យើងធ្លាប់តែឃើញគេប្រើឥដ្ឋធ្វើពីដីឥដ្ឋ ឬក៏ស៊ីម៉ង់ ប៉ុន្តែពេលនេះកូនខ្មែរមួយរូប បានកែច្នៃយកសំណល់ប្លាស្ទិក ដែលគេបោះបង់ចោលមកផលិតជាដុំឥដ្ឋវិញ។ លោក សុខធី គឺជាម្ចាស់សហគ្រាស នៅក្នុងភូមិព្រែកហូរលិច សង្កាត់ព្រែកហូរ ក្រុងតាខ្មៅ ខេត្តកណ្តាល។ លោកបានដាក់ឈ្មោះផលិតផលថាជាឥដ្ឋអេកូឬឥដ្ឋបរិស្ថាន។

លោក សុខ ធី ធ្លាប់បានសិក្សាដកពិសោធន៍បច្ចេកទេសផលិតឥដ្ឋពីក្រៅប្រទេសដូចជានៅប្រទេសម៉ាឡេស៊ី ឥណ្ឌា ថៃ ចិននិងហ្វីលីពីន។ បន្ទាប់មក លោក បានបង្កើតគំនិតផលិតឥដ្ឋអេកូនេះ ដោយទាញចេញពីសំណល់ប្លាស្ទិកចាប់ពីឆ្នាំ២០១៩កន្លងទៅនេះ។

អ្វីដែលសំខាន់នោះគឺ សហគ្រាសរបស់លោក សុខ ធី បានសហការជាមួយសាលារៀន និងអាជ្ញាធរមូលដ្ឋាន យកសំណល់ប្លាស្ទិក ថង់ប្លាស្ទិក កញ្ចប់មី កញ្ចប់នំ ទុយោជ័រ កំប៉ុងជ័រ ប្រអប់បាយ នៅតាមសាលារៀន និងតាមមូលដ្ឋាន ដែលសិស្សានុសិស្ស និងប្រជាសហគមន៍ បានរៀបចំទុកដាក់កាកសំណល់សំរាមពីប្លាស្ទិក ដោយឡែកពីសំរាមផ្សេងទៀត ដើម្បីយកទៅផលិតជាឥដ្ឋបរិស្ថាននេះឡើង។

អតិថិជនមួយចំនួនបានស្គាល់ឥដ្ឋអេកូរបស់លោក សុខ ធី តាមរយៈការបង្ហាញតាមពិព័រណ៍ផលិតផលនាពេលកន្លងមក ហើយបានបញ្ជាទិញមានចំនួនច្រើនដោយលើកចិត្តចំពោះការគិតគូរ និងចូលរួមក្នុងការគ្រប់គ្រងបរិស្ថាន។ លោក សុខ ធី បានបង្ហាញថាម៉ាស៊ីនផលិតដែលសព្វថ្ងៃ មានត្រឹមតែ៤គ្រឿងនិងផលិដោយប្រើដោយដៃនៅឡើយ។ សហគ្រាសអាចផលិតបានត្រឹមតែ១០០ទៅ២០០ដុំតែប៉ុណ្ណោះដែលមិនទាន់តម្រូវការទីផ្សារនោះទេ។

សូមបញ្ជាក់ថា លោក សុខ ធី មានគម្រោងផលិត សម្ភារៈសំណង់ផ្សេងទៀត ដូចជាក្បឿង និងឥដ្ឋការ៉ូ ចេញពីសំណល់ប្លាស្ទិកដូចគ្នាជាមួយឥដ្ឋអេកូដែរ ប៉ុន្តែលោកត្រូវការទុនច្រើន និងត្រូវការទិញម៉ាស៊ីនកែច្នៃធុនធំៗ៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy