រដ្ឋមន្ត្រីក្រសួងបរិស្ថាន ឯកឧត្តម សាយ សំអាល់ នៅថ្ងៃទី០៤ ខែកញ្ញា ឆ្នាំ​២០១៧នេះ បាន​អនុញ្ញាតឱ្យបេក្ខជនថ្នាក់បណ្ឌិតសញ្ជាតិអង់គ្លេសលោក NEIL LOUGMLIN ​បានចូលជួបនឹង និង​សំណេះ​សំណាល​នៅ​ទីស្តីការក្រសួងបរិស្ថាន។ សូមបញ្ជាក់ថា លោក NEIL LOUGMLIN គឺជាបេក្ខ​ជន​ថ្នាក់​បណ្ឌិត​នៅ​សាលកលវិទ្យាល័យនៃទីក្រុងឡុងដ៍ ចក្រភពអង់គ្លេសដែលកំពុងសិក្សាស្រាវជ្រាវ​ពីប្រទេស​កម្ពុជា​ក្រោយ​ឆ្នាំ​​១៩៧៩ដើម្បី​បំពេញនិក្ខេបបទថ្នាក់បណ្ឌិត។

ក្នុងឱកាសនោះ ឯកឧត្តមរដ្ឋមន្ត្រីបានប្រាប់ទៅកាន់លោក NEIL LOUGMLIN អំពីសមិទ្ធិផលរបស់​ក្រសួង​បរិស្ថាន​ក្នុងរយៈពេល៤ឆ្នាំមកនេះ ដែល​ក្រសួង​បាន​ធ្វើទំនើប​កម្ម​ស្ថាប័ន​ដោយ​បានពង្រឹងសមត្ថភាព​មន្ត្រី និងការកែសម្រួលរចនាសម្ព័ន្ធស្ថាប័នដែលបាននិងកំពុងផ្តល់ផ្លែផ្កាចំពោះសុខុដុមនីយកម្ម និងវឌ្ឍនភាព​នៃ​វិស័យ​បរិស្ថាន​កម្ពុជាដើម្បីឆ្ពោះទៅការបញ្ជ្រៀប និងការផ្លាស់ប្តូរផ្នត់​គនិត​របស់​ប្រជាពលរដ្ឋ​ឱ្យ​ស្រឡាញ់ និង​យកចិត្តទុកដាក់ថែរក្សាបរិស្ថានឱ្យកាន់តែប្រសើរឡើង។

ទន្ទឹមនឹងនេះ ឯកឧត្តមរដ្ឋមន្ត្រី បានលើកឡើងពីវឌ្ឍនភាពនៃ​សង្គម​កម្ពុជា​ទាំង​នយោបាយ និងការ​រីក​ចម្រើន​សេដ្ឋកិច្ច ចាប់តាំងពីឆ្នាំ១៩៧៩ រហូតដល់បច្ចុប្បន្ន​ដោយ​ឯកឧត្តម​បាន​ថ្លែងបញ្ជាក់​ពី​សុខសន្តិភាព និង​ស្ថេរ​ភាពនយោបាយដែលកម្ពុជាមាន និងកំណើនសេដ្ឋកិច្ចក្នុងរង្វង់៧% រយៈ១០ឆ្នាំចុងក្រោយនេះ រួម​ទាំង​សេរីភាព​សារព័ត៌មាន​នៅកម្ពុជាដែលជា​លំហរនាំ​ឱ្យពលរដ្ឋកម្ពុជា​បានក្លាយទៅជា​ប្រជាជន​ពិភព​លោក។

​ដោយឡែក លោកNEIL LOUGMLIN បានថ្លែងអំណរគុណឯកឧត្តមរដ្ឋមន្ត្រីដែលបានឱ្យលោកចូលជួប និងបានលើកឡើងពីការវិវឌ្ឍនៃសង្កមកម្ពុជា៕

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។ រូបភាព៖ វិសាល
បេក្ខជនថ្នាក់បណ្ឌិតសញ្ជាតិអង់គ្លេសលោក NEIL LOUGMLIN ។ រូបភាព៖ វិសាល

ព័ត៌មានបន្ថែម

ក្រសួងបរិស្ថានបន្តគាំទ្រនិងពង្រឹងសមត្ថភាពរដ្ឋបាលថ្នាក់ក្រោមជាតិដើម្បីបង្កើនប្រសិទ្ធភាពនៃការគ្រប់គ្រងសំណល់រឹងសំរាម
ថ្ងៃ ចន្ទ, 2 សីហា, 2021 ក្រសួងបរិស្ថានបន្តគាំទ្រនិងពង្រឹងសមត្ថភាពរដ្ឋបាលថ្នាក់ក្រោមជាតិដើម្បីបង្កើនប្រសិទ្ធភាពនៃការគ្រប់គ្រងសំណល់រឹងសំរាម
មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
ថ្ងៃ សុក្រ, 30 កក្កដា, 2021 មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
ថ្ងៃ សុក្រ, 30 កក្កដា, 2021 កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)