ក្រុមការងារនៃគម្រោងអភិរក្សព្រៃឡង់ JCM REDD+ ដំណាក់កាលទី២ បានឯកភាពលើចំណុចមួយចំនួនដើម្បីពង្រឹងការគ្រងធនធានធម្មជាតិនៅក្នុងដែនជម្រកសត្វព្រៃ«ព្រៃឡង់» ដូចខាងក្រោម៖
– ជំរុញការលើកកម្ពស់ជីវភាពសហគមន៍តាមរយៈការបង្កើតជម្រើសមុខរបរ និងបង្កើនប្រាក់ចំណូលជូនប្រជាសហគមន៍មូលដ្ឋាន ដើម្បីកាត់បន្ថយការពឹងអាស្រ័យលើធនធានធម្មជាតិ នៅដែនជម្រកសត្វព្រៃ-ព្រៃឡង់
– ជំរុញការពង្រឹងការអនុវត្តច្បាប់ស្តីពីតំបន់ការពារធម្មជាតិ ដោយមានការចូលរួមពីប្រជាសហគមន៍មូលដ្ឋាន ក៏ដូចជាក្រុមការងារថ្នាក់ជាតិ និងថ្នាក់ក្រោមជាតិទាំងអស់ ដើម្បីធានាឱ្យបាននូវការការពារនិងអភិរក្សធនធានធម្មជាតិនៅតំបន់ព្រៃឡង់
– បន្តកិច្ចសហការរវាងក្រុមការងារនៃក្រសួងបរិស្ថាន ក្រុមហ៊ុន Mitsui និងអង្គការ CI ក៏ដូចជាការផ្តល់ជំនួយទាំងផ្នែកបច្ចេកទេស និងហិរញ្ញវត្ថុពីក្រុមហ៊ុន និងអង្គការដៃគូរ ដើម្បីបន្តពង្រឹងការងារគ្រប់គ្រងនិងអភិរក្សធនធានធម្មជាតិឱ្យកាន់តែប្រសើរឡើង។
សូមបញ្ជាក់ថា កិច្ចពិភាក្សានៃក្រុមការងារគម្រោងអភិរក្សព្រៃឡង់ JCM REDD+ ដំណាក់កាលទី២ បានរៀបចំឡើងតាមប្រព័ន្ធបញ្ជូនរូបភាពនិងសំឡេង Zoom នៅព្រឹកថ្ងៃសុក្រ ១៣រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី៦ ខែសីហា ឆ្នាំ២០២១ ដោយមានការចូលរួមពី ឯកឧត្តម សៅ សុភាព ឯកឧត្តម ស្រ៊ុន ដារិទ្ធិ ឯកឧត្តម នេត្រ ភក្ត្រា ឯកឧត្តម ជា សំអាង រដ្ឋលេខាធិការក្រសួងបរិស្ថាន រួមជាមួយថ្នាក់ដឹកនាំ និងមន្រ្តីជំនាញរបស់ក្រសួងបរិស្ថាន តំណាងក្រុមហ៊ុន Mitsui និងអង្គការ CI។ កិច្ចប្រជុំបានពិភាក្សាផ្តោតសំខាន់លើ៖ (១).បទពិសោធន៍ការងារដែលទទួលបានពីការអនុវត្តគម្រោងដំណាក់កាលទី១ (២).សកម្មភាពការងារចំបង ឆ្ពោះទៅកាន់ការអនុវត្តគម្រោងដំណាក់កាលទី២ (៣).រចនាសម្ព័ន្ធក្រុមការងារអនុវត្តគម្រោង និងផែនការថវិកាសម្រាប់ការអនុវត្តគម្រោងដំណាក់កាលទី២ និង(៤).ផែនការជំហ៊ានបន្ទាប់៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy