ក្រសួងបរិស្ថានបានរៀបចំពិធីចុះអនុស្សរណៈយោគយល់ជាមួយក្រុមហ៊ុន Be Treed Guesthouse ក្នុងកិច្ចសហប្រតិបត្តិការលើកិច្ចការការពារ អភិរក្សធនធានធម្មជាតិ និងថែរក្សាបរិស្ថាន ក្នុងភូមិសាស្រ្តខេត្តព្រះវិហារ ដោយភាគីក្រសួងបរិស្ថានតំណាងដោយ ឯកឧត្តម សូ ខនឬទ្ធីគុណ អនុរដ្ឋលេខាធិការ និងតំណាងក្រុមហ៊ុនលោក បេនចាមីន ដេវីស ក្រោមអធិបតីភាពឯកឧត្តម ផៃ ប៊ុនឈឿន រដ្ឋលេខាធិការ តំណាងឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន និងមានអញ្ជើញចូលរួមពីឯកឧត្តម លោកជំទាវ អគ្គនាយក លោក លោកស្រីជាអគ្គនាយករង ប្រធាននាយកដ្ឋាន សរុបប្រមាណ ៣៥នាក់ នៅទីស្តីការក្រសួងបរិស្ថាននាល្ងាចថ្ងៃទី០៣ ខែសីហា ឆ្នាំ២០១៧។

ក្រសួងបរិស្ថាន និងក្រុមហ៊ុន Be Treed Guesthouse មានគោលបំណងពង្រឹង និងពង្រីក កិច្ចសហប្រតិបត្តិការក្នុងវិស័យទេសចរណ៍ធម្មជាតិ អភិរក្សជីវៈចម្រុះ និងការអាស្រ័យផលពីសេវាកម្មបរិស្ថានដោយចីរភាព ដោយឈរលើមូលដ្ឋានសមភាព និងផលប្រយោជន៍ទៅវិញទៅមក។

កិច្ចសហប្រតិបត្តិការនេះ នឹងព្រមព្រៀងឱ្យមានការបង្កើតសហគមន៍តំបន់ការពារធម្មជាតិភ្នំត្នោត និងការលើកផែនការសម្រាប់ការគ្រប់គ្រង, ដាក់ចេញនូវកម្មវិធីការពារសត្វព្រៃ និងអភិរក្សព្រៃឈើក្នុងក្នុងសហគមន៍, និងជំរុញការអភិវឌ្ឍទេសចរណ៍ធម្មជាតិក្នុងសហគមន៍ភ្នំត្នោត៕

ព័ត៌មានបន្ថែម

ពិធីចុះហត្ថលេខាលើអនុស្សរណៈនៃការយោគយល់ ស្តីពីកិច្ចសហប្រតិបត្តិការលើបរិវត្តកម្មឌីជីថល នាទីស្តីការក្រសួងបរិស្ថាន
ថ្ងៃ ពុធ, 10 សីហា, 2022 ពិធីចុះហត្ថលេខាលើអនុស្សរណៈនៃការយោគយល់ ស្តីពីកិច្ចសហប្រតិបត្តិការលើបរិវត្តកម្មឌីជីថល នាទីស្តីការក្រសួងបរិស្ថាន
អាស៊ានបញ្ជាក់ឡើងវិញនូវការប្តេជ្ញាចិត្តចំពោះការឆ្លើយតបនឹងការប្រែប្រួលអាកាសធាតុ
ថ្ងៃ សុក្រ, 5 សីហា, 2022 អាស៊ានបញ្ជាក់ឡើងវិញនូវការប្តេជ្ញាចិត្តចំពោះការឆ្លើយតបនឹងការប្រែប្រួលអាកាសធាតុ
ដើមកោងកាងចំនួន ៣០០០ ដើម ត្រូវបានដាំនៅខេត្តកែប ដើម្បីអបអរសាទរទិវាអន្តរជាតិសម្រាប់ការអភិរក្សប្រព័ន្ធអេកូឡូស៊ីព្រៃកោងកាង ២៦ កក្កដា
ថ្ងៃ អង្គារ, 26 កក្កដា, 2022 ដើមកោងកាងចំនួន ៣០០០ ដើម ត្រូវបានដាំនៅខេត្តកែប ដើម្បីអបអរសាទរទិវាអន្តរជាតិសម្រាប់ការអភិរក្សប្រព័ន្ធអេកូឡូស៊ីព្រៃកោងកាង ២៦ កក្កដា