នាព្រឹកថ្ងៃទី២៦ ខែកុម្ភៈ ឆ្នាំ២០២១ នាយកដ្ឋានប្រែប្រួលអាកាសធាតុនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាព ដោយបានសហការជាមួយ អង្គការសហប្រជាជាតិដើម្បីអភិវឌ្ឍន៍វិស័យឧស្សាហកម្ម និងក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្ដន៍ (MISTI) បានរៀបចំសិក្ខាសាលាលើកកម្ពស់ការយល់ដឹងតាមអនឡាញស្ដីពី «ការអនុវត្តវិធីសាស្រ្ត TEST និងការកាត់បន្ថយការប្រែប្រួលអាកាសធាតុនៃវិស័យឧស្សាហកម្មដល់ភាគីពាក់ព័ន្ធ» ក្រោមអធិបតីភាព ឯកឧត្ដម ទិន ពន្លក រដ្ឋលេខាធិការក្រសួងបរិស្ថាន និងជាអនុប្រធានទី២ នៃក្រុមប្រឹក្សាជាតិអភិវឌ្ឍន៍ដោយចីរភាព និងឯកឧត្ដម វ៉ែន គៀនហាក់ អគ្គនាយក នៃអគ្គនាយកដ្ឋានឧស្សាហកម្ម តំណាង ឯកឧត្ដម ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ដ្រ បច្ចេកវិទ្យា និងនវានុវត្ដន៍ ដោយមានការចូលរួមពី ថ្នាក់ដឹកនាំអគ្គលេខាធិការដ្ឋានក.ជ.អ.ច. ថ្នាក់ដឹកនាំនិងមន្ដ្រីនៃនាយកដ្ឋានប្រែប្រួលអាកាសធាតុ ថ្នាក់ដឹកនាំនិងមន្រ្តីនៃ MISTI តំណាងដៃគូអភិវឌ្ឍន៍ ក្រុមការងារគម្រោង TEST ប្រធាននិងមន្ត្រីនៃអង្គការ UNIDO ទីប្រឹក្សាជាតិ និងអន្ដរជាតិ និងតំណាងពាក់ព័ន្ធមកពីវិស័យឯកជន សរុបចំនួន៤៥នាក់។ សិក្ខាសាលានេះមានគោលបំណង ១. ធ្វើការតម្រង់ទិសនិងផ្សព្វផ្សាយយន្ដការកាត់បន្ថយការប្រែប្រួលអាកាសធាតុនិងការចូលរួមចំណែកនៃវិស័យឧស្សហកម្មតាមរយៈកម្មវិធីគំាទ្រផ្នែកគោលនយោបាយ ២. ជំរុញ និងផ្សព្វផ្សាយឯកសារមួយចំនួនដូចជា សន្លឹកប័ណ្ណ និងករណីសិក្សាដែលបានរៀបចំឡើងដល់អ្នកពាក់ព័ន្ធ និង ៣. ផ្សព្វផ្សាយសារសំខាន់ៗ នៃការកាត់បន្ថយការប្រែប្រួលអាកាសធាតុលើវិស័យឧស្សាហកម្មតាមរយៈការទំនាក់ទំនង និងប្រព័ន្ធផ្សព្វផ្សាយឱ្យមានប្រសិទ្ធភាព។ ឯកឧត្ដម ទិន ពន្លក បានមានប្រសាសន៍ថា ក្នុងពិធីបើកអង្គសិក្ខាសាលា នាពេលថ្មីៗនេះ រាជរដ្ឋាភិបាលកម្ពុជាបានកំណត់ទិសដៅដើម្បីឈានដល់ប្រទេសមានប្រាក់ចំណូលមធ្យមកម្រិតខ្ពស់នៅឆ្នាំ២០៣០ និងជាប្រទេសដែលមានប្រាក់ចំណូលខ្ពស់នៅឆ្នាំ២០៥០។ នៅក្នុងដំណាក់កាលនេះ ការបញ្ចេញឧស្ម័នផ្ទះកញ្ចក់ត្រូវបានគេរំពឹងថានឹងកើនឡើង។ ក្នុងន័យនេះ សេចក្តីណែនាំ និងការអនុវត្តនៃវិធីសាស្ដ្រ TEST ត្រូវបានគេរំពឹងថានឹងចូលរួមចំណែកមួយផ្នែកដល់ការសម្រេចបាននូវគោលដៅរបាយការណ៍បច្ចុប្បន្នភាព NDC។ ឯកឧត្ដម ទិន ពន្លក ក៏បានបន្ថែមទៀតថា សកម្មភាពការងារប្រែប្រួលអាកាសធាតុត្រូវបានរៀបចំនិងអនុវត្តកន្លងមករួមមាន៖ ១) បានបញ្ជ្រាបការងារប្រែប្រួលអាកាសធាតុទៅក្នុងផែនការយុទ្ធសាស្ដ្រចតុកោណដំណាក់កាលទី៤ ផែនការយុទ្ធសាស្រ្ដអភិវឌ្ឍន៍ជាតិ យុទ្ធសាស្រ្ដតាមវិស័យ និងផែនការថវិកានិងអភិវឌ្ឍន៍ឃុំសង្កាត់ ២) ផែនការយុទ្ធសាស្ដ្រប្រែប្រួលអាកាសធាតុកម្ពុជាឆ្នាំ២០១៤-២០២៣ ដែលមានគោលបំណងអភិវឌ្ឍន៍កម្ពុជាឆ្ពោះទៅរកភាពបៃតង ការបញ្ចេញកាបូនតិច ធន់នឹងអាកាសធាតុ សមភាព សង្គមចីរភាពនិងផ្អែកលើគោលការណ៍ចំណេះដឹង ៣)បានដាក់ជូនរបាយការណ៍បច្ចុប្បន្នភាព២ឆ្នាំម្ដង (fBUR) នៅខែមេសា ឆ្នាំ២០២០ និង ៤) បានដាក់ជូនរបាយការណ៍បច្ចុប្បន្នភាពនៃការចូលរួមចំណែករបស់ជាតិ ដើម្បីអនុវត្តអនុសញ្ញាUNFCCC (Updated NDC) នៅខែធ្នូ ឆ្នាំ២០២០។ ជាមួយគ្នានេះដែរ ក៏មានបទអន្ដរាគមន៍ពីអ្នកជំនាញពាក់ព័ន្ធនឹងវិធានកាត់បន្ថយការប្រែប្រួលអាកាសធាតុ ទិដ្ឋភាពទូទៅរបស់គម្រោង TEST ការអនុវត្ដវិធីសាស្ដ្រ TEST នៅក្នុងវិស័យឧស្សាហកម្ម ការអនុវត្ដ Green Industry Award និងករណីសិក្សាអំពីជម្រើសនៃការប្រើប្រាស់ air compressor នៅក្នុងវិស័យឧស្សាហកម្មនៅកម្ពុជា។ តាមរយៈសិក្ខាសាលាថ្ងៃនេះ យើងសង្ឃឹមថាក្រុមហ៊ុនពាក់ព័ន្ធនានារួមមានផ្នែកបោកគក់ កាត់ដេរសម្លៀកបំពាក់ និងស្បែកជើង វិស័យចំណីអាហារ និងភេសជ្ជៈ នឹងគិតគូរពីស្ដង់ដារផលិតកម្ម ដើម្បីធានាបាននូវប្រសិទ្ធភាពថាមពល សន្សំសំចៃ កាត់បន្ថយការប្រែប្រួលអាកាសធាតុនិងបញ្ចេញកាបូនតិចនាពេលអនាគត៕

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ