មន្ត្រី​វ័យ​ក្មេង​របស់​ក្រសួង​បរិស្ថាន​ចំនួន​៥​រូប​ដែល​បាន​ទៅ​សិក្សា និង​ដក​ស្រង់​បទ​ពិសោធន៍​នៅ​បទេស​នឹង​រៀប​ចំ​កម្ម​វិធី​ចែក​រំលែក​ចំណេះ​ដឹង បទ​ពិសោធន៍ និង​ជំនាញ​របស់​ខ្លួន​នៅរសៀល​ថ្ងៃ​ទី៧ ខែ​កក្កដា នៅ​ទីស្តី​ការ​ក្រសួង​បរិស្ថាន។ មន្ត្រី​វ័យ​ក្មេង​ទាំង​៥​រូប​នេះ គឺ ទី១ យ៉ែម ច័ន្ទ​ដារ៉ា ជា​មន្ត្រី​នាយកដ្ឋាន​អធិការ​កិច្ច និង​ពង្រឹង​ច្បាប់ ទី២ កញ្ញា សៀង សុធាវី ជាមន្ត្រីបច្ចេក​ទេស​នៃ​នាយក​ដ្ឋាន​អប់រំ​បរិស្ថាន ទី៣​លោក អាំង ហៃផេង មន្ត្រី​មន្ទីរ​ពិសោធន៍ ទី៤ លោក​ស្រេង ចន្ថា មន្ត្រី​បច្ចេក​ទេស អធិការ​កិច្ច និង​ពង្រឹង​ការ​អនុវត្ត​ច្បាប់ ទី៥ អ្នក​នាង សាន ដាណា មន្ត្រី​នាយក​ដ្ឋាន​គ្រប់គ្រង​គុណ​ភាព​ខ្យល់ និង​សំឡេង។

អ្នក​ទាំង​៥​នាក់​ត្រូវ​បាន​ក្រសួង​បញ្ជូន​ទៅ​សិក្សា និង​ដក​ស្រង់​បទ​ពិសោធន៍​នៅ​ប្រទេស​នូវែលហ្សេឡង់​ស្តី​ពី​ការ​ពង្រឹង​ភាព​ស៊ាំ (Strengthening Resilience)​រយៈ​ពេល​៥​ខែ។ ក្នុង​កម្មវិធី​ចែករំលែក​បទពិសោធន៍​នៅថ្ងៃ​ទី៧ ខែ​កក្កដា​នេះ មន្ត្រី​វ័យ​ក្មេង​ទាំង​៥រូប នឹង​លើក​ឡើង​ចំនួន​បី​វគ្គ គឺ​របៀប​នៃ​ការដាក់​ពាក្យ​ដើម្បី​ទទួល​បាន​អាហារ​រូបករណ៍ កម្មវិធី​ដែល​បាន​សិក្សា​រៀន​សូត្រ និង​កម្ម​វិធី​អាហារូបករណ៍​ផ្សេង​ទៀត​ដែល​មន្ត្រី​វ័យក្នុង​ក្រសួង​អាច​ដាក់​ពាក្យ​ស្នើសុំ​ជា​ដើម។​

កញ្ញា សៀង សុធារី ជា​មន្ត្រី​បច្ចេកទេស​នៃ​នាយក​ដ្ឋាន​អប់​រំ​បរិស្ថាន បាន​បញ្ជាក់​ថា ការ​ចែករំ​លែក​បទ​ពិសោធន៍​ មាន​សារៈ​សំខាន់​ណាស់​សម្រាប់​មន្ត្រី​ក្រសួង​ផ្សេងៗ​ទៀត​ដែល​មានបំណង​ចង់​បាន​ការសិក្សា​នៅ​បរទេស​បន្ថែម​ស្តី​ពី​បរិស្ថាន​។ កញ្ញា​បន្ថែម​ថា បទ​ពិសោធន៍​មក​ពីបរទេស​ ជា​ចំណេះ​ដឹង និង​បទពិសោធន៍​បន្ថែម​ក្នុង​ការ​បំ​ពេញ​ការងារ​ឱ្យ​កាន់​តែ​មាន​ប្រសិទ្ធភាព។​

មន្ត្រី​ទាំង​៥រូប នឹង​ចែក​រំលែក​បទ​ពិសោធន៍ និង​ជំនាញ​របស់​ខ្លួន​ម្នាក់​ម្តងៗ នៅ​សាល​ប្រជុំប្រាជ្ញ​ស៊ុន​ជាន់​ទី២ នៃ​ក្រសួង​បរិស្ថាន ចាប់​ពី​ម៉ោង២ និង​៣០នាទី​រសៀល៕

ដោយ៖  ស៊ុន មេសា

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ