ឯកឧត្តម ទិន ពន្លក រដ្ឋលេខាធិការក្រសួងបរិស្ថាន និងជាប្រធានគណៈកម្មការគ្រប់គ្រងគម្រោងកាំប៉ាស់ បានអញ្ជើញជាអធិបតីបើកសិក្ខាសាលាចែករំលែកបទពិសោធស្ដីពី “ការគ្រប់គ្រងធនធានធម្មជាតិ និងអភិរក្សជីវៈចម្រុះនៅតំបន់ទេសភាព” តាមរយៈប្រព័ន្ធបច្ចេកវិទ្យា Zoom នៅថ្ងៃទី១០ ខែសីហា ឆ្នាំ២០២១ ។ សិក្ខាសាលានេះរៀបចំឡើងដោយក្រុមការងារគម្រោងសហការជាមួយនាយកដ្ឋានជីវៈចម្រុះ និងមានការចូលរួមពីតំណាងនាយកដ្ឋានចំណុះលេខាធិការដ្ឋាន និងអគ្គនាយកដ្ឋានពាក់ព័ន្ធ មន្ទីរបរិស្ថានខេត្តមណ្ឌលគិរី សៀមរាប កំពង់ធំ និងព្រះវិហារ អង្គការដៃគូ និងគម្រោងដែលធ្វើការពាក់ព័ន្ធនឹងការគ្រប់គ្រងធនធានធម្មជាតិ និងអភិរក្សជីវៈចម្រុះ សរុបចំនួន៦៤រូប។

ក្នុងឱកាសបើកសិក្ខាសាលា ឯកឧត្តមរដ្ឋលេខាធិការ បានលើកឡើងពីគុណតម្លៃ និងសារប្រយោជន៍ នៃធនធានជីវៈចម្រុះ និងប្រព័ន្ធអេកូឡូស៊ីដែលមានតួនាទីយ៉ាងសំខាន់ ក្នុងការអភិវឌ្ឍសេដ្ឋកិច្ចសង្គម និងសុខុមាលភាពមនុស្សនៅលើភពផែនដី។ ឯកឧត្តមបានលើកឡើងពីសារៈសំខាន់នៃកិច្ចសហការអនុវត្តសកម្មភាពរួមគ្នារវាងស្ថាប័នរដ្ឋ និងអង្គការដៃគូ ក្នុងការគាំទ្រដល់ការគ្រប់គ្រងតំបន់ការពារទេសភាព និងគាំទ្រដល់ការរៀបចំឯកសារ លិខិតបទដ្ឋាន គតិយុត្ត សំខាន់ៗ ដូចជា ការរៀបចំគោលនយោបាយស្ដីពីការបង់ថ្លៃសេវាកម្មប្រព័ន្ធអេកូឡូស៊ី (PES) យន្តការហិរញ្ញប្បទាន និរន្តរភាព (Sustainable Financing Mechanism) យុទ្ធសាស្ត្រស្ដីពីការប្រាស្រ័យទាក់ទងសម្រាប់តំបន់ការពារធម្មជាតិ និងផែនការប្រើប្រាស់ដីក្នុងខេត្តមណ្ឌលគិរី។ល។

សិក្ខាសាលានេះ បានបន្តប្រព្រឹត្តទៅរយៈពេល១ព្រឹក ដែលដឹកនាំដោយលោកជំទាវ ចាន់ សុម៉ាលី អនុរដ្ឋលេខាធិការក្រសួងបរិស្ថាន និងជានាយិកាគម្រោងកាំប៉ាស់។ ជាលទ្ធផល អង្គការដៃគូ និងអ្នកពាក់ព័ន្ធបានធ្វើការចែករំលែកបទពិសោធន៍ និងករណីសិក្សាល្អៗពាក់ព័ន្ធនឹងការគ្រប់គ្រងតំបន់ការពារទេសភាពកន្លងមក រួមមាន៖ ១)សមិទ្ធផលសង្ខេប និងភាពខ្លាំងនៃការអនុវត្តគម្រោងកាំប៉ាស់ ២)បទពិសោធន៍ស្ដីពីការសិក្សាស្រាវជ្រាវ និងការគ្រប់គ្រងទិន្នន័យជីវៈចម្រុះ ក្នុងដែនជម្រកសត្វព្រៃកែវសីមា ៣)បទពិសោធការងារលើកកម្ពស់ជីវភាព និងការចូលរួមរបស់សហគមន៍ក្នុងការអភិរក្សសត្វស្លាបជិតផុតពូជនៅដែនជម្រកសត្វព្រៃលំផាត់ (សហគមន៍ស្រែជ្រៃ និងសហគមន៍តំបន់ការពារធម្មជាតិអូរ៉ៃ) និង៤)បញ្ហា ប្រឈមនិង ដំណោះស្រាយ ក្នុងការអនុវត្តច្បាប់ តាមរយៈការពង្រឹងកិច្ចសហប្រតិបត្តិការ និងការប្រើប្រាស់ប្រព័ន្ធបច្ចេកវិទ្យា៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy