មានអាយុ៣៣ឆ្នាំ លោក សេង និល គឺជាកសិករម្នាក់រស់នៅក្នុងតំបន់ ដាច់ស្រយាលមួយ មានទីតាំងស្ថិត​នៅ​ក្នុង​ភូមិ​​អភិវឌ្ឍន៍ ឃុំប៉ាល់ហាល​​ ខេត្តព្រះវិហារ។ ទោះ​បី​ជា​ការ​ធ្វើស្រែ​ចំការ​ជា​សកម្មភាព​ចម្បង​នៃការស្វែងរក​ប្រាក់​​ចំណូល​គាត់​​នៅ​​​តែ​ចូល​ទៅ​ក្នុង​ព្រៃ​ដែន​ជម្រក​សត្វ​ព្រៃ​គូលេន​ព្រហ្មទេព​​ដើម្បី​​​ប្រមូល​បន្លែ ផ្លែ​ឈើ​ព្រៃ និង​​អនុផល​ព្រៃ​​​ឈើ​ផ្សេង​​ទៀត​ដើម្បី​ចិញ្ចឹម​គ្រួសារ​​របស់​គាត់​ដែល​​មាន​សមាជិក​ចំនួន​០៧​នាក់ និង​ដើម្បី​រក​ប្រាក់​ចំណូល​បន្ថែម។ ​​​​​​

លោក​សេង និល បានប្រាប់ថា៖ “ពីដើមឡើយ ខ្ញុំមិនធ្លាប់ដឹងទេថា​សត្វព្រៃមាន​សារៈ​សំខាន់ និង​ត្រូវ​ ​ការពារ។ អ្វីដែលខ្ញុំដឹង​គឺពួកវា​អាច​ជាម្ហូបសម្រាប់​គ្រួសារខ្ញុំ ឬក៏​អាច​​ យក​ទៅលក់​ដើម្បី​រកប្រាក់។ ខ្ញុំធ្លាប់​បរបាញ់សត្វព្រៃ​ដូចជា ជ្រូកព្រៃ ​ឈ្លូស ត្រកួត និងសត្វស្លាប​ជាច្រើនផ្សេងទៀត។”

សត្វក្រៀល ដែលមានវត្តមានក្នុងទឹកដីនៃខេត្តព្រះវិហារ។ រូបថត៖ WCS

ធ្លាប់តែជាអ្នកប្រម៉ាញ់សត្វព្រៃ និងមិនធ្លាប់យល់ពីសារៈសំខាន់នៃសត្វព្រៃនោះទេ ប៉ុន្តែ​នៅ​ឆ្នាំ​២០១៣លោក សេង និល ដែលមានកូន៥នាក់ក្នុងបន្ទុក បានចូលរួមវគ្គបណ្តុះបណ្តាល​លើក​កម្ពស់​​ការ​​ យល់ដឹង​សហគមន៍​ រៀបចំ​ដោយ​​អង្គការសមាគម​អភិរក្ស​សត្វព្រៃ​ (WCS)​​។ នៅទីនោះហើយដែល អតីតប្រមាញ់ដ៏ចំណានរូបនេះ ផ្តើមស្វែងយល់អំពីសារៈសំខាន់​ព្រៃឈើ និង​សត្វព្រៃ។ ហើយក្រោយមក បុរសវ័យ៣៣រូបនេះបានឈប់​បរបាញ់​សត្វព្រៃ។

អ្វីៗបានប្រែប្រួល១៨០ឌឺក្រេ ព្រោះតែអង្គការWCS បាន​ប្រាប់​លោក​និង​អ្នក​ភូមិ​ម្នាក់​ទៀត​ពី​វ​ត្ត​មាន​សំបុក​សត្វ​ក្រៀល​ដែល​ក្រុម​ល្បាតសហគមន៍​បាន​ប្រទៈឃើញនៅ​ជិត​ស្រែរបស់លោក។ នៅពេលនោះហើយ​ដែលលោកបានក្លាយជាអង្គរក្សការពារយាមកាមសំបុក​សត្វ​ក្រៀល​ដោយ​អង្គការ​បានផ្តល់​នូវ​ប្រាក់​​លើក​ទឹកចិត្តជាការតប​ស្នង​។

លោក សេង និលដែលមានសម្បុរខ្មៅ និងសក់វែងបានបញ្ជាក់ថា៖ “ចាប់តាំងពី​ពេលនោះមក ពួក​យើងបានយាមសំបុកក្រៀលនោះទាំងថ្ងៃទាំងយប់ដើម្បី​កុំឲ្យមា​នការ​យារ​យី និង​រំខាន​ ផ្សេងៗ។ ពួកយើងប្តូរវេណគ្នាយាមរៀងរាល់មួយសប្តាហ៍ម្តងដោយអង្គុយយាមនៅ​ឆ្ងាយពី​សំបុក ហើយខ្ញុំក៏​បាន​ប្រាប់អ្នកភូមិផ្សេងទៀតកុំមកជិតសំបុកវាជៀសវាងការរំខានផ្សេងៗ។​​

ពងសត្វក្រៀល​ដែលមានវត្តមាននៅខេត្តព្រះវិហារ។ រូបថត៖WCS

នៅពាក់កណ្តាល ខែកញ្ញា ប្រហែល​​ជាង​០១ខែក្រោយពេលយាម ពង​សត្វ​ក្រៀល​នោះ​បាន​ញាស់ ហើយប៉ុន្មានថ្ងៃក្រោយ មកកូនក្រៀល និង​មេបាល​របស់​ពួកវាបានដើរចេញពីសំបុក។

លោកបន្តនិយាយដោយទឹកមុខញញឹមថា៖ “ខ្ញុំមាន​អារម្មណ៍​សប្បាយ​ត្រេកអរ​ដែល​បាន​បំពេញ​ការងារ​ដោយជោគជ័យ​ និងបានឃើញ​កូន​សត្វ​ក្រៀល​នោះ​ដើរ​​ចេញ​ពី​សំបុក។​ ខ្ញុំមិនចាំបាច់បរបាញ់សត្វព្រៃ ឬ​ក៏​ប្រមូល​ពង​វា​ដើម្បី​លក់​ឡើយ ខ្ញុំអាចរកប្រាក់​ចំណូល​ពី​ការ​ការពារ​សំបុក​ពងកូនរបស់ពួកវាបាន។ ខ្ញុំតែង​អប់រំ​កូនៗ​កុំ​ឲ្យ​បរ​បាញ់សត្វព្រៃ ហើយជួយគ្នា ការពារ​ពួកវាពី​ព្រោះ​សត្វ​ព្រៃ​ឥឡូវនេះកម្រណាស់ និងជិតផុតពូជទៀតផង។”​

សម្រាប់អ្នកឃុំ ប៉ាលហាល ខេត្តព្រះវិហាររូបនេះ នៅ​ពេល​បាន​ក្លាយ​ជា​អ្នក​ការ​ពារ​សត្វ​ព្រៃ​យ៉ាង​ដូច​នេះ លោកពិតជាសប្បាយចិត្តក្នុងនាមជាអ្នកការពារសត្វព្រៃម្នាក់ ហើយ​ពេល​នេះ​លោក ក៏​មាន​មោទនភាព​ចំពោះ​អ្វី​ដែល​ខ្លួន​បាន​ធ្វើ ព្រោះ​ថា​វា​គឺ​ជា​ការ​ផ្តល់​ប្រយោជន៍​ដល់មនុស្សជំនាន់ក្រោយ៕

កែសម្រួលដោយ៖ ស៊ុន មេសា

ដកស្រង់ចេញពី៖​ WCS Cambodia, https://cambodia.wcs.org/

ព័ត៌មានបន្ថែម

ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១