ថ្ងៃទី០១ ខែសីហា ឆ្នាំ២០១៧ គឺជាទិវាឧទ្យានុរក្សពិភពលោក (World Ranger Day)។ ទិវានេះ ឧទ្ទិសដល់កិច្ចខិតខំប្រឹងប្រែងរបស់ឧទ្យានុរក្សដែលបានលះបង់ដោយប្រឈមគ្រោះថ្នាក់គ្រប់បែបយ៉ាងដើម្បីការពារ និងអភិរក្សសត្វព្រៃ និងព្រៃឈើ។ សម្រាប់ថ្ងៃនេះដែរ កម្ពុជាវិញដែលជាដែនដីសម្បូរទៅដោយធនធានធម្មជាតិ ក៏មានវីរៈបុរសរបស់ខ្លួនដែលបានការពារសត្វព្រៃ និងព្រៃឈើ។ ឧទ្យានុរក្សរបស់យើង(កម្ពុជា) បានប្រឹងប្រែងយ៉ាងខ្លាំងយកអស់កម្លាំងកាយចិត្តដើម្បីការពារអភិរក្សប្រព័ន្ធអេកូឡូស៊ីដែលជាតំបន់មានតម្លៃបំផុត។

ក្រសួងបរិស្ថានដែលជាសេនាធិការរបស់រដ្ឋាភិបាលក្នុងកិច្ចការងារការពារអភិរក្សធនធានធម្មជាតិ សូមសំដែងគោរពចំពោះវីរៈភាពរបស់ឧទ្យានុរក្សរបស់កម្ពុជាដែលតែងតែយកចិត្តទុកដាក់លើកិច្ចការងារការពារធនធានធម្មជាតិ។ សូមបញ្ជាក់ថា រហូតមកដល់ពេលនេះ ក្រសួងបរិស្ថានមានឧទ្យានុរក្សប្រមាណជាង១២០០នាក់ ដែលកំពុងគ្រប់គ្រងលើផ្ទៃដីប្រមាណជាង៧លាន៥សែនហិកតានៅទូទាំងប្រទេស។ ក្នុងបេសកកម្មដ៏ធំធេងនេះ ឧទ្យានុរក្សរបស់បរិស្ថាន បានជួយសង្គ្រោះសត្វព្រៃរាប់ពាន់ក្បាលដែលត្រូវជនទុច្ចរិតជួញដូរ និងបានបង្ក្រាបសកម្មភាពបរបាញ់ខុសច្បាប់ និងការកាប់ឈើជាមជាច្រើនករណីទៀតដែរ។

សូមរំលឹកថា ក្នុងកិច្ចការពារធនធានធម្មជាតិ និងសត្វព្រៃ ក្រៅពីកិច្ចការងារដ៏សកម្មរបស់ក្រសួងបរិស្ថាននោះ អាជ្ញាធរមូលដ្ឋាន ប៉ូលិស ប៉េអឹមនិងមន្ត្រីពាក់ព័ន្ធផ្សេងៗទៀតក៏បានចូលរួមយ៉ាងសកម្ម ដែលអ្នកទាំងនោះ “ឧទ្យានុរក្ស ប៉ូលិស ប៉េអឹម និងមន្ត្រីពាក់ព័ន្ធផ្សេងៗទៀត គឺសុទ្ធសឹងតែជាវីរៈបុរសកម្ពុជាដែលការពារសត្វព្រៃ និងធនធានធម្មជាតិ”៕

ដោយ៖ ស៊ុន មេសា

ព័ត៌មានបន្ថែម

កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ថ្ងៃ អង្គារ, 26 តុលា, 2021 កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ថ្ងៃ អង្គារ, 26 តុលា, 2021 ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង
ថ្ងៃ ចន្ទ, 25 តុលា, 2021 ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង