ឯកឧត្តម សាយ សំអាល់ ធ្វើជាអធិបតីដឹកនាំកិច្ចប្រជុំនាថ្ងៃទី១៨ ខែកក្កដា។

ឯកឧត្តមសំអាល់ រដ្ឋមន្ត្រីក្រសួងបរិស្ថានបានថ្លែងថា ការពង្រឹងសមត្ថភាពរបស់អាជ្ញាធរមូលដ្ឋានថ្នាក់ក្រោមជាតិគឺជាកិច្ចការងារចាំបាច់ដើម្បីគ្រប់គ្រង និងអភិវឌ្ឍន៍តំបន់សហគមន៍ទេសចរណ៍ឱ្យមានប្រសិទ្ធភាព និងការអភិវឌ្ឍប្រកបដោយចីរភាព។ ថ្លែងក្នុងកិច្ចប្រជុំអន្តរក្រសួងនៅថ្ងៃទី១៨ ខែកក្កដា នៅទីស្នាក់ការគណៈកម្មាធិការជាតិអូឡាំពិក ឯកឧត្តមរដ្ឋមន្ត្រី បានសង្កត់ធ្ងន់ថា ការលើកកម្ពស់កម្រិតចំណេះដឹងនៅថ្នាក់មូលដ្ឋាន មានភាពចាំបាច់ណាស់ព្រោះថាប្រសិនបើអាជ្ញាធរមូលដ្ឋានមិនមានសមត្ថភាពយល់ដឹងគ្រប់គ្រាន់ពីកិច្ចការងារសហគមន៍ ការថែរក្សាសោភណ្ឌភាពបរិស្ថាន ការផ្តល់សេវាកម្ម និងសុវត្ថិភាពនោះ   ទេ កិច្ចការងារគ្រប់គ្រង និងការអភិវឌ្ឍសហគមន៍តំបន់ទេសចរណ៍នឹងមិនមានប្រសិទ្ធភាពនោះឡើយ។

បន្ថែមពីនេះ ឯកឧត្តមសាយ សំអាល់ បានស្នើកិច្ចប្រជុំឱ្យបង្កើតក្រុមការងារអន្តរក្រសួងដែលមានទាំងក្រសួងមហាផ្ទៃ បរិស្ថាន កសិកម្ម ធនធានទឹក និងរ៉ែនិងថាមពលជាដើម ដើម្បីជំរុញការងារគ្រប់គ្រង និងអភិវឌ្ឍន៍សហគមន៍ទេសចរណ៍ឱ្យមានប្រិសិទ្ធភាព និងជំរុញការកែប្រែជីវភាពប្រជាសហគមន៍ឱ្យកាន់តែប្រសើរ។

 

សូមបញ្ជាក់ថា កិច្ចប្រជុំអន្តរក្រសួងនៅថ្ងៃទី១៨ ខែកក្កដានេះដែលមានការចូលរួមពីរដ្ឋមន្ត្រីក្រសួងទេសចរណ៍ រដ្ឋមន្ត្រីក្រសួងបរិស្ថាន រដ្ឋមន្ត្រីក្រសួងកសិកម្ម និងមន្ទីរនៃក្រសួងទាំងបី២៥រាជធានីខេត្តទូទាំងប្រទេស មានគោលបំណងដើម្បីពិភាក្សារិះរកនូវយន្តការ និងវិធានការរួមគ្នាក្នុងការជំរុញការអភិវឌ្ឍសហគមន៍ទេសចរណ៍ដែលបាននិងកំពុងដើរតនាទីយ៉ាងសំខាន់ក្នុងការលើកកម្ពស់ជីវភាពរស់នៅ និងការកាត់បន្ថយភាពក្រីក្ររបស់ប្រជាពលរដ្ឋសហគមន៍មូលដ្ឋាន តាមរយៈការផ្តល់ឱកាសការងារ និងការបង្កើតប្រាក់ចំណូល ជាពិសេស រួមចំណែកដល់ការអភិរក្សការថែរក្សា ការការពារធនធានធម្មជាតិ និងជីវៈចម្រុះប្រកបដោយនិរន្តរភាព ទប់ទល់ការប្រែប្រួលអាកាសធាតុ និងការបង្កើតទម្លាប់ស្រឡាញ់បរិស្ថាន៕

ព័ត៌មានបន្ថែម

ឯកឧត្តម ជួប ប៉ារីស៍ អញ្ជើញបើកសិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣
ថ្ងៃ ពុធ, 29 មិថុនា, 2022 ឯកឧត្តម ជួប ប៉ារីស៍ អញ្ជើញបើកសិក្ខាសាលាស្តីពីរៀបចំផែនការអនុវត្តគម្រោងរេដបូក ដែនជម្រកសត្វព្រៃកែវសីមាក្នុងឆ្នាំសារពើពន្ធ២០២២-២០២៣
ជំនួបទទួល គណៈប្រតិភូប្រទេសនេប៉ាល់​លើការ​សិក្សាស្វែងយល់អំពីកម្មវិធីរេដបូក REDD+( ឥណទានកាបូន)​ នៅកម្ពុជា
ថ្ងៃ អង្គារ, 28 មិថុនា, 2022 ជំនួបទទួល គណៈប្រតិភូប្រទេសនេប៉ាល់​លើការ​សិក្សាស្វែងយល់អំពីកម្មវិធីរេដបូក REDD+( ឥណទានកាបូន)​ នៅកម្ពុជា
ការពង្រឹងសមត្ថភាពមន្ត្រីជំនាញ ស្តីពីការវិភាគ និងស្វែងរកវត្តមាន សារពាង្គកាយកែច្នៃរស់ (LMO) ក្នុងដំណាំ រុក្ខជាតិ និងផលិតផល កែច្នៃធនធានពន្ធុ
ថ្ងៃ អង្គារ, 28 មិថុនា, 2022 ការពង្រឹងសមត្ថភាពមន្ត្រីជំនាញ ស្តីពីការវិភាគ និងស្វែងរកវត្តមាន សារពាង្គកាយកែច្នៃរស់ (LMO) ក្នុងដំណាំ រុក្ខជាតិ និងផលិតផល កែច្នៃធនធានពន្ធុ