ការអភិរក្សធនធានធម្មជាតិ ជាកាតព្វកិច្ចរបស់ពលរដ្ឋកម្ពុជាគ្រប់រូប រួមទាំងការប្រើប្រាស់ អាស្រ័យផល និងទទួលផលដែលធានានិរន្តរភាព សម្រាប់យើងទាំងអស់គ្នានាពេលបច្ចុប្បន្ន និងកូនចៅជំនាន់ក្រោយៗ។ ដើម្បីជំរុញឱ្យមានការចូលរួមក្នុងការងារនេះ ការផ្តល់ជម្រើសមុខរបរថ្មីសម្រាប់លើកកម្ពស់ជីវភាពសហគមន៍មូលដ្ឋាន ជាការចាំបាច់ ដែលធ្វើឱ្យសមាជិកសហគមន៍ អាចផ្លាស់ប្តូរទម្លាប់ពឹងអាស្រ័យទាំងស្រុងលើធនធានធម្មជាតិ មកប្រកបមុខរបរថ្មី ស្របច្បាប់ និងទទួលបានចំណូលខ្ពស់។
ស្រ្តីម្នាក់ឈ្មោះ ស្រី ស្លាត រស់នៅក្នុងភូមិអន្ត្រេះ ឃុំអបួនលើ ស្រុកកោះញែក ខេត្តមណ្ឌលគីរី ជាសមាជិកសហគមន៍តំបន់ការពារធម្មជាតិអបួនលើ ស្ថិតក្នុងដែនជម្រកសត្វព្រៃស្រែពក។ ក្រុមគ្រួសារស្រី ស្លាតចាប់ផ្តើមចិញ្ចឹមក្របី ៥ក្បាល តែធ្មេចបើកៗតែប៉ុន្មានឆ្នាំសោះ ប្អូនស្រីមានក្របីដល់ទៅ ៤០ក្បាល ហើយដែលក្នុងនោះ ជារៀងរាល់ឆ្នាំ គ្រួសារនាង បានលក់ក្របី ២-៣ ក្បាល ដើម្បីយកប្រាក់មកចិញ្ចឹមគ្រួសារ។ ក្រៅពីនេះ គ្រួសារអ្នកស្រី ក៏ធ្វើស្រែ ដើម្បីផលិតអង្ករសម្រាប់ទុកបរិភោគក្នុងគ្រួសារផងដែរ។ ទីផ្សារក្របីនាពេលបច្ចុប្បន្ន គឺក្របីឈ្មោលពេញវ័យ មានតម្លៃពី ៨-១០ លានរៀល និងក្របីញី មានតម្លៃពី ៤-៦ លានរៀល ក្នុងមួយក្បាល។
យោងតាមផែនការយុទ្ធសាស្ត្ររបស់ក្រសួងកសិកម្ម រុក្ខាប្រមាញ់ និងនេសាទ ក្រសួងបរិស្ថាន បាននិងកំពុងចូលរួមយ៉ាងសកម្មក្នុងការជំរុញការចិញ្ចឹមក្របីពីទ្រុងទ្រាយតូច មកជាលក្ខណៈពាណិជ្ជកម្ម ដើម្បីបង្កើនចំណូលគ្រួសារ ក៏ដូចជាសហគមន៍ ដែលជាចលករផ្តល់លទ្ធភាពដល់សហគមន៍ចូលរួមពេញលេញក្នុងការអភិរក្សធនធានធម្មជាតិ និងជីវចម្រុះ៕

ប្រភពៈ កញ្ញា ញាស់ ទុំ ប្រធានបណ្តាញសហគមន៍ដែនជម្រកសត្វព្រៃស្រែពក

#ជីវភាពសហគមន៍យើង #OurCommunityLivelihood

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ