នៅក្នុងកិច្ចពិគ្រោះយោបល់ថ្នាក់ជាតិលើកទី៥ ស្តីពី សេចក្តីព្រាងក្រមបរិស្ថាន និងធនធានធម្មជាតិ រៀបចំដោយក្រសួងបរិស្ថាននាថ្ងៃទី១៦ ខែសីហា ឆ្នាំ២០១៧ ឯកឧត្តម ខៀវ បូរិន អគ្គនាយកនៃអគ្គនាយកដ្ឋានសហគមន៍មូលដ្ឋាន បានធ្វើបទបង្ហាញពីបទបញ្ញត្តិសំខាន់ៗទាក់ទងនឹងការគ្រប់គ្រងតំបន់ការពារធម្មជាតិ និងសហគមន៍តំបន់ការពារធម្មជាតិ។ ឯកឧត្តមបានលើកឡើងថា ការគ្រប់គ្រងតំបន់ការពារធម្មជាតិ និងសហគមន៍តំបន់ការពារធម្មជាតិ គឺជាផ្នែកមួយសំខាន់ក្នុងការធ្វើឱ្យប្រសើរឡើងនូវនិរន្តរភាពបរិស្ថាន និងលើកកម្ពស់ជីវភាពប្រជាសហគមន៍។ ឯកឧត្តម ខៀវ បូរិន បានឱ្យដឹងដែរថា ការគ្រប់គ្រងសហគមន៍តំបន់ការពារធម្មជាតិនេះ គឺទាមទារឱ្យមានការចូលរួមពីគ្រប់មូលដ្ឋាន និងត្រួតពិនិត្យវាយតម្លៃរាល់សកម្មភាពនានាដែលមានការចូលរួមពីអ្នកពាក់ព័ន្ឋ ក្នុងការបង្កើតសេចក្តីព្រាងក្រមបរិស្ថាន និងធនធានធម្មជាតិ សំដៅធ្វើយ៉ាងណាឱ្យធានាបាននូវការអភិរក្សធនធានធម្មជាតិ និងជីវៈចម្រុះ។

ទន្ទឹមនេះ ការគ្រប់គ្រងទេសចរណ៍ធម្មជាតិ គឺសំដៅដល់ការគ្រប់គ្រងតំបន់ដែលមានសក្តានុពលវិស័យបរិស្ថាន ធ្វើយ៉ាងណា ដែលការអនុវត្តមិនធ្វើអោយប៉ះពាល់ដល់បរិស្ថានធម្មជាតិ និងបង្វែមកកៀរគរធនធានសម្រាប់បម្រើអោយសកម្មភាពអភិរក្សវិញ។ គូសបញ្ជាក់ដែរថា ទាំងនេះ ជាទិសដៅជំរុញការអភិវឌ្ឍប្រកបដោយនិរន្តរភាពនៃបរិស្ថាននៅកម្ពុជាតាមរយៈការការពារបរិស្ថាន ការអភិរក្សជីវៈចម្រុះ ការគ្រប់គ្រង និងការស្តារឡើងវិញនូវធនធានធម្មជាតិ និងការពារបេតិកភណ្ឌវប្បធម៌នៅក្នុងតំបន់ការពារធម្មជាតិ៕

ព័ត៌មានបន្ថែម

កិច្ចប្រជុំផ្សព្វផ្សាយណែនាំអំពីដំណើរការវាយតម្លៃ និងទទួលស្គាល់អង្គភាពគំរូក្នុងវិស័យបរិស្ថាន ឆ្នាំ២០២២
ថ្ងៃ សុក្រ, 24 មិថុនា, 2022 កិច្ចប្រជុំផ្សព្វផ្សាយណែនាំអំពីដំណើរការវាយតម្លៃ និងទទួលស្គាល់អង្គភាពគំរូក្នុងវិស័យបរិស្ថាន ឆ្នាំ២០២២
យុទ្ធនាការ កាត់បន្ថយការប្រើប្រាស់ថង់ប្លាស្ទិក និងផ្សព្វផ្សាយកន្រ្ដកបរិស្ថាន ​នៅខេត្តកំពត
ថ្ងៃ សុក្រ, 24 មិថុនា, 2022 យុទ្ធនាការ កាត់បន្ថយការប្រើប្រាស់ថង់ប្លាស្ទិក និងផ្សព្វផ្សាយកន្រ្ដកបរិស្ថាន ​នៅខេត្តកំពត
ឯកឧត្តម សាយ សំអាល់ កោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងសុខាភិបាល
ថ្ងៃ ពុធ, 22 មិថុនា, 2022 ឯកឧត្តម សាយ សំអាល់ កោតសរសើរនិងវាយតម្លៃខ្ពស់ចំពោះកិច្ចខិតខំប្រឹងប្រែងរបស់ក្រសួងសុខាភិបាល