ដោយសហការជាមួយគម្រោងព្រៃឡង់បៃតង (USAID Green Prey Lang) ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន ដឹកនាំគណៈប្រតិភូក្រសួង និងក្រុមអ្នកសារព័ត៌មានមួយក្រុមទៅទស្សនាឧទ្យានបេតិកភណ្ឌធម្ម ជាតិភ្នំត្បែង ភ្នំត្នោត-ភ្នំពក និងដែនជម្រកសត្វព្រៃគូលែនព្រហ្មទេពក្នុងខេត្តព្រះវិហារ នៅថ្ងៃទី ២៩-៣១ ខែមករាឆ្នាំ ២០២១ ។

គណៈប្រតិភូ និងអាជ្ញាធរមូលដ្ឋាននឹងបើកដំណើរការមណ្ឌលបញ្ជាខេត្តនៃប្រព័ន្ធត្រួតពិនិត្យ តំបន់ការពារធម្មជាតិរបស់ក្រសួងបរិស្ថាន។ ប្រព័ន្ធនេះរួមបញ្ចូល គ្នានូវការត្រួត ពិនិត្យពីផ្កាយរណប ព្រមទាំង ព័ត៌មានល្បាតនៅទីវាលរបស់មន្ត្រីឧទ្យានុរក្ស និងសហគម ន៍ បញ្ចូលក្នុងទិន្នន័យមួយ។ ព័ត៌មាននេះត្រូវបាន ប្រើដើម្បីស៊ើបអង្កេតឧក្រិដ្ឋកម្មព្រៃឈើ ក៏ដូចជាកែលម្អការគ្រប់គ្រងតំបន់ការពារ ធម្មជាតិ ។ គណៈ ប្រតិភូនឹង ទៅទស្សនាតំបន់អេកូទេសចរណ៍និងការបង្កើតសហគមន៍កសិកម្មជាច្រើនកន្លែងក្នុងខេត្តព្រះ វិហារ។ សកម្មភាពទាំងនេះត្រូវបានអនុវត្តរួមគ្នាដោយអង្គ ការ WCS និងគម្រោង USAID ព្រៃឡង់បៃតងដោយសហការ ជាមួយក្រសួងបរិស្ថាន ព្រមទាំងដៃគូក្នុងវិស័យឯកជនដទៃទៀត។

លោកស្រី Veena Reddy នាយិកាបេសកកម្មនៃទីភ្នាក់ ងារជំនួយអាមេរិក USAID ប្រចាំប្រទេសកម្ពុជា បានមាន ប្រសាសន៍ថា “យើងមានសេចក្តីរីករាយក្នុងការគាំទ្រដល់ការបើកដំណើរការមណ្ឌលបញ្ហាប្រព័ន្ធត្រួតពិនិត្យ តំបន់ ការពារធម្មជាតិនៅខេត្តព្រះវិហារស្របពេលនឹងការបង្កើនការគាំទ្ររបស់យើងដល់សហគមន៍ក្នុងតំបន់ដែ លរងផលប៉ះពាល់ផ្នែកសេដ្ឋកិច្ចដោយសារជំងឺកូវីដ១៩”។ “យើងរំពឹងថាប្រព័ន្ធត្រួតពិនិត្យតំបន់ការពារធម្មជាតិ នឹងធ្វើឱ្យប្រសើរឡើងនូវការគ្រប់គ្រងតំបន់ការពារធម្មជាតិរបស់ប្រទេសកម្ពុជា ដោយផ្តល់ឱ្យអ្នកគ្រប់គ្រងនូវព័ត៌មានទាន់ពេលវេលា និងបញ្ចូលគ្នាអំពីអ្វីដែលកំពុងកើតឡើង។ សំខាន់ដូចគ្នានេះដែរ គឺជាការធានាសុខុមាល ភាពរបស់ប្រជាជននៅតាមជនបទ នៃប្រទេសកម្ពុជាដែលភាគច្រើនបានរងផលប៉ះ ពាល់គួរឱ្យកត់សម្គាល់ដោយ ការធ្លាក់ចុះនៃសេដ្ឋកិច្ចដែលបណ្តាលមកពីជំងឺកូវីដ១៩។ យើងកំពុង ធ្វើការជាមួយអ្នកអនុវត្ត ក៏ដូចជាដៃគូក្នុង វិស័យឯកជនដែលប្តេជ្ញាអភិរក្សធនធានធម្មជាតិដើម្បីបង្កើនឱកាសការងារប្រកបដោយនិរន្តរភាពសម្រាប់សហ គមន៍ជនបទ ។

រដ្ឋលេខាធិការក្រសួងបរិស្ថាននិងជាអ្នកនាំពាក្យ ឯកឧត្តមនេត្រ ភក្ត្រា បានមានប្រសាសន៍ថា “ការគាំទ្រដល់ សហគម ន៍ក្នុងតំបន់ឱ្យងើបឡើងវិញពីវិបត្តិសេដ្ឋកិច្ចរបស់ជំងឺកូវីដ ១៩ ស្របពេលនឹងការថែរក្សាបណ្តាញតំបន់ ការពារធម្មជា តិរបស់យើងគឺជាអាទិភាពកំពូលរបស់យើងនៅពេលនេះ។ ជាមួយនឹងដៃគូរបស់យើង យើងកំពុងគាំទ្រគំនិតផ្តួចផ្តើមជាច្រើនដើម្បីធ្វើឱ្យជីវភាពរស់នៅល្អប្រសើរឡើងដូចជាកសិកម្មដែលជួយដល់ការអភិរក្ស ខណៈពេលបង្កើតការងារដល់សមាជិកសហគមន៍មូលដ្ឋានតាមរយៈអេកូទេសចរណ៍។ ខ្ញុំសូមថ្លែងអំណរគុណ ដល់អង្គការក្រៅរដ្ឋាភិបាល និងដៃគូផ្តល់ជំនួយទាំងអស់ជាពិសេសទីភ្នាក់ ងារជំនួយអាមេរិក USAID ដែលបាន បន្តគាំទ្រដល់សហគមន៍មូលដ្ឋាន និងការអភិរក្សជីវៈចម្រុះក៏ដូចជាសត្វ ព្រៃនៅប្រទេសកម្ពុជាសម្រាប់ជំនាន់ ក្រោយរបស់យើង។

លោក Nick Spencer នាយកប្រតិបត្តិ Ibis Rice បានកត់សម្គាល់ថា “ជំងឺកូវីដ១៩ បានបង្ហាញពីតួនាទី សំខាន់របស់ដៃគូក្នុងវិស័យឯកជនដែលមានការប្តេជ្ញាចិត្តដូចជា ស្រូវមិត្តភាពសង្គ្រោះសត្វព្រៃ IBIS ដល់សហគមន៍ជនបទ។ នៅឆ្នាំនេះ យើងបានបង់ប្រាក់ឱ្យកសិករជាង ១.១០០ នាក់ជាមធ្យម ៦០ ភាគរយ លើសតម្លៃទីផ្សារសម្រាប់ស្រូវរបស់ពួកគេ។ លទ្ធផលនេះបានផ្តល់ប្រាក់ ៥៨០.០០០ ដុល្លារដល់កសិករដោយ ផ្ទាល់ក្នុង ការអភិរក្សសត្វព្រៃ និងផលិតកម្មស្រូវសរីរាង្គ។”

គម្រោង USAID ព្រៃឡង់បៃតង គឺជាសកម្មភាពរយៈពេលប្រាំឆ្នាំដែលត្រូវបានអនុវត្តក្នុងភាពជាដៃគូជាមួយ ក្រសួង បរិស្ថាន។ គម្រោងនេះដំណើរការនៅទូទាំងតំបន់ការពារ ធម្មជាតិចំនួន ១៩ នៅក្នុងខេត្តសៀមរាប ឧត្តរមានជ័យ ព្រះវិហារ កំពង់ធំ ក្រចេះ និងស្ទឹងត្រែង។ គម្រោង USAID ព្រៃឡង់បៃតងលើកកម្ពស់ភាពធន់ ការអភិវឌ្ឍដែលមានកម្រិតបំភាយឧស្ម័នទាប និងការគ្រប់គ្រងប្រកបដោយនិរន្តរភាព និងបរិយាប័ន្នតាមរយៈ ការផ្តោតទៅលើសហគមន៍ ការអភិរក្ស និងអភិបាលកិច្ចល្អ៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy