មន្ទីរបរិស្ថានខេត្ដព្រះវិហារ

នៅថ្ងៃទី០៦-០៧ ខែកុម្ភៈ ឆ្នាំ២០២១ នៅឯដែនជម្រកសត្វព្រៃព្រះរកា មន្ត្រីឧទ្យានុរក្សស្នាក់ការត្រពាំងព្រីង រួមជាមួយកម្លាំងនគរបាល បានចុះពិនិត្យទីតាំងដីដែលត្រូវបានធ្វើការឈូសឆាយ ០៣ទីតាំង។ ក្រោយការផ្ទៀងផ្ទាត់ ឃើញថាទីតាំងទាំង០៣នេះ មិនស្ថិតនៅក្នុងដែនជម្រកសត្វព្រៃព្រះរកាឡើយ។ ជាមួយគ្នានេះ មន្ត្រីឧទ្យានុរក្សស្នាក់ការថ្មកែវ បានចុះល្បាតដល់ចំណុចអន្លង់បែកចាន ឃាត់ចាប់គោយន្តកន្ត្រៃ ០២គ្រឿង ដែលមានដឹកឈើពពេល និងឈើទាល សរុបចំនួន ១,៤៧០ ម៉ែត្រគុប ខណៈដែលមន្ត្រីឧទ្យានុរក្សស្នាក់ការភ្នំសួង រួមជាមួយកម្លាំងនគរបាល និងសហគមន៍តំបន់ការពារធម្មជាតិត្រពាំងផុង បានចុះល្បាតដល់ចំណុចអូរដាត្រពាំងផុង ធ្វើការសារអន្ទាក់ ១៣ខ្សែ និងបានប្រទះឃើញសត្វទន្សោងមួយហ្វូងប្រមាណ៣០ក្បាល។