ទន្លេបាសាក់២៖ នៅព្រឹកថ្ងៃទី១៥ ខែមីនា ឆ្នាំ២០១៧ អគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ ដោយចីរភាព បានរៀបចំសិក្ខាសាលាថ្នាក់ជាតិស្តីពី “ការលើកកម្ពស់យល់ដឹងការវាយតម្លៃបរិស្ថានជា យុទ្ធសាស្ត្រ” ក្រោមអធិបតីភាព ឯកឧត្តម អ៊ាង សុផល្លែត អនុរដ្ឋលេខាធិការ តំណាង ឯកឧត្តមរដ្ឋមន្រ្តី ក្រសួងបរិស្ថាន និងជាប្រធានក្រុមប្រឹក្សាជាតិអភិវឌ្ឍន៍ដោយចីរភាព និងមានការចូលរួមពីថ្នាក់ដឹកនាំ តំណាងក្រសួងរ៉ែ និងថាមពល ក្រសួងផែនការ ក្រុមប្រឹក្សាអភិវឌ្ឍន៍កម្ពុជា UNDP និងអង្គការសង្គម ស៊ីវិល ក្រសួងទេសចរណ៍ ក្រសួងឧស្សាហកម្ម និងសិប្បកម្ម ក្រុមប្រឹក្សាអភិវឌ្ឍន៍កម្ពុជា រដ្ឋបាលព្រៃឈើ តំណាងអង្គភាពតាមវិស័យគ្រឹះ ស្ថានសិក្សា និងដៃគូអភិវឌ្ឍន៍។
គោលបំណងនៃសិក្ខាសាលានេះ ធ្វើឡើងដើម្បី ១) ផ្សព្វផ្សាយទស្សនទាន និងបទពិសោធន៍នៃ SEA ២) បណ្តុះបណ្តាល និងពង្រឹងសមត្ថភាពមន្ត្រីថ្នាក់ជាតិ និងអ្នកពាក់ព័ន្ធទាក់ទងនឹងការងារ SEA ៣) ពិភាក្សារៀបចំគណៈកមនិងកំណត់អាទិភាពវិស័យសំខាន់ៗសម្រាប់អនុវត្ត SEA ។
នាឱកាសនោះ ឯកឧត្តម អ៊ាង សុផល្លែត អនុរដ្ឋលេខាធិការ ក្រសួងបរិស្ថាន បានកោតសរសើរចំពោះ ថ្នាក់ដឹកនាំមន្រ្តីរាជការនៃអគ្គលេខាធិការដ្ឋានក្រុមប្រឹក្សាជាតិអភិវឌ្ឍន៍ដោយចីរភាពនិងដៃគូអភិវឌ្ឍន៍ពាក់ព័ន្ធ ដែលបានចូលរួមអនុវត្តសម្រេចបាននូវការងារសំខាន់ៗក្នុងតួនាទីជាអ្នកសម្របសម្រួល និងជំរុញ ការអភិវឌ្ឍដោយចីរភាពជាមួយក្រសួងស្ថាប័ន អង្គការដៃគូអភិវឌ្ឍន៍ អង្គការសង្គមស៊ីវិល និងវិស័យ ឯកជនកន្លងមក។ ឯកឧត្តមបានបន្តផងដែរថា ក្រសួងបរិស្ថានបាននិងកំពុងដំណើរការការងារកំណែ ទម្រង់អភិបាលកិច្ចវិស័យបរិស្ថានដោយផ្ដោតការយកចិត្តទុកដាក់ទៅលើការងារសំខាន់ៗរួមមាន កិច្ចគាំ ពារបរិស្ថាន ការអភិរក្សជីវៈចម្រុះ និងការរស់នៅដោយចីរភាព ដែលជាមូលដ្ឋានគ្រឹះជួយតម្រង់ទិសដល់ ការរៀបចំគោលនយោបាយ ផែនការយុទ្ធសាស្រ្ត និងសកម្មភាពសម្រាប់វិស័យបរិស្ថាន និងធនធាន ធម្មជាតិ សំដៅធានាបាននូវតុល្យភាពរវាង «ការអភិរក្ស និងការអភិវឌ្ឍន៍» ស្របតាមផែនការយុទ្ធសាស្រ្ត អភិវឌ្ឍន៍ជាតិ និងគោលដៅអភិវឌ្ឍន៍ដោយចីរភាព៕

ព័ត៌មានបន្ថែម

ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
ថ្ងៃ អង្គារ, 12 តុលា, 2021 ក្រសួងបរិស្ថានបានរៀបចំការប្រឡងជ្រើសរើសនិស្សិត ឱ្យចូលបម្រើការងារក្នុងក្របខណ្ឌក្រសួងបរិស្ថាន សម្រាប់ឆ្នាំ២០២១
កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ថ្ងៃ អង្គារ, 12 តុលា, 2021 កិច្ចប្រជុំថ្នាក់ដឹកនាំជាន់ខ្ពស់ “High Level Segment – Leader’s Submit and Ministerial Segment Plenary” នៃសន្និសីទកំពូលរដ្ឋជាភាគីលើកទី១៥ នៃអនុសញ្ញាសហប្រជាជាតិស្តីពីជីវៈចម្រុះ (CBD-COP 15) តាមរយៈប្រព័ន្ធរូបភាព និងសំឡេង ( អនឡាញ)
ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)
ថ្ងៃ ចន្ទ, 11 តុលា, 2021 ចកវ៉កកម្ពុជា ឬចកវ៉កភ្នំក្រវាញ Cambodian Laughingthrush (Garrulax ferrarius)