កាលពីថ្ងៃចន្ទ ១១កើត ខែអស្សុជ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៨ ខែកញ្ញា ឆ្នាំ២០២០ លោកជំទាវ ចាន់ សុម៉ាលី អនុរដ្ឋលេខាធិការ​ក្រសួងបរិស្ថាន​ បានដឹកនាំកិច្ចប្រជុំអនុក្រុមការ​ងារ​បច្ចេកទេស​អន្តរក្រសួងស្តីពី​ការប្រើប្រាស់ និងការបែងចែកផលប្រយោជន៍ពីធនធានពន្ធុ លើកទី២ នៅសណ្ឋាគារហ៊ីម៉ាវ៉ារី រាជធានីភ្នំពេញ និងមានការចូលរួមពីសមាជិក-សមាជិកា នៃអនុក្រុមការងារមកពីបណ្តាក្រសួងស្ថាប័ន និងអ្នកពាក់ព័ន្ធសរុបចំនួន៣០រូប។

គោលបំណងនៃកិច្ចប្រជុំគឺដើម្បីពិនិត្យ ពិភាក្សា និងផ្តល់យោបល់បច្ចេកទេសលើ៖

១) សេចក្តីព្រាងក្របខណ្ឌការងារជាតិស្តីពីការប្រើប្រាស់ និងការបែងចែកផលប្រយោជន៍ពីការប្រើប្រាស់ធនធានពន្ធុដោយ​ស្មើភាព និងសមធម៌ (ABS) ដើម្បីផ្តល់ជាគោលការណ៍ណែនាំសម្រាប់ការរៀបចំបង្កើត និងអនុវត្តគោលនយោបាយ/នីតិវិធី និងកម្មវិធីការងារស្របតាមពិធីសារណាហ្គូយ៉ា និង

២) របាយការណ៍វិភាគ (Gap Analysis) អំពីច្បាប់ជាតិ-អន្តរជាតិ សម្រាប់រៀបចំផែនការបង្កើតគោលនយោបាយ នីតិវិធី និងវិធានរដ្ឋបាលស្តីពី ABS។

ជាលទ្ធផល អង្គប្រជុំបាន​៖​ ១)​ ពិនិត្យ​ និងសម្រេចផ្នែកបច្ចេកទេស​លើសេចក្តីព្រាងក្របខណ្ឌការងារស្តីពី​ ABS​ ដេីម្បីដាក់ជូនគណៈកម្មការ និងថ្នាក់ដឹកនាំ ពិនិត្យ និងសម្រេចនាពេលខាងមុខ​ និង​ ​២) ពិនិត្យ​ និងផ្តល់ធាតុចូលបន្ថែមលេីរបាយការណ៍វិភាគ (Gap Analysis) សម្រាប់ជាមូលដ្ឋានគ្រឹះក្នុងការបង្កេីតលិខិតបទដ្ឋានគតិយុត្តស្តីពី ABS៕

ព័ត៌មានបន្ថែម

ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ថ្ងៃ អាទិត្យ, 28 វិច្ឆិកា, 2021 ដំណើរទស្សនកិច្ចសារព័ត៌មាននៅខេត្តព្រះសីហនុក្នុងក្របខណ្ឌនៃមហាសន្និបាតសមុទ្រអាស៊ីបូព៌ាឆ្នាំ ២០២១
ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
ថ្ងៃ សុក្រ, 26 វិច្ឆិកា, 2021 ពិធីចុះហត្ថលេខាបន្តកិច្ចព្រមព្រៀងអនុវត្តគម្រោងក្រសួងបរិស្ថាននិងអង្គការ សមាគមអភិរក្សសត្វព្រៃប្រចាំកម្ពុជា
«រូបវន្តបុគ្គល និងនីតិបុគ្គលឆ្នើម ទទួលបានបណ្ណសរសើរមេត្រីភាពបរិស្ថាន»
ថ្ងៃ ពុធ, 24 វិច្ឆិកា, 2021 «រូបវន្តបុគ្គល និងនីតិបុគ្គលឆ្នើម ទទួលបានបណ្ណសរសើរមេត្រីភាពបរិស្ថាន»