នៅព្រឹកថ្ងៃអង្គារ ១២កើត ខែផល្គុន ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែកុម្ភៈ ឆ្នាំ២០២១ ឯកឧត្តម សៅ សុភាព រដ្ឋលេខាធិការ បានទទួលជួបជាមួយក្រុមហ៊ុន Infrastructure Asia (IA) និង Singapore Corporation Enterprise (SCE) តាមរយៈប្រព័ន្ធ Video Conference ដើម្បីពិភាក្សាអំពីកិច្ចសហការលើការងារគ្រប់គ្រងសំរាម សំណល់រឹង ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង និងលោកប្រធាននាយកដ្ឋានគ្រប់គ្រងសំណល់រឹង នៃអគ្គនាយកដ្ឋានគាំពារបរិស្ថាន សរុប ៧ នាក់។
ថ្លែងក្នុងកិច្ចប្រជុំនេះ ឯកឧត្តមរដ្ឋលេខាធិការ បានលើកឡើងពីវឌ្ឍនភាពការងារជ្រើសរើសក្រុមហ៊ុនទាំង៣ ក្នុងការផ្តល់សេវាប្រមូល សម្អាត និងដឹកជញ្ជូនសំរាម ការបង្កើតគណៈកម្មការគ្រប់គ្រងសំរាម សំណល់រឹង ការបង្កើតសហគ្រាសសាធារណៈ គ្រប់គ្រងសំរាម សំណល់រឹង ព្រមទាំងការដាក់ចេញឱ្យអនុវត្តនូវគោលនយោបាយគ្រប់គ្រងសំរាម ការរៀបចំប្រព័ន្ធថ្មីគ្រប់គ្រងសំរាម សំណល់រឹង នៅរាជធានីភ្នំពេញ ការគិតគូរពីការសាងសង់ទីលានចាក់សំរាមកម្រិតតំបន់ ការបំពាក់នូវឧបករណ៍ញែកសំរាម ក៏ដូចជាជម្រើសបច្ចេកទេសក្នុងការធ្វើប្រព្រឹត្តកម្មសំណល់ នៅស្ថានីយផ្ទេរ និងទីលានចាក់សំរាម។ ជារួម អង្គប្រជុំ បានឯកភាពលើចំណុចមួយចំនួនដូចខាងក្រោម៖
• ឯកភាពរៀបចំវគ្គបណ្តុះបណ្តាលកសាងសមត្ថភាព ក្នុងការគ្រប់គ្រងសំរាម សំណល់រឹង ជំហ៊ានទី១ តាមរយៈប្រព័ន្ធអនឡាញ ដោយកាត់បន្ថយរយៈពេលនៃវគ្គបណ្តុះបណ្តាល ក៏ដូចជាកាត់បន្ថយសមាសភាពអ្នកចូលរួម ក្នុងដំណាក់កាលនៃការរីរាលដាលជំងឺកូវីត ១៩។ អង្គប្រជុំបានឯកភាពរៀបចំវគ្គបណ្តុះបណ្តាល នៅមជ្ឈមណ្ឌលសហប្រតិបត្តិការសិង្ហបូរី SCC ដោយមានការចូលរួមពី ក្រុមការងារក្រសួងបរិស្ថាន តំណាងអន្តរក្រសួងពាក់ព័ន្ធ និងរដ្ឋបាលថ្នាក់ក្រោមជាតិ
• ស្នើក្រុមការងារនៃក្រសួងបរិស្ថាន សហការជាមួយ SCE ដើម្បីពិនិត្យ និងកែសម្រួលចុងក្រោយលើរបៀបវារៈវគ្គបណ្តុះបណ្តាល ក៏ដូចជាសេចក្តីព្រាងកិច្ចព្រមព្រៀង
• ពិនិត្យលទ្ធភាពចុះពិនិត្យ និងសិក្សាផ្ទាល់នៅប្រទេសសិង្ហបូរី ដើម្បីទទួលបានបទពិសោធន៍ និងបច្ចេកទេសថ្មីៗ ពាក់ព័ន្ធនឹងការគ្រប់គ្រងសំរាម សំណល់រឹង ក្នុងករណីស្ថានភាពនៃការរីករាលដាលជំងឺកូវីត ១៩ បានធូរស្បើយ។
• ស្នើក្រុមហ៊ុន IA និង Ramboll ពិនិត្យលទ្ធភាពដើម្បីជួយក្រសួងបរិស្ថាន ក៏ដូចជារាជរដ្ឋាភិបាល ក្នុងការសិក្សារៀបចំផែនការប្លង់មេ សម្រាប់ការសាងសង់ទីលានចាក់សំរាម នៅរាជធានីភ្នំពេញ។
 

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy