សៀមរាប៖គិតរហូតមកដល់ពេលនេះគម្រោងយកប្លាស្ទិកដូរយកអង្ករនិងរបស់បរិភោគផ្សេងទៀតរបស់ពលរដ្ឋរស់នៅសហគមន៍តំបន់បឹងទន្លេសាបគឺជាកិច្ចការដើម្បីការពារបរិស្ថានតាមបឹងទន្លេសាបនិងពិសេសជួយការពារជីវចម្រុះ។

ថ្លែងបញ្ជាក់នៅក្នុងពិធីសម្ពោធជង្រុកប្លាស្ទិកនិងការចុះពិនិត្យការអនុវត្តគម្រោងកាត់បន្ថយសំណល់ប្លាស្ទិកដែលបានធ្វើឡើងនៅឃុំកែវពណ៌ ស្រុកពួកខេត្តសៀមរាបក្នុងសហគមន៍មេជ្រៃកាលពីថ្ងៃទី២០ខែធ្នូ ឆ្នាំ ២០២០ ឯកឧត្តម នេត្រ ភក្រ្តា រដ្ឋលេខាធិការក្រសួងបរិស្ថានបានឱ្យដឹងថាគម្រោងអង្ករដូរយកប្លាស្ទិកនេះជាគម្រោងដែលបានសហការរវាងក្រសួងបរិស្ថានជាមួយនឹងអង្គការមូលនិធិទំពាំងស្នងឬស្សី ដែលជាអង្គការមួយអនុវត្តគម្រោងក្នុងក្របខណ្ឌនៃខេត្តសៀមរាបជាមួយនឹងសហគមន៍ដែលកំពុងរស់នៅក្នុងតំបន់បឹងទន្លេសាប។

ឯកឧត្តមរដ្ឋលេខាធិការបានបញ្ជាក់ថាការដែលបង្កើតជង្រុកប្លាស្ទិកនេះគឺជាកន្លែងផ្ទុកប្លាស្ទិកមួយដែលប្រមូលបានពីតំបន់នានាក្នុងសហគមន៍មេជ្រៃនេះដោយសារប្រជាពលរដ្ឋក្នុងសហគមន៍បានប្រើប្រាស់ក៏ដូចជាការប្រមូលបានតាមតំបន់បឹងទន្លេសាបផងដែរ។ ទាក់ទិននឹងគម្រោងនេះដែរឯកឧត្តមរដ្ឋលេខាធិការបានលើកឡើងថាគោលបំណងសំខាន់ក្នុងការបង្កើតជង្រុកបា្លស្ទិកក៏ដូចជាការអនុវត្តនូវគម្រោងអង្ករដូរប្លាស្ទិកនេះក្នុងទិសដៅមួយគឺកាត់បន្ថយការប្រើប្រាស់ប្លាស្ទិកឬក៏កាត់បន្ថយការបំពុលក្នុងបឹងទន្លេសាប ហើយនេះក៏ជាការចូលរួមជីវៈច​ម្រុះក្នុងបឹងទន្លេសាបជាពិសេសមច្ឆាជាតិ និងជីវចម្រុះផ្សេងៗទៀត។

ពាក់ព័ន្ធទៅនឹងប្លាស្ទិកដូរអង្ករនេះគឺពលរដ្ឋដែលរើសប្លាស្ទិក៥គីឡូក្រាមពួកគាត់អាចដូរអង្ករបាន១០គីឡូក្រាម។ការអនុវត្តគម្រោងនេះគឺជាការលើកទឹកចិត្តដល់ប្រជាពលរដ្ឋសហគមន៍ក្នុងការចូលរួមទប់ស្កាត់ការប្រើប្រាស់ប្លាស្ទិកក៏ដូចជាទប់ស្កាត់ការបោះចោលថង់ប្លាស្ទិកពាសវាលកាលផងដែរ។គម្រោងនេះបានទទួលជោគជ័យគួរកត់សម្គាល់ដោយក្នុងនេះរួមមានសហគមន៍មេជ្រៃ ។ក្រៅពីនេះក៏មានអនុវត្តនៅឃុំកំពង់ភ្លុក កំពង់ឃ្លាំង និងចុងភ្នាសក្នុងទិសដៅមួយគឺយើងអនុវត្តកាត់បន្ថយប្លាស្ទិកក្នុងខេត្តសៀមរាប។

ឯកឧត្តមបានថ្លែងផងថា“ចំពោះសំណល់ប្លាស្ទិកដែលយើងប្រមូលបានតាមរយៈគម្រោងប្លាស្ទិកដូរអង្ករនេះគឺមួយផ្នែកយើងនឹងយកទៅឱ្យគេផលិតឥដ្ឋសំណង់។ព្រោះថាការដុតសំណល់ប្លាស្ទិកផ្សេងវានឹងនាំឱ្យបំពុលបរិយាកាស”។ ពាក់ព័ន្ធទៅនឹងសារជាតិប្លាស្ទិកនេះឯកឧត្តម នេត្រ ភក្រ្តា បានធ្វើការដាស់តឿនដល់ប្រជាពលរដ្ឋមិនត្រូវបោះចោលប្លាស្ទិកពាសវាកាលឡើយពីព្រោះថាវាបានជះផលអាក្រក់ដល់មនុស្សសត្វដោយសារប្លាស្ទិកមិនងាយរលាយនិងបើរលាយវាក៏ក្លាយជាមីក្រូប្លាស្ទិកដែលមានន័យថាវានៅតែមានសារជាតិប្លាស្ទិកដែលធ្វើឱ្យមានការបំពុលទឹក បំពុលទៅដល់ត្រីនាំឱ្យត្រីថមថយចំនួនចុះ។

ឯកឧត្តមរដ្ឋលេខាធិការបានបញ្ជាក់ដែរថាក្នុងមួយឆ្នាំៗមានថង់ប្លាស្ទិករាប់សិបថង់បានហូរពីបឹងសៀមរាបចាក់ចូលទៅបឹងទន្លេសាប។ក្នុងឆ្នាំ២០១៩កន្លងមកមានថង់ចំនួនជាង៤ពាន់ការ៉ុងត្រូវបានប្រមូលចេញពីបឹងទន្លេសាប និងក្នុងឆ្នាំ២០២០នេះគេបានធ្វើចែកការ៉ុងជាង៥ពាន់ការ៉ុងនេះមានន័យថាការប្រមូលបា្លស្ទិកពីបឹងទន្លេសាបមានចំនួនកើនឡើង។ ទាក់ទិនទៅនឹងការចោលសំរាមនេះដែរ ឯកឧត្តម រដ្ឋលេខាធិការ បានបញ្ជាក់ឱ្យពលរដ្ឋត្រូវចេះបែងចែក សំរាមឱ្យបានច្បាស់លាស់ពិសេសសំរាមដែលគ្រោះថ្នាក់ដូចជាថ្មពិលនិងឱសថមួយចំនួនចូលក្នុងទឹកដែលនឹងបង្កគ្រោះថ្នាក់ធ្ងន់ធ្ងរដល់ជីវៈចម្រុះក្នុងទឹក។

ដោយឡែកលោក ស៊ា សុផល ប្រធានអង្គការមូលនិធិទំពាំងស្នងឫស្សី បានឱ្យដឹងថា ប្រជាព លរដ្ឋដែលចូលរួមជាមួយកម្មវិធីនេះនឹងទទួលបានរង្វាន់លើកទឹកចិត្តជាអង្ករ ថវិកា និងគ្រឿងបរិ ភោគនានា។ លោកបានឱ្យដឹងផងថា៖«ប្រជាពលរដ្ឋភូមិពាមតាអួរដែលមានជាង៣០០គ្រួសាររស់តាមផ្ទះបណ្តែតទឹកលើកផ្ទៃបឹងទន្លេរសាប បាន បញ្ឈប់ ការចោលប្លាស្ទិកទៅក្នុងទឹក និងឈប់ដុតប្លាស្ទិក ដោយពួកគាត់ចេះញែកសំណល់ ទុកដាក់ អេតចាយផ្សេងហើយប្រមូ លប្លាស្ទិក ដែលមានពីរប្រភេទ»។

លោកថាតាមរួមកម្មវិធីរបស់អង្កការគឺយើងបានបោះពុម្ពជាការ៉ុង ដែលយើងដា ក់ឈ្មោះថា«ប្លាស្ទិកអូលី» ជាការ៉ុងឱ្យទៅគាត់សម្រាប់ដាក់ប្លាស្ទិក ហើយយើ ងបង្កើតជា ជង្រុកមួយ ទៅតាមរដូវដល់អ៊ីចឹងនៅទន្លេសាបវាចល័តចុះឡើង តាមរបបទឹកទន្លេ ទឹក ស្រកសំរាមនៅសល់តាមដើមឈើ ចឹងយើងមានគំនិតថា បង្កើតជាជង្រុកប្លាស្ទិក ដូចជង្រុក ស្រូវអ៊ីចឹង យើងប្រមូលផលប្លាស្ទិកតាមរដូវ”។

គួរបញ្ជាក់ថាបើតាម ឯកឧត្តម នេត្រ ភត្ត្រាអ្នកនាំពាក្យ ក្រសួងបរិស្ថានបានឲ្យដឹងថា ក្រសួងបរិស្ថាន កំពុងតែ យកចិត្តទុកដាក់ និង ជំរុញ ការញែក សំរាមតាមប្រភេទ ដូចជា ញែក សំរាមសរីរាង្គ ដើម្បី យកវាទៅធ្វើជា ជីកំប៉ុស និង ញែក សំណល់ ប្លា ស្ទិ ក ដើម្បី យកទៅ កែច្នៃ បន្ត ។ ហើយ ក្រសួង ក៏ កំពុង ជំរុញ ដល់ ការ អនុវត្តិ គោល ការ ៤ R ផងដែរ គឺ កាត់បន្ថយ ការប្រើប្រាស់ ប្លា ស្ទិ ក កែច្នៃ ឡើងវិញ ការប្រើប្រាស់ ឡើងវិញ និង ការបដិសេធ ការប្រើ ប្លា ស្ទិក តែម្ដង៕

ព័ត៌មានបន្ថែម

កម្ពុជាបន្តរកឃើញវត្តមាននៃប្រភេទសត្វកម្រៗនៅលើពិភពលោកដែលមានវត្តមាននៅតំបន់ការពារធម្មជាតិរបស់ខ្លួន
ថ្ងៃ ព្រហស្បតិ៍, 22 កក្កដា, 2021 កម្ពុជាបន្តរកឃើញវត្តមាននៃប្រភេទសត្វកម្រៗនៅលើពិភពលោកដែលមានវត្តមាននៅតំបន់ការពារធម្មជាតិរបស់ខ្លួន
កិច្ចប្រជុំក្រុមប្រឹក្សាភិបាលលើកទី១ នៃសហគ្រាសគ្រប់គ្រងស្ថានីយផ្ទេរ និងទីលានទុកដាក់សំរាម សំណល់រឹង
ថ្ងៃ ព្រហស្បតិ៍, 22 កក្កដា, 2021 កិច្ចប្រជុំក្រុមប្រឹក្សាភិបាលលើកទី១ នៃសហគ្រាសគ្រប់គ្រងស្ថានីយផ្ទេរ និងទីលានទុកដាក់សំរាម សំណល់រឹង
ដំណើរឆ្ពោះទៅប្រារព្ធទិវាឧទ្យានុរក្សអន្តរជាតិ ៣១ កក្កដា
ថ្ងៃ ពុធ, 21 កក្កដា, 2021 ដំណើរឆ្ពោះទៅប្រារព្ធទិវាឧទ្យានុរក្សអន្តរជាតិ ៣១ កក្កដា