មន្ទីរពិសោធន៍នៃក្រសួងបរិស្ថាននៅថ្ងៃព្រហស្បតិ៍ ទី២៧ ខែកក្កដា បានរៀបចំសិក្ខាសាលាបណ្តុះបណ្តាល ស្តីពីការវិភាគគុណភាពទឹក ដី និងខ្យល់ ដោយមានការចូលរួមពី ឯកឧត្តម ហេង ណារ៉េត អគ្គនាយក នៃអគ្គនាយកដ្ឋានគាំពារបរិស្ថាន និងនាយកដ្ឋានពាក់ព័ន្ធ រួមទាំងនិស្សិតនៃសាកលវិទ្យាល័យភូមិន្ទភ្នំពេញសរុបប្រមាណជាង៥០នាក់។

ថ្លែងទៅកាន់អ្នកចូលរួមនៅទីស្តីការក្រសួង ឯកឧត្តម ហេង ណារ៉េត បានមានប្រសាសន៍ថា មន្ទីរពិសោធន៍ ក្រសួងបរិស្ថាន មានតួនាទីសំខាន់ក្នុងការវិភាគគុណភាពទឹក ដី ខ្យល់ និងការវិភាគ ចំណីអាហារ ហើយបច្ចុប្បន្ននេះក្រសួងបរិស្ថាន កំពុងពង្រីកនូវចក្ខុវិស័យរបស់ខ្លួនធ្វើយ៉ាងណាពង្រីក មន្ទីរពិសោធន៍នេះ ឱ្យក្លាយទៅជាមន្ទីរពិសោធន៍ថ្នាក់ជាតិដែលមានសមត្ថភាពពេញលេញ។ ឯកឧត្តម មានប្រសាសន៍បន្តថា ការបណ្តុះបណ្តាលនៅក្នុងមន្ទីរពិសោធន៍ ក៏ជាផ្នែកមួយជួយកសាងដល់សមត្ថភាពមន្រ្តីវ័យក្មេង និងនិស្សិតកំពុងសិក្សាជំនាញបរិស្ថានផងដែរ។

គូបញ្ជាក់ថា មន្ទីពិសោធន៍នេះ គឺជាអង្គភាពជំនាញមួយចំណុះឱ្យអគ្គនាយកដ្ឋានគាំពារ បរិស្ថាន ដែលមានបេសកកម្មផ្តល់នូវអំណះអំណាងវិទ្យាសាស្រ្តសម្រាប់គាំទ្រដល់កិច្ច ប្រតិបត្តិការគាំពារ បរិស្ថាន តាមរយៈការពិសោធន៍ ការវិភាគ ការសិក្សាស្រាវជ្រាវ និងការផ្តល់សេវាពិសោធន៍ផ្សេងៗ៕

ឯកឧត្តម ហេង ណារ៉េត អគ្គនាយក នៃអគ្គនាយកដ្ឋានគាំពារបរិស្ថាន, ក្រសួងបរិស្ថាន

ព័ត៌មានបន្ថែម

មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
ថ្ងៃ សុក្រ, 30 កក្កដា, 2021 មន្ត្រីឧទ្យានុរក្សនៃស្នាក់ការខ្នងភ្នំ ចុះល្បាតទៅដល់ចំណុចពើងព្រះប្រាំអង្គក្នុងឧទ្យានជាតិព្រះជ័យវរ្ម័ន-នរោត្តម «ភ្នំគូលែន»
កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
ថ្ងៃ សុក្រ, 30 កក្កដា, 2021 កិច្ចប្រជុំលើកទី១៣ នៃក្រុមប្រឹក្សាភាពជាដៃគូក្នុងការគ្រប់គ្រងបរិស្ថានតំបន់សមុទ្រនៅអាស៊ីបូព៌ា(PEMSEA)
លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន
ថ្ងៃ ព្រហស្បតិ៍, 29 កក្កដា, 2021 លិខិតថ្លែងអំណរគុណរបស់ធនាគារអភិវឌ្ឍន៍កូរ៉េ ជូនចំពោះ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន