ឯកឧត្តម ទិន ពន្លក រដ្ឋលេខាធិការនៃក្រសួងបរិស្ថាននៅថ្ងៃព្រហស្បត្តិ៍ ត្រូវនឹងថ្ងៃ១៥កើត ខែមាឃ ឆ្នំាជូត ទោស័ក ព.ស ២៥៦៤ ត្រូវនឹងថ្ងៃទី ២៨ ខែមករា ឆ្នំា ២០២១ បានអញ្ជើញជាគណៈអធិបតីបើកសិក្ខាសាលាឆ្លុះបញ្ចំាងគម្រោងជំរុញបរិយាកាសអំណោយផលសម្រាប់ការអភិវឌ្ឍដោយចីរភាព នៅខេត្តសៀមរាប។ វេទិកានេះរៀបចំឡើងក្នុងគោលបំណង១) ចែករំលែកវឌ្ឍនភាពនៃការអនុវត្តគម្រោង ២) ឆ្លុះបញ្ចំាងពីបញ្ហាប្រឈម និង ៣) កំណត់ទិសដៅសមស្របសម្រាប់អនុវត្តគម្រោងបន្តសម្រាប់ឆ្នំា ២០២១។ សិក្ខាសាលានេះមានការអញ្ជើញចូលរួមពីថ្នាក់ ដឹកនំា និងមន្ត្រីក្រសួងបរិស្ថាន តំណាងអន្តរក្រសួង-សា្ថប័ន តំណាង សាកលវិទ្យាល័យ តំណាងដៃគូអភិវឌ្ឍន៍សហប្រជាជាតិ (UNDP) និងអង្គការដៃគូ។ ក្នុងឱកាសនោះ ឯកឧត្តមទិន ពន្លក រដ្ឋលេខាធិការនៃក្រសួងបរិស្ថានបានបង្ហាញពីវឌ្ឍនភាពសំខាន់ៗ នៃការអនុវត្តគម្រោងដូចជា៖ បានបង្កើតនូវយន្តការសាកល្បងការបង់ថ្លៃសេវាកម្មប្រព័ន្ធអេកូឡូស៊ី ផែនការសកម្មភាពសេដ្ឋកិច្ចចក្រាឬសេដ្ឋកិច្ចវិលជុំ ដោយផ្តោតលើការគ្រប់គ្រងសំណល់ប្លាស្ទិក និងការបង្កើតឡើងនូវគំរូសេដ្ឋកិច្ចផ្តោតលើថាមពលស្អាតដែលមានតម្លៃសមរម្យ។ ឯកឧត្តមក៏បានលើកឡើងពីបញ្ហាប្រឈមមួយចំនួនដែលគួរតែយកចិត្តទុកដាក់បន្ថែមទៀតលើការកើនឡើងនៃសំណល់ប្លាស្ទិក។​ ជាមួយគ្នានេះ ឯកឧត្តម បានលើកទឹកចិត្តឱ្យអ្នកពាក់ព័ន្ធទំាងអស់ពិចារណាពិនិត្យ មើលទៅលើគំរូសេដ្ឋកិច្ចសមស្របសម្រាប់កិច្ចការនេះ។​ លោកស្រី Sonali Dayaratne និវេសនដ្ឋានរងនៃដៃគូសហប្រជាជាតិបានបង្ហាញពីចំណាប់អារម្មណ៍ដោយផ្តោតសំខាន់លើបទអន្តរាគមរបស់គម្រោងជំរុញបរិយាកាសអំណោយផលសម្រាប់ការអភិវឌ្ឍដោយចីរភាព (BESD) ដែលជាគម្រោងមួយជួយផ្តល់ដំណោះស្រាយសាកល្បងដោយផ្តោតសំខាន់លើ៖១) ការគ្រប់គ្រងធនធានធម្មជាតិប្រកដោយចីរភាព ២) បញ្ហាគ្រប់គ្រងសំណល់ និង ៣)​ថាមពលស្អាតដែលមានតម្លៃសមរម្យ ដែលគម្រោងចាប់ផ្តើមអនុវត្តតំាងពីឆ្នំា ២០១៩។ លោកស្រីក៏បានសម្តែងនូវការកើតសរសើរនូវការដឹកនំារបស់ក្រសួងបរិស្ថាន និងក្រុមប្រឹក្សាជាតិអភិវឌ្ឍន៍ដោយចីរភាព ព្រមទំាងបានថ្លែងអំណរគុណដល់ទីភ្នាក់ងារផ្តល់ជំនួយនៃប្រទេសស៊ុយអែតតាមរយៈអង្គការ​ SIDA ដែលបានផ្តល់ជំនួយបន្ថែមរយៈពេល ៦ខែទៀតសម្រាប់ឆ្នំា ២០២១ឆ្លើយតបទៅនឹងបរិបទនៃការរីករាលដាលនៃជំងឺកូវីដ-១៩។

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១