នៅព្រឹកថ្ងៃអង្គារ ៨រោច ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៨ ខែធ្នូ ឆ្នាំ២០២០ ឯកឧត្តម ខៀវ បូរិន អគ្គនាយកនៃអគ្គនាយកដ្ឋានមូលដ្ឋាននៃក្រសួងបរិស្ថាន និងជានាយកគម្រោង «និរន្តរភាពតំបន់ទេសភាព និងទេសចរណ៍ធម្មជាតិកម្ពុជា» បានដឹកនាំកិច្ចប្រជុំមួយ នៅទីស្តីការក្រសួងបរិស្ថាន ដែលមានការចូលរួមពីមន្រ្តីជំនាញក្រសួងបរិស្ថាន តំណាងធនាគារពិភពលោក និងតំណាងអង្គការUNDPប្រចាំកម្ពុជា។

កិច្ចប្រជុំបានពិនិត្យ និងពិភាក្សាលើការចូលរួមសហការណ៍របស់ UNDP ក្នុងការអនុវត្តន៍គម្រោងលើផ្នែកប្រព័ន្ធគ្រប់គ្រងទិន្នន័យ និងព័ត៌មានបរិស្ថាន យន្តការហិរញ្ញប្បទានតំបន់ការពារធម្មជាតិដោយនិរន្តរភាព និងប្រព័ន្ធត្រួតពិនិត្យតាមដាន និងវាយតម្លៃសកម្មភាពគម្រោង។

សូមបញ្ជាក់ថា គម្រោងនេះមានការគាំទ្រពីធនាគារពីភពលោក និងរាជរដ្ឋាភិបាលកម្ពុជាសម្រាប់រយៈពេល ៦ឆ្នាំ ដែលមានគោលបំណងដូចខាងក្រោម៖

១. បង្កើនប្រសិទ្ធភាពនៃការគ្រប់គ្រងតំបន់ការពារធម្មជាតិ តាមរយៈការបោះបង្គោលព្រំ ការកំណត់តំបន់ ការរៀបចំផែនការគ្រប់គ្រង និងចុះបញ្ជីដីរដ្ឋ

២. បង្កើនជីវភាពរស់នៅរបស់ប្រជាសហគមន៍ដែលរស់នៅតាមតំបន់ការពារធម្មជាតិ តាមរយៈការបង្កើតជម្រើសមុខរបរថ្មីៗសម្រាប់ពួកគាត់

៣. ពង្រឹងកិច្ចសហការណ៍ជាមួយវិស័យឯកជនទៅក្នុងលើការពារ និងអភិរក្សធនធានធម្មជាតិ តាមរយៈការវិនិយោគនៅតំបន់ការពារធម្មជាតិ និងជាមួយសហគមន៍មូលដ្ឋាន និងចូលរួមកៀរគរធនធានដើម្បីបង្កើនជីវភាពរស់នៅរបស់សហគមន៍៕

ព័ត៌មានបន្ថែម

កម្ពុជាបន្តរកឃើញវត្តមាននៃប្រភេទសត្វកម្រៗនៅលើពិភពលោកដែលមានវត្តមាននៅតំបន់ការពារធម្មជាតិរបស់ខ្លួន
ថ្ងៃ ព្រហស្បតិ៍, 22 កក្កដា, 2021 កម្ពុជាបន្តរកឃើញវត្តមាននៃប្រភេទសត្វកម្រៗនៅលើពិភពលោកដែលមានវត្តមាននៅតំបន់ការពារធម្មជាតិរបស់ខ្លួន
កិច្ចប្រជុំក្រុមប្រឹក្សាភិបាលលើកទី១ នៃសហគ្រាសគ្រប់គ្រងស្ថានីយផ្ទេរ និងទីលានទុកដាក់សំរាម សំណល់រឹង
ថ្ងៃ ព្រហស្បតិ៍, 22 កក្កដា, 2021 កិច្ចប្រជុំក្រុមប្រឹក្សាភិបាលលើកទី១ នៃសហគ្រាសគ្រប់គ្រងស្ថានីយផ្ទេរ និងទីលានទុកដាក់សំរាម សំណល់រឹង
ដំណើរឆ្ពោះទៅប្រារព្ធទិវាឧទ្យានុរក្សអន្តរជាតិ ៣១ កក្កដា
ថ្ងៃ ពុធ, 21 កក្កដា, 2021 ដំណើរឆ្ពោះទៅប្រារព្ធទិវាឧទ្យានុរក្សអន្តរជាតិ ៣១ កក្កដា