សៀមរាប៖នៅរសៀលថ្ងៃទី១៤ ខែកុម្ភៈ ឆ្នាំ២០២១ ឯកឧត្តម សូ ខនរិទ្ធីគុណ រដ្ឋលេខាធិការក្រសួងបរិស្ថាននិងជាប្រធានគណៈកម្មាធិការមូលនិធិបរិស្ថាននិងសង្គម(គ.ម.ប.ស)
និងឯកឧត្តម វង់ សណ្តាប់ រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានគណៈកម្មាធិការមូលនិធិបរិស្ថាននិងសង្គម(គ.ម.ប.ស) បានដឹកនាំកិច្ចប្រជុំគណៈកម្មាធិការមូលនិធិបរិស្ថាន និងសង្គម ស្តីពីពិនិត្យ ពិភាក្សាសេចក្តី ព្រាងប្រកាសអន្តរក្រសួងស្តីពីនីតិវិធីនៃការគ្រប់គ្រងការ ប្រមូលចំណូល និងការប្រើប្រាស់មូលនិធិបរិស្ថាន និងសង្គម ដោយមានសមាសភាពចូលរួមពីថ្នាក់ដឹកនាំ និងមន្ត្រីក្រសួងពាក់ព័ន្ធចំនួន ៤២រូបចូលរួម។
បន្ទាប់ពីការធ្វើបទបង្ហាញដោយ លោក ដាញ់ សេរី ប្រធាននាយកដ្ឋាន EIA និងជាប្រធានលេខាធិការដ្ឋាន( គ.ម.ប.ស) បានលើកឡើងពីរបាយការណ៍វឌ្ឍនភាពការងារសម្រាប់ឆ្នាំ២០២០ និងការលើកទិសដៅការងារបន្ត សម្រាប់ឆ្នាំ ២០២១ របស់ក្រុមការងារលេខាធិការដ្ឋាន គ.ម.ប.ស. និងមន្ត្រីជំនាញធ្វើបទបង្ហាញពីសេចក្តីព្រាងប្រកាសអន្តរ ក្រសួងស្តីពីនីតិវិធីនៃការគ្រប់គ្រងការ ប្រមូលចំណូល និងការប្រើប្រាស់មូលនិធិបរិស្ថាន និងសង្គម ។
ក្នុងកិច្ចប្រជ៊ុំឯកឧត្តមប្រធាន និងអនុប្រធានបានផ្តល់អនុសាសន៍សំខាន់ៗ ដូចជាគម្រោងដែលផ្តល់មូលនិធិមានការជួបឧបស័គ្គជំងឺរាតត្បាតសកលកូវីដ១៩ តែក៏មានគម្រោងខ្លះមិនប៉ះពាល់ដែរ ការផ្តល់មូលនិធិត្រូវមានការជ្រើសរើសគម្រោងដែលមានអាទិភាព និងចំគោលដៅ ផ្តល់មូលនិធិដល់គម្រោងអនុវត្តមានប្រសិទ្ធភាព យើងបានផ្តល់មូលនិធិសម្រាប់កិច្ចគាំពារបរិស្ថាន ក្នុងការចុះបោះបង្គោលព្រំក្នុងដែនជម្រកសត្វព្រៃ ផ្តល់ជូនសង្ឃរុក្ខវ័ន្តជាដើម។
ជាទីបញ្ចប់ឯកឧត្តមប្រធានអង្គប្រជុំបានលើកឡើងថា៖ដើម្បីគ្រប់គ្រងការប្រមូលចំណូល និងការប្រើប្រាស់មូលនិធិបរិស្ថាននិងសង្គមតាមនីតិវិធីឱ្យមានប្រសិទ្ធភាព ស័ក្តិសិទ្ធភាព តម្លាភាព និងគណនេយ្យភាព សូមឱ្យលេខាធិការដ្ឋានទទួលយកមតិយោបល់អង្គប្រជុំយកទៅកែលម្អ និងបំពេញបន្ថែមឱ្យសេចក្តីព្រាងកាន់តែល្អប្រសើរ ដើម្បីស្តារបរិស្ថាន កិច្ចគាំពារបរិស្ថាន អភិរក្សជីវចម្រុះ ប្រើប្រាស់ធនធានធម្មជាតិឱ្យមាននិរន្តរភាព និងការរស់នៅដោយចីរភាពសម្រាប់ជាឧត្តមប្រយោជន៍យូរអង្វែងរបស់ប្រជាជនកម្ពុជាគ្រប់រូប និងគ្រប់ជំនាន់។

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy