រដ្ឋមន្ត្រីបរិស្ថានចែករំលែកបទពិសោធន៍ទៅដល់គម្រោងចិត្តដូចគ្នា (ONE HEART Project)
ថ្ងៃ ចន្ទ, 14 សីហា, 2017ឯកឧត្តមសាយ សំអាល់ រដ្ឋមន្ត្រីក្រសួងបរិស្ថាន នៅរសៀលថ្ងៃទី១៤ ខែសីហានេះ បានអនុញ្ញាតឱ្យក្រុមយុវជនចំនួន៣០នាក់ មកពីគម្រោងចិត្តដូចគ្នា(One heart Project) បានចួលជួប និងទទួលការណែនាំ ហើយ ឯកឧត្តម បានណែនាំឱ្យយុវជនទាំងអស់ខិតខំប្រឹងប្រែងកសាងសមត្ថភាពរបស់ខ្លួនដើម្បីចូលរួមជ្រោងទង់នៃការអភិវឌ្ឍសង្គមកម្ពុជា។
ក្នុងជំនួបប្រមាណ១ម៉ោងនៅទីស្តីការក្រសួងបរិស្ថាន ឯកឧត្តមបានចែករំលែកពីបទពិសោធន៍ក្នុងកិច្ចការងារនៅក្រសួងក្នុងនាមជាយុវជន និងបានបង្ហាញពីទិដ្ឋភាពជារួមនៃការវិវឌ្ឍសង្គមកម្ពុជាដើម្បីកសាងសង្គមសន្តិភាព និងស្ថេរភាព និងជាពិសេសវឌ្ឍភាពនៃវិស័យបរិស្ថាន។ បន្ថែមពីនេះ ឯកឧត្តមរដ្ឋមន្ត្រី បានឧបត្ថមថវិកាដល់កម្មវិធី និងបានលើកទឹកចិត្ត និងជួយសម្រួលឱ្យក្រុមយុវជនអាចទៅបោះតង់នៅតំបន់ទេសចរណ៍នានាក្នុងប្រទេសកម្ពុជាដែលសុទ្ធសឹងតែជាតំបន់សក្តានុពលធម្មជាតិ និងអេកូទេសចរណ៍ដើម្បីចូលរួមចំណែកនៃការផ្សព្វផ្សាយពីសម្រស់ធម្មជាតិរបស់កម្ពុជា៕
ព័ត៌មានបន្ថែម
ថ្ងៃ ចន្ទ, 6 កក្កដា, 2020
ក្រុមការងារអន្តរក្រសួងពិនិត្យលើការចុះកំណត់តំបន់ស្ថានីយបុរាណនៅខេត្តតាកែវ
