នៅព្រឹកថ្ងៃព្រហស្បត៍ ១១កើត ខែមិគសិរ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៦ ខែវិច្ឆិកា ឆ្នាំ២០២០ នៅទីស្តីការក្រសួងបរិស្ថាន ឯកឧត្តម សៅ សុភាព រដ្ឋលេខាធិការ បានដឹកនាំកិច្ចប្រជុំ ស្តីពី ការស្នើសុំទីតាំងដំឡើងស្ថានីយត្រួតពិនិត្យគុណភាពខ្យល់ ដោយមានការអញ្ជើញចូលរួមពី ឯកឧត្តមអនុរដ្ឋលេខាធិការ ឯកឧត្តមអគ្គនាយក លោកអគ្គនាយករង លោកប្រធាននាយកដ្ឋាន និងសហការី នៃអគ្គនាយកដ្ឋានគាំពារបរិស្ថាន លោកអភិបាលរង អភិបាលក្រុង និងប្រធានមន្ទីរខេត្តកំពង់ធំ កំពង់ស្ពឺ ស្វាយរៀង ព្រះសីហនុ បន្ទាយមានជ័យ សៀមរាប ព្រះវិហារ ស្ទឹងត្រែង តំណាងវិទ្យាស្ថានបច្ចេកវិទ្យាកម្ពុជា និងអ្នកពាក់ព័ន្ធ សរុប ៣០នាក់។ កិច្ចប្រជុំនេះត្រូវបានរៀបចំឡើងក្នុងគោលបំណង ពិភាក្សាជាមួយរដ្ឋបាលថ្នាក់ក្រោមជាតិ ពាក់ព័ន្ធនឹងការស្នើសុំទីតាំងសម្រាប់ដំឡើងស្ថានីយត្រួតពិនិត្យគុណភាពខ្យល់ នៅតាមរាជធានី ខេត្ត ចំនួន១០ស្ថានីយ ដែលជាជំនួយរបស់ក្រសួងអេកូឡូស៊ី និងបរិស្ថាន នៃសាធារណរដ្ឋប្រជាមានិតចិន។ ជារួម តំណាងរដ្ឋបាលខេត្តគោលដៅ បានសំដែងការស្វាគមន៍ និងគាំទ្រដល់ការដំឡើងស្ថានីយត្រួតពិនិត្យគុណភាពខ្យល់ តាមគោលដៅដែលបានកំណត់ ហើយឯកឧត្តមរដ្ឋលេខាធិការ ក៏បានផ្តល់មតិណែនាំមួយចំនួន ដូចខាងក្រោម៖

– ស្នើអភិបាលខេត្តគោលដៅ សហការផ្តល់ជម្រើសទីតាំងដីសម្រាប់ដំឡើង និងផ្តល់កិច្ចការពារសុវត្ថិភាពស្ថានីយត្រួតពិនិត្យគុណភាពខ្យល់។

– ស្នើអភិបាលខេត្តគោលដៅ សហការភ្ជាប់ចរន្តអគ្គិសនី និងពិនិត្យលទ្ធភាពចេញចំណាយក្នុងការប្រើប្រាស់អគ្គិសនីសម្រាប់ស្ថានីយត្រួតពិនិត្យគុណភាពខ្យល់។

– ស្នើបញ្ជូនមន្ត្រីសាលាខេត្ត១រូប សាលាក្រុង១រូប មន្ទីរបរិស្ថានខេត្ត១រូប ដើម្បីចូលរួមវគ្គបណ្តុះបណ្តាលក្នុងការប្រើប្រាស់ស្ថានីយត្រួតពិនិត្យគុណភាពខ្យល់។

– ស្នើឱ្យក្រុមការងារបច្ចេកទេសនៃអគ្គនាយកដ្ឋានគាំពារបរិស្ថានចុះពិនិត្យទីតាំងជាក់ស្តែង ដើម្បីលើកសំណើទៅអភិបាលខេត្តគោលដៅពិនិត្យ និងសម្រេច។

ព័ត៌មានបន្ថែម

កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ថ្ងៃ អង្គារ, 26 តុលា, 2021 កិច្ចប្រជុំពិនិត្យ ប្លង់មេនិងផែនការអភិវឌ្ឍន៍វិនិយោគទេសចរណ៍ធម្មជាតិខ្នាតតូចចំនួន ៥ ស្ថិតនៅក្នុងឧទ្យានជាតិព្រះ មុនីវង្សបូកគោ ភូមិសាស្ត្រសង្កាត់ព្រែកត្នោត ខេត្តកំពត
ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ថ្ងៃ អង្គារ, 26 តុលា, 2021 ឯកឧត្តម សាយ សំអាល់ ប្រធានក្រុមប្រឹក្សាជាតិអភិវឌ្ឍន៍ដោយចីរភាព និងជារដ្ឋមន្ត្រីក្រសួងបរិស្ថាន បានជួបប្រជុំទ្វេភាគី ជាមួយលោក Frank Rijsberman អគ្គនាយកវិទ្យាស្ថានអភិវឌ្ឍន៍បៃតងសកល (GGGI) និងសហការី តាមរយៈប្រព័ន្ធវីដេអូ (Zoom)
ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង
ថ្ងៃ ចន្ទ, 25 តុលា, 2021 ពិធីប្រគល់-ទទួលឧបករណ៍វាស់កម្រិតបញ្ចេញឧស្ម័ន ពីយានយន្តនិង ឧបករណ៍វាស់កម្រិតសំឡេង