ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៅថ្ងៃទី១៦ ខែសីហានេះ បានអនុញ្ញាតិឱ្យអ្នកនិពន្ធ​សៀវភៅសញ្ជាតិអង់គ្លេស​លោក Michael Hesketh បានចូលជួបនៅទីស្តីការក្រសួងបរិស្ថានដើម្បីស្វែង​យល់ពីលទ្ធផ្លែផ្កានៃកំណែទម្រង់របស់ក្រសួងបរិស្ថាន។

ក្នុងឱកាសនោះ ឯកឧត្តមរដ្ឋមន្ត្រី​ បាន​ចែក​រំលែក​ពី​លទ្ធផល​ផ្លែផ្កានៃ​សមិទ្ធិផល​របស់​ក្រសួង​បរិស្ថាន​ក្នុង​រយៈពេល៤ឆ្នាំដែលជាអំពីចំណុចសរសរស្តមរបស់​ក្រសួងសម្រចបានដែល​ជាចំណុច​យុទ្ធសាស្ត្រ​ធ្វើឱ្យកំណែទម្រង់ក្រសួងបរិស្ថានទទួលលទ្ធផលជាផ្លែផ្កា។ ចំណុចទាំងនោះរួមមានការធ្វើកំណែ​ទម្រង់ស្ថាប័ន ការបង្កើតស្ថាប័នថ្មីដើម្បីទទួលខុសត្រូវ​ឱ្យស្របទៅ​នឹងការ​វិវដ្តនៃបរិស្ថាន ​និងការ​បែង​ចែក​ដាច់​ពីគ្នារវាងកិច្ចការងារអភិរក្ស និងកិច្ចការងារអភិវឌ្ឍន៍។ បន្ថែម​ពីនេះឯកឧត្តមរដ្ឋមន្ត្រី បានបន្ថែម​ថា ក្រសួង​បរិស្ថានកំពុងកែប្រែតំបន់ការពារ និងតំបន់​អភិរក្សឱ្យក្លាយ​ទៅជាតំបន់​ទេសចរណ៍​ធម្មជាតិ ជាដើម។

ទន្ទឹមនឹងនេះ ឯកឧត្តមរដ្ឋមន្ត្រី បានលើកឡើងពីជោគជ័យរបស់រដ្ឋាភិបាលកម្ពុជា លើការបញ្ឈប់ការផ្តល់​ដីសម្បទានសេដ្ឋកិច្ចតាំងពីឆ្នាំ២០១២ តាមបទបញ្ជាលេខ០១របស់រាជរដ្ឋាភិបាល ហើយទន្ទឹមនឹងនេះ ក្រសួងបរិស្ថាន បាននិរាករណ៍ដីសម្បទានសេដ្ឋកិច្ចជាច្រើនពាន់ហិកតាផងដែរ។

អ្នកនិពន្ធសញ្ជាតិអង់គ្លេសរូបនេះ គ្រោងនឹងសរសេរសៀវភៅមួយក្បាលដែលមានចំណងជើងថា “Cambodia: Risen from the ashes”ដែលមាន២០០ទំព័រ៕

ដោយ៖ ស៊ុន មេសា

ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន ក្នុងជំនួបជាមួយអ្នកនិពន្ធសញ្ជាតិអង់គ្លេស នៅថ្ងៃទី១៦ ខែសីហា ២០១៧។ រូបភាព៖ វិសាល
អ្នកនិពន្ធសញ្ជាតិអង់គ្លេស លោក Michael Hesketh។ រូបភាព៖ វិសាល

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១