នៅទីស្តីការក្រសួងបរិស្ថាន តាមប្រព័ន្ធវីដេអូចាប់ពីថ្ងៃទី១-២ ខែធ្នូ ឆ្នាំ២០២០ ឯកឧត្តម វ៉ាន់ មុនីនាថ អគ្គលេខាធិការ ក្រុមប្រឹក្សាជាតិអភិវឌ្ឍន៍ដោយចីរភាព បានដឹកនាំមន្រ្តីបង្គោលជាតិ និងលោកប្រធានមន្ទីរបរិស្ថាន ខេត្តកែប កំពត និងខេត្តពោធិសាត់ រួមជាមួយរដ្ឋសមាជិកអាស៊ាន លេខាធិការដ្ឋានអាស៊ាន ក្រសួង បរិស្ថានជប៉ុន វិទ្យាស្ថានយុទ្ធសាស្រ្តបរិស្ថានសកល (IGES) និងដៃគូពាក់ព័ន្ធសរុបចំនួន៧៤ នាក់ ចូលរួមបូកសរុបបញ្ចប់លទ្ធផលការងារអនុវត្តន៍កម្មវិធីទីក្រុងឈានមុខអាស៊ាន ស្របតាមគោលដៅអភិវឌ្ឍន៍ដោយចីរភាព ក្រោមអធិបតីភាពក្នុងពិធីបើក ឯកឧត្តម វ៉ាន់ មុនីនាថ លោកបណ្ឌិត Nagulendran អគ្គលេខាធិការង ក្រសួងបរិស្ថានម៉ាឡេស៊ី និងជាប្រធានក្រុមការងារនិរន្តរភាពបរិស្ថាន ទីក្រុងអាស៊ាន លោក Kondo Tomohiro អនុរដ្ឋមន្រ្តីក្រសួងបរិស្ថានជប៉ុន និងលោក Chiba Akira ឯកអគ្គរដ្ឋទូតជប៉ុនប្រចាំអាស៊ាន។ សិក្ខាសាលា បានទទួលស្គាល់ កោតសរសើរ និងវាយតម្លៃខ្ពស់ចំពោះលទ្ធផលសម្រេចបានក្នុងរយៈពេល១០ ឆ្នាំ ដោយបានអនុវត្តតាមទីក្រុងគោលដៅអាស៊ានចំនួន៥៦ ក្រុង មានប្រជាជនប្រទេសអាស៊ានសរុបចូលរួម ៥% និងបានលើកកម្ពស់ចំណេះដឹងរបស់ប្រជាជនអាស៊ានពី២០% (ទិន្នន័យមូលដ្ឋាន) ទៅ៨០%។ ម៉្យាងវិញទៀត ប្រទេសអាស៊ានបានផលិតវីដេអូខ្លីៗអំពីសកម្មភាពទីក្រុងឈានមុខ ឆ្លុះបញ្ចាំងតាមប្រធានបទរួម ដូចជា ក្រុងកែប ខេត្តកែប ដែលត្រូវបានជ្រើសជាក្រុងឈានមុខបានបង្ហាញពី ”ការរៀបចំទីក្រុងឡើងវិញ និងភាពបៃតង” និងក្រុងអាស៊ានផ្សេងៗក៏ផលិតវីដេអូ “ស្អាតពេលអ្នករីកចម្រើន” “គិតឡើងវិញអំពីប្លាស្ទិក” និង“សហគមន៍ និងការទទួលខុសត្រូវរបស់យុវជន” ជាដើម។ ជាមួយគ្នានេះដែរ សិក្ខាសាលាបានឯកភាពសំណូមពរឱ្យវិទ្យាស្ថាន IGES រៀបចំសំណើកម្មវិធីថ្មីដាក់ជូនក្រុមការងារអាស៊ានពិនិត្យ ដើម្បីស្នើសុំទៅរដ្ឋាភិបាលជប៉ុន ពិនិត្យ និងសម្រេច៕

  

ព័ត៌មានបន្ថែម

ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញជួបសំណេះសំណាល សួរសុខទុក្ខ និងតម្រង់ទិសការងារសម្រាប់មន្ទីរបរិស្ថានខេត្តសៀមរាប
ថ្ងៃ សុក្រ, 22 តុលា, 2021 ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញជួបសំណេះសំណាល សួរសុខទុក្ខ និងតម្រង់ទិសការងារសម្រាប់មន្ទីរបរិស្ថានខេត្តសៀមរាប
សាលាបឋមសិក្សាក្រវ៉ាន់ខេត្តសៀមរាប ជាប់ជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១
ថ្ងៃ ព្រហស្បតិ៍, 21 តុលា, 2021 សាលាបឋមសិក្សាក្រវ៉ាន់ខេត្តសៀមរាប ជាប់ជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១
ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល