ក្រសួងបរិស្ថានបាន​រៀបចំ​កិច្ចប្រជុំអន្តរក្រសួង ស្តីពីការពិនិត្យ និងផ្តល់យោបល់លើរបាយការណ៍វាយតម្លៃហេតុប៉ះពាល់បរិស្ថាន និងសង្គមពេញលេញ សម្រាប់គម្រោងបង្កើតរោងចក្រផលិតស្ពាន់ របស់ក្រុមហ៊ុន ឃីនរីច ខបភើរ ស្មែលធីង ឯ.ក លើផ្ទៃដីទំហំ ២.៧០០ម៉ែត្រក្រឡា ដែលមានទីតាំងស្ថិតក្នុងតំបន់សេដ្ឋកិច្ចពិសេសក្រុងព្រះសីហនុ ភូមិពូធឿន ឃុំបិតត្រាំង និងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។ គម្រោងនេះត្រូវបានសិក្សា និងវាយតម្លៃដោយក្រុមហ៊ុនទីប្រឹក្សា RCBCC Co., Ltd.។

កិច្ចប្រជុំនេះផ្តោតលើការពិនិត្យ និងពិភាក្សាលើចំណុចសំខាន់ៗមួយចំនួនដូចជា៖ (១). ផែនការចម្រាញ់ស្ពាន់ និងវត្ថុធាតុដេីម (២). ការគ្រប់គ្រងសំណល់រឹង-រាវ: ការទុកដាក់វត្ថុធាតុដើម(copper ore, copper concentrate, low copper content matte, coal), ការគ្រប់គ្រងសំណល់រាវដែលចេញពីការចម្រាញ់ស្ពាន់(ទឹកក្តៅចេញពីឡកំដៅ) ការគ្រប់គ្រងសំណល់គ្រោះថ្នាក់(slag) (៣). ការគ្រប់គ្រងគុណភាពខ្យល់ (៤). ហានិភ័យ និងសុវត្ថិភាពសុខភាពកម្មករ (៥). ហេតុប៉ះពាល់បរិស្ថាន និងវិធានការកាត់បន្ថយ (៦). ផែនការគ្រប់គ្រងបរិស្ថាន ព្រមទាំងមូលនិធិបរិស្ថាន និងសង្គម ដឹកនាំដោយ ឯកឧត្តម ស៊ូ សូវុធ ជាប្រធានក្រុមការងារ ស.វ.ហ.ស្ថ និងជាអនុរដ្ឋលេខាធិការនៃក្រសួងបរិស្ថាន ដោយមានការចូលរួមពី តំណាង អគ្គនាយកដ្ឋាន និងនាយកដ្ឋានពាក់ព័ន្ធនៃក្រសួងបរិស្ថាន ដែលជាសមាជិកក្រុមការងារ ស.វ.ហ.ស្ថ. និងមានការចូលតំណាងក្រសួងចូលរួមចំនួន៦ តំណាងខេត្តព្រះសីហនុ មន្ទីរបរិស្ថានខេត្តព្រះសីហនុ នាយកដ្ឋានវាយតម្លៃហេតុ ប៉ះពាល់បរិស្ថាននៃក្រសួងបរិស្ថាន ជាលេខាធិការដ្ឋាននៃក្រុមការងារ ស.វ.ហ.ស្ថ.ផងដែរ។

ក្រោយកិច្ចប្រជុំ ឯកឧត្តមប្រធានអង្គប្រជុំ ក៏បានស្នើដល់ម្ចាស់ក្រុមហ៊ុនផងដែរ ទាក់ទងការបំពាក់ឧបករណ៍តាមដានគុណភាពខ្យល់នៅបំពង់ផ្សែងស្វ័យប្រវត្តិ បំពាក់ឧបករណ៍ចាប់យកផេះហើរ និងឧស្ម័នស៊ុលផួរ ដោយមានសមត្ថភាពខ្ពស់តាមកម្រិតបទដ្ឋាន ការគ្រប់គ្រងសំណល់រឹង-រាវ ជាពិសេសកម្ទេចរ៉ែ(slag) និងត្រូវបំពាក់ឧបករណ៍អគ្គីភ័យ សុវត្តិភាព និងហានិភ័យ ដែលមានប្រសិទ្ធភាពខ្ពស់៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy