សិក្ខាសាលាបណ្តុះបណ្តាលសិក្ខាសាលាស្តីពីការកំណត់អត្តសញ្ញាណសត្វស្លាប ច្បាប់ និងបទដ្ឋានគតិយុត្តពាក់ព័ន្ធនឹងបទល្មើសសត្វស្លាបក្នុងតំបន់ការពារធម្មជាតិ

សិក្ខាសាលាតាមរយៈប្រព័ន្ធវីដេអូ Zoom នេះ ប្រព្រឹត្តទៅថ្ងៃទី០៦ ខែសីហា ឆ្នាំ២០២១ ក្រោមអធិបតីភាព ឯកឧត្តម គឹម ណុង អគ្គនាយកដ្ឋានរដ្ឋបាលការពារនិងអភិរក្សធម្មជាតិ និងមានអ្នកចូលរួមចំនួន៩០នាក់ ដែលមកពីនាយកដ្ឋានទាំង៧ចំណុះអគ្គនាយកដ្ឋានរដ្ឋបាលការពារ និងអភិរក្សធម្មជាតិ នាយកដ្ឋានជីវៈចម្រុះ នាយកដ្ឋានព័ត៌មាន និងផ្សព្វផ្សាយបរិស្ថាន នាយកដ្ឋានអប់រំបរិស្ថាន នាយកដ្ឋានជីវភាពសហគមន៍ នាយកដ្ឋានទេសចរណ៍ធម្មជាតិ មន្ទីរបរិស្ថានខេត្តចំនួន១២ រួមមាន ខេត្តតាកែវ កំពត កែប កោះកុង បាត់ដំបង កំពង់ធំ សៀមរាប ស្ទឹងត្រែង កំពង់ចាម ត្បូងឃ្មុំ បន្ទាយមានជ័យ និងខេត្តព្រៃវែង អង្គការដៃគូពាក់ព័ន្ធរួមមាន៖ អង្គការជីវិតសត្វស្លាបអន្តរជាតិ (BirdLife International) អង្គការជីវិតធម្មជាតិនៅកម្ពុជា (NatureLife Cambodia) អង្គការអភិរក្សតំបន់ដីសើមនិងសត្វស្លាបព្រៃ (WWT) អង្គការសមាគមអភិរក្សសត្វព្រៃ (WCS) អង្គការមូលនិធិសត្វព្រៃពិភពលោក (WWF) អង្គការសម្ព័ន្ធមិត្តសត្វព្រៃ (WA) អង្គការសម្ព័ន្ធសត្វព្រៃនិងធម្មជាតិ (WEA) និងសាកលវិទ្យាល័យបញ្ញាសាស្ត្រកម្ពុជា (PUC) និងសាកលវិទ្យាល័យភូមិន្ទកសិកម្ម (RUA)៕