស៍ អគ្គលេខាធិការរងនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព និងបណ្ឌិត Ancha Srinivasan អ្នកឯកទេសប្រែប្រួលអាកាសធាតុតំណាងធនាគារអភិវឌ្ឍន៍អាស៊ីប្រចាំប្រទេសហ្វីលីពីន។

នៅក្នុងពិធីបើកសិក្ខាសាលាបណ្តុះបណ្តាលនេះ ឯកឧត្តមសាស្ត្រាចារ្យបណ្ឌិត សាបូ អូហ្សាណូបានមានប្រសាសន៍ថា “ឧបករណ៍នេះនឹងជួយដល់អ្នកពាក់ព័ន្ធនូវការប្រើប្រាស់ព័ត៌មានភូមិសាស្រ្ត និងវិធីសាស្រ្តបង្រួមមាត្រដ្ឋានដូចៗគ្នាឱ្យបានសមស្របបំផុត។ ជាមួយគ្នានេះ ឯកឧត្តមបានបញ្ជាក់បន្ថែមថា យើងក៏មានភាពប្រឈមក្នុងការប្រមូលនិងវិភាគទិន្នន័យតាមបែបវិទ្យាសាស្រ្ត និងទាមទារឱ្យមានបច្ចេកវិទ្យាទំនើបៗដើម្បីព្យាករពីនិន្នាការនៃការប្រែប្រួលអាកាសធាតុ”។

គោលបំណងនៃការជួបជាមួយក្រុមការងារជំនាញប្រែប្រួលអាកាសធាតុទាំងនេះ គឺដើម្បីបង្ហាញឧបករណ៍គាំទ្រសេចក្តីសម្រេចចិត្តដោយផ្អែកលើប្រព័ន្ធព័ត៌មានភូមិសាស្រ្តជាថ្មីម្តងទៀតបន្ទាប់ពីត្រូវបានធ្វើបច្ចុប្បន្នភាពដោយបានដាក់បញ្ចូលព័ត៌មានទិន្នន័យតាមបែបវិទ្យាសាស្ត្របន្ថែម ទាក់ទងនឹងអាកាសធាតុដែលត្រូវបានព្យាកររហូតដល់ឆ្នាំ២០៥០នៅគ្រប់ខេត្តក្រុងនៅប្រទេសកម្ពុជា ជាភាសាខ្មែរ និងអង់គ្លេស និងប្រមូលមតិយោបល់បន្ថែមទៀតដើម្បីកែលម្អឧបករណ៍នេះសម្រាប់រៀបចំសៀវភៅណែនាំ (ការ​ប្រើ​ប្រាស់​ឧបករណ៍បម្រួញមាត្រដ្ឋានព័ត៌មានភូមិសាស្ត្រសម្រាប់ការប្រែប្រួលអាកាសធាតុ) ដល់អ្នកប្រើប្រាស់ផងដែរ។

បណ្ឌិត Srinivasan ក៏បានឱ្យដឹងថា ឧបករណ៍នេះ នឹងត្រូវធ្វើតេស្តសាកល្បងប្រើប្រាស់ដោយមន្ត្រីជំនាញតាមវិស័យពាក់ព័ន្ធនៅថ្នាក់ជាតិ និងថ្នាក់ក្រោមជាតិដើម្បីគ្រប់គ្រង និងធ្វើបច្ចុប្បន្នភាពទិន្នន័យ មុននឹងដាក់បង្ហោះលើប្រព័ន្ធអ៊ីនធឺណែត សម្រាប់សាធារណៈជន ជាពិសេសអ្នករៀបចំផែនការ អ្នកធ្វើគោលនយោបាយ និងអ្នកធ្វើសេចក្តីសម្រេចចិត្តអាចទាញយកទិន្នន័យទាំងនេះមកប្រើប្រាស់៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy