ក្រសួងបរិស្ថាន បានចាត់បញ្ចូនមន្ត្រីជំនាញវ័យក្មេងចំនួន០២រូបទៅកាន់ប្រទេសចិន​ដើម្បីចូលរួមវគ្គបណ្ដុះបណ្ដាល ស្តីពី ការប្រែប្រួលអាកាសធាតុ និងការអភិវឌ្ឍន៍ដោយបំភាយកាបោនតិចដើម្បីចូលរួមការបណ្តុះបណ្តាលនេះមានរយៈពេល២១ថ្ងៃ ពីថ្ងៃទី២៨ ខែកក្កដា រហូតដល់ថ្ងៃទី១៧ ខែសីហា ឆ្នាំ ២០១៧។

មន្ត្រីទាំងពីររូប គឺ លោក សាត ស៊ីតាក់ និងកញ្ញា សឿង លីលី មន្រ្តីបច្ចេកទេសនៃនាយកដ្ឋានសេដ្ឋកិច្ចបៃតង នៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព។  ការបញ្ជូនមន្ត្រីវ័យក្មេងទៅបរទេសនេះ គឺពង្រឹងសមត្ថភាពអ្នកជំនាញការដែលបាន និងកំពុងធ្វើការទាក់ទងនឹងការប្រែប្រួលអាកាសធាតុ និងដើម្បីពង្រឹងសហប្រត្តិបត្តការអន្តរជាតិលើកិច្ចការឆ្លើយតបនឹងការប្រែប្រួលអាកាសធាតុក្នុងពិភពលោក។ យន្តការនេះគឺជាការពង្រឹងសមត្ថភាពមន្ត្រីក្នុងស្ថាប័នដែលក្រសួងបរិស្ថានបានដាក់ចេញតាំងដើមអាណត្តិមក។

សូមបញ្ជាក់ផងដែរថា វគ្គបណ្ដុះបណ្ដាលនេះមានសិក្ខាកាមចូលរួមពីបណ្ដាប្រទេសកំពុងអភិវឌ្ឍន៍ចំនួន២១​ប្រទេស ជាពិសេសក្រុមបណ្ដាប្រទេសសហប្រតិ្តបត្តការត្បូង-ត្បូង (South-South Cooperation Nations)។ ក្នុងរយៈពេល ២១ថ្ងៃនេះ សិក្ខាកាមនឹងសិក្សាស្វែងយល់លើ៖ ១. ផែនការយុទ្ធសាស្រ្ត គោលនយោបាយ និងតួនាទីរបស់រដ្ឋាបាលចិនក្នុងការឆ្លើយតបទៅនឹងការប្រែប្រួលអាកាសធាតុក្នុងតំបន់ និងពិភពលោក ២. បទពិសោធន៍ជោគជ័យ និងករណីសិក្សាល្អៗ ក្នុងការអនុវត្តម៉ូដែលគម្រោងអភិវឌ្ឍន៍ដោយបញ្ចេញការបូនតិច ឬការវិនិយោគបៃតងក្នុងវិស័យមួយចំនួន ដូចជា វិស័យសំណង់ វិស័យថាមពល (ថាមពលកកើតឡើងវិញ និងជីវៈថាមពល) វិស័យទេសចរណ៍ និងការអភិវឌ្ឍបច្ចេកវិទ្យាបៃតង  ៣. ករណីសិក្សាលើការរៀបចំផែនការក្រុងដេីម្បីឆ្លេីយបតនឹងការប្រែប្រួលអាកាសធាតុ និងការគ្រប់គ្រងគ្រោះមហន្តរាយធម្មជាតិ និងទី៤ បេតិកភ័ណ្ឌវប្បធម៌ដ៏ចំណាស់របស់ប្រទេសចិនយ៉ាងសម្បូរបែប ។

ក្រៅពីការពង្រឹងសមត្ថភាពមន្រ្តីវ័យក្មេងរបស់ក្រសួងបរិស្ថានដើម្បីបង្កើនប្រសិទ្ធការងារក្នុងស្ថាប័នរបស់ខ្លួន ជាពិសេសក្នុងកិច្ចការការឆ្លើយតបការប្រែប្រួលអាកាសធាតុនៅកម្ពុជា។ បន្ថែមពីនេះ វគ្គបណ្តុះបណ្តាល ក៏ផ្ដល់ឱកាសដល់មន្រ្តីវ័យក្មេងក្នុងការចាប់ផ្ដើមបង្កើតទំនាក់នងជាមួយអ្នកជំនាញការដែលជាសិក្ខាកាមមកពីបណ្ដាប្រទេសនានាក្នុងពិភពលោក ដើម្បីពង្រឹងសហប្រត្តិបត្តការរួមគ្នាឆ្ពោះសម្រេចឱ្យបានការអភិវឌ្ឍដោយចីរភាព៕

វគ្គបណ្តុះបណ្តុាលស្តីពីការប្រែប្រួលអាកាសធាតុនៅប្រទេសចិន។

 

ការថតរូបអនុស្សាវរីយ៍ក្នុងវគ្គបណ្តុះបណ្តុាលស្តីពីការប្រែប្រួលអាកាសធាតុនៅប្រទេសចិន។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy