នៅឱកាសទទួលបានការអនុញ្ញាតជួបពិភាក្សាការងារ ជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នាទីស្តីការក្រសួងបរិស្ថាន នៅរសៀលថ្ងៃពុធ ១២រោច ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី១៤ ខែតុលា ឆ្នាំ២០២០ ឯកឧត្តម អាណាថូលី បូរូវីក (ANATOLY BOROVIK) ឯកអគ្គរដ្ឋទូតវិសាមញ្ញ និងពេញសមត្ថភាព នៃសហព័ន្ធរុស្សីប្រចាំកម្ពុជា បានបង្ហាញពីការគាំទ្រដល់ការអភិវឌ្ឍផ្នែកវិទ្យាសាស្រ្ត ដើម្បីសន្តិភាព និងការបណ្តុះបណ្តាលធនធានមនុស្សសិក្សានៅប្រទេសរុស្សីលើផ្នែវិទ្យាសាស្រ្តផងដរ។

នៅក្នុងជំនួបនេះដែរ ឯកឧត្តម ANATOLY BOROVIK បានបញ្ជាក់ថាដែរថាកម្ពុជាមានការអភិវឌ្ឍដ៏ឆាប់រហ័ស និងបានពង្រឹង និងពង្រីកទំនាក់ទំនងជាប្រវត្តិសាស្រ្តដ៏ល្អរវាងព្រះរាជាណាចក្រកម្ពុជា និងសហព័ន្ធរុស្ស៊ី ជាលំដាប់។

ក្នុងឱកាសនោះ ឯកឧត្តម សាយ សំអាល់ បានសំដែងនូវការស្វាគមន៍យ៉ាងកក់ក្តៅចំពោះបេសសកម្មការទូតរបស់ឯកឧត្តមឯកអគ្គរដ្ឋទូតរុស្សីប្រចាំកម្ពុជា និងបានលើកឡើងអំពីទំនាក់ទំនងល្អរវាងកម្ពុជា និងរុស្ស៊ី។ ឯកឧត្តម បានបញ្ជាក់ថាកន្លងមកប្រទេសរុស្សី បានជួយដល់ការស្តារ និងការអភិវឌ្ឍប្រទេសកម្ពុជា ជាពិសេសនៅពេលកម្ពុជា ទើតែរំដោះចេញពីរបបប្រល័យពូជសាសន៍ប៉ុល ពត។ នៅ ឯកឧត្តមសាយ សំអាល់ មានប្រសាសន៍ថ្លែងអំណរគុណផងដែរ ដល់ប្រទេសរុស្សី និងប្រជាជនរុស្សី ដែលបានជួយបណ្តុះបណ្តាលធនធានមនុស្ស ជំរុញឲ្យកម្ពុជារីកចម្រើនរហូតមកដល់ពេលនេះ។ ទន្ទឹមនឹងនោះដែរ ឯកឧត្តម រដ្ឋមន្រ្តី បានពិភាក្សាលើកិច្ចសហប្រតិបត្តិការទ្វេភាគីរវាងប្រទេសទាំងពីរ កម្ពុជា-រុស្សី លើការអភិវឌ្ឍនៃបច្ចេកវិទ្យា និងការបណ្តុះបណ្តាលនិស្សិតផ្នែកវិទ្យាសាស្រ្ត ឱ្យបានច្រើនថែមទៀត ដើម្បីជួយដល់ការអភិវឌ្ឍប្រទេសកាន់តែមានការរីកចម្រើន៕

ព័ត៌មានបន្ថែម

ទិវាអនាម័យបរិស្ថានជាតិ ២៣វិច្ឆិកា ក្រោមប្រធានបទ«អនាម័យបរិស្ថានល្អ សុខភាពសហគមន៍ល្អ»
ថ្ងៃ ចន្ទ, 23 វិច្ឆិកា, 2020 ទិវាអនាម័យបរិស្ថានជាតិ ២៣វិច្ឆិកា ក្រោមប្រធានបទ«អនាម័យបរិស្ថានល្អ សុខភាពសហគមន៍ល្អ»
រដ្ឋាភិបាលចិនផ្តល់សម្ភារៈនិងបរិក្ខាកាត់បន្ថយការបញ្ចេញកាបូននៅក្នុងខេត្តព្រះសីហនុ
ថ្ងៃ អាទិត្យ, 22 វិច្ឆិកា, 2020 រដ្ឋាភិបាលចិនផ្តល់សម្ភារៈនិងបរិក្ខាកាត់បន្ថយការបញ្ចេញកាបូននៅក្នុងខេត្តព្រះសីហនុ
សេចក្តី ជូនដំណឹងស្តីពី ទិវាអនាម័យបរិស្ថានជាតិ ២៣ វិច្ឆិកា ឆ្នាំ២០២០ ក្រោមប្រធានបទ«អនាម័យបរិស្ថានល្អ សុខភាពសហគមន៍ល្អ»
ថ្ងៃ សុក្រ, 20 វិច្ឆិកា, 2020 សេចក្តី ជូនដំណឹងស្តីពី ទិវាអនាម័យបរិស្ថានជាតិ ២៣ វិច្ឆិកា ឆ្នាំ២០២០ ក្រោមប្រធានបទ«អនាម័យបរិស្ថានល្អ សុខភាពសហគមន៍ល្អ»