ថ្ងៃទី២៦ ខែ កញ្ញា ឆ្នាំ២០២០ ក្រសួងបរិស្ថានសហការណ៍ជាមួយក្រសួងទេសចរណ៍និងសាលារាជធានីភ្នំពេញបានរៀបចំសម្អាតទិវាពិភពលោកនៅមុខវត្តឧណ្ណាលោមព្រមទាំងមានវត្តមានយុវជន ស.ស.យ.ក រាជធានីភ្នំពេញ ជាច្រើនរូបចូលរួម។

ដោយឃើញបរិមាណសម្រាម សំណល់ ទីប្រជុំជនដែលបានបង្កើតឡើងនៅកម្ពុជាគឺមានចំនួនជាង ១ម៉ឺនតោនក្នុងមួយថ្ងៃ ហើយក្នុងមួយឆ្នាំបរិមាណសម្រាមដែលកម្ពុជាបង្កើតប្រមាណជិត ៤លានតោន ក្នុងនោះ ៦៥% ជាសម្រាមសើម ២០% ជាថង់ប្លាស្ទិចក និងជាង១០% ជាសំណល់រឹង ។ក្រសួងបរិស្ថានបានរៀបចំអនុក្រឹត្យដើម្បីហាមឃាត់ និងកាត់បន្ថយការនាំចូល និងការផលិតផលធ្វើពីប្លាស្ទិចមួយចំនួន ដែលប្រើប្រាស់ម្តងហើយបោះចោល ដើម្បីកាត់បន្ថយការប្រើប្រាស់ និងការបន្ថយការបំពុលដោយប្លាស្ទិកក្នុងបរិស្ថាន។

សកម្មភាពនៅថ្ងៃនេះ ជាការបង្ហាញពីទឹកចិត្តរបស់បងប្អូនទាំងអស់ដែលបានចូលរួមលើកកម្ពស់តម្លៃបរិស្ថាន ធ្វើឲ្យទីក្រុងយើងគ្មានសម្រាម ។ មិនតែប៉ុណ្ណោះសកម្មភាពនាថ្ងៃនេះនឹងក្លាយជាការដាស់អារម្មណ៍ដល់ជនមួយចំនួនតូច ដែលបានបោះចោលសម្រាមពាសវាលពាសកាលតាមផ្លូវសារណៈ ឲ្យភ្ញាក់រលឹកឡើងវិញឲ្យចេះចូលរួមសម្អាតបរិស្ថានក្រុងយើងទាំងអស់គ្នា។ទីក្រុងយើងស្អាត គឺជាមោទនភាពរបស់ប្រជាជនយើង ដែលទីក្រុងយើងមានសោភណ៌ភាព ស្រស់ស្អាត បៃតងជានិច្ច។

ព័ត៌មានបន្ថែម

ក្រសួងបរិស្ថាន រៀបចំសិក្ខាសាលាពិគ្រោះយោបល់បញ្ចប់លើ “សេចក្តីព្រាងរបាយការណ៍ស្ថានភាពបរិស្ថានជាតិ លើកទី៤”
ថ្ងៃ អង្គារ, 27 តុលា, 2020 ក្រសួងបរិស្ថាន រៀបចំសិក្ខាសាលាពិគ្រោះយោបល់បញ្ចប់លើ “សេចក្តីព្រាងរបាយការណ៍ស្ថានភាពបរិស្ថានជាតិ លើកទី៤”
សន្និសីទសារព័ត៌មាន ស្តីពីស្ថានភាពនៃប្រភេទសត្វព្រៃសំខាន់ៗនៅក្នុងដែនជម្រកសត្វព្រៃកែវសីមា ឆ្នាំ២០១០-២០២០
ថ្ងៃ ចន្ទ, 26 តុលា, 2020 សន្និសីទសារព័ត៌មាន ស្តីពីស្ថានភាពនៃប្រភេទសត្វព្រៃសំខាន់ៗនៅក្នុងដែនជម្រកសត្វព្រៃកែវសីមា ឆ្នាំ២០១០-២០២០
កិច្ចប្រជុំបណ្តាញសហគមន៍អភិរក្សធនធានធម្មជាតិថ្នាក់តំបន់ខាងកើតទន្លេមេគង្គ លើប្រធានបទ «តួនាទីបណ្តាញក្នុងការចូលរួមគ្រប់គ្រងធនធានធម្មជាតិ»
ថ្ងៃ ចន្ទ, 26 តុលា, 2020 កិច្ចប្រជុំបណ្តាញសហគមន៍អភិរក្សធនធានធម្មជាតិថ្នាក់តំបន់ខាងកើតទន្លេមេគង្គ លើប្រធានបទ «តួនាទីបណ្តាញក្នុងការចូលរួមគ្រប់គ្រងធនធានធម្មជាតិ»