មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១

នាព្រឹកថ្ងៃទី១៧ ខែមេសា ឆ្នាំ២០២១នេះ មានមន្ត្រីនៃក្រសួងបរិស្ថានចំនួន ៣៥៣ នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២។ ការវ៉ាក់សាំងដូសទី២ ត្រូវបានផ្អាកនៅម៉ោង១១:៣០នាទី តាមការសម្រេចរបស់គណៈកម្មការចំពោះកិច្ចក្របខណ្ឌទូទាំងប្រទេសដើម្បីចូលរួមអនុវត្តវិធានការបិទខ្ទប់រាជធានីភ្នំពេញ និងក្រុងតាខ្មៅរបស់រាជរដ្ឋាភិបាលឱ្យមានប្រសិទ្ធភាពខ្ពស់ក្នុងការទប់ស្កាត់ការឆ្លងរីលរាលដាលនៃជំងឺកូវីដ១៩។ សរុប មន្ត្រីដែលបានមកចាក់វ៉ាក់សាំងស៊ីណូវ៉ាក់ដូសទី២ រួចរាល់រយៈពេល ២ ថ្ងៃនិងមួយព្រឹកថ្ងៃទី១៧ ខែមេសានេះមានចំនួន ៧៧៧ នាក់។ មន្ត្រីនៃក្រសួងបរិស្ថានចំនួន ១១៦ រូបមិនទាន់ទទួលបាន ការចាក់វ៉ាក់សាំងដូសទី២ នៅឡើយ ហើយយោងតាមសេចក្តីសម្រេចរបស់គណៈកម្មការចំពោះកិច្ចបង្ការជំងឺកូវីដ១៩ នឹងត្រូវវិលមកទទួលការចាក់វ៉ាក់សាំងដូសទី២របស់ខ្លួននៅថ្ងៃទី២០ ខែមេសា ឆ្នាំ២០២១ នៅទីស្តីការក្រសួងបរិស្ថាន។