ឯកឧត្ដម ទិន ពន្លក អគ្គលេខាធិការ​នៃអគ្គលេខាធិការដ្ឋានក្រុម​ប្រឹក្សាជាតិអភិវឌ្ឍន៍​ដោយ​ចីរភាព​នៃក្រសួងបរិស្ថាន នៅព្រឹកថ្ងៃទី១៤ ខែសីហា ឆ្នាំ២០១៧ បានដឹកនាំកិច្ចប្រជុំពិគ្រោះយោបល់​ជា​មួយ​​ ឯកឧត្ដម Wang Jinfeng អនុប្រធាន​សាជីវកម្ម​​ជាតិ​​​​នុយ​​ក្លេ​អ៊ែរ ចិន(CNNC) នៅទីស្តីការក្រសួងបរិស្ថានដើម្បពិគ្រោះយោបល់លើសេចក្ដីព្រាងអនុស្សរណៈនៃ​ការ​យោគ​យល់ស្ដីពីកិច្ចសហប្រតិបត្ដិការក្នុងវិស័យ​ឧស្សាហកម្មនុយ​ក្លេអ៊ែរ។​ អនុស្សរណៈដែលភាគីកម្ពុជាចិនកំពុងពិភាក្សានេះ គឺផ្ដោតជាសំខាន់ទៅលើការអភិវឌ្ឍធនធានមនុស្ស ការលើកកម្ពស់ការយល់ដឹងជាសាធារណៈអំពីថាមពលនិងបច្ចេកវិទ្យានុយក្លេអ៊ែរ និងការប្រើប្រាស់បច្ចេកវិទ្យាទាំងនេះសម្រាប់បម្រើឱ្យឧត្តមប្រយោជន៍ក្នុងវិស័យ ឧស្សាហកម្ម និងកិច្ចគាំពារបរិស្ថាន។​

កិច្ចប្រជុំនេះ ប្រព្រឹត្តទៅដោយមាន​​ការចូល​រួមពីតំណាងក្រសួង ស្ថាប័នពាក់ព័ន្ធមួយចំនួនដូចជា ក្រសួងបរិស្ថាន អគ្គលេខាធិការដ្ឋាន ក.ជ.អ.ច. ក្រសួង​កសិកម្ម រុក្ខាប្រមាញ់និងនេសាទ ក្រសួងសុខាភិបាល ក្រសួង​ឧស្សាហកម្ម​និងសិប្បកម្ម ក្រសួងរ៉ែ និង​ថាមពល និងសាជីវកម្មជាតិនុយក្លេអ៊ែរចិន។

ក្រោយការពិភាក្សារយៈពេលជាង៤ម៉ោង  ភាគីទាំងពីរ បានកែសម្រួលខ្លឹមសារមួយចំនួន និងបានឯកភាពនឹងខិតខំប្រឹងប្រែងរៀបចំបញ្ចប់ MoU នេះ នៅត្រឹមចុង​ខែ​សីហា ឆ្នាំ២០១៧ ដើម្បីដាក់ជូនប្រមុខដឹកនាំរដ្ឋាភិបាលនៃប្រទេសទាំ​ង ​​ពីរ នៅ​​ក្នុងឱកាសនៃកិច្ចប្រជុំលើក​ទី​១៤ នៃវេទិកា China ASEAN Expo ដែលនឹងប្រព្រឹត្ត​ទៅ​នៅ​ថ្ងៃ​ទី១២ ខែ​កញ្ញា ឆ្នាំ២០១៧ នៅទី​ក្រុង​ណាននីង ប្រទេសចិន។ បន្ថែមពីនេះ ភាគីទាំងពីរបានចុះហត្ថលេខាលើលិខិតកំណត់ហេតុនៃកិច្ចប្រជុំនាថ្ងៃទី១៤ ខែសីហានេះ មុនពេលដែលភាគីទាំងពីរនឹងរៀបចំកិច្ចប្រជុំម្តងទៀតដើម្បីពិនិត្យសម្រេចលើខ្លឹមសារចុងក្រោយនៃកិច្ចសហប្រតិបត្តិការនៃភាគីទាំងពីរ៕

ឯកឧត្ដម ទិន ពន្លក អគ្គលេខាធិការនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាពនៃក្រសួងបរិស្ថាន និង ឯកឧត្ដម Wang Jinfeng អនុប្រធានសាជីវកម្មជាតិនុយក្លេអ៊ែរ ចិន(CNNC)។

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ