នៅរសៀលថ្ងៃ ៥រោច ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃ សុក្រ ទី១០ ខែកក្កដា​ ឆ្នាំ២០២០ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានអនុញ្ញាតអោយលោកជំទាវ លីអឹកា រ៉ូឌ្រីហ្គេ បារីយ៉ូស(Liurka Rodriguez Barrios ) ឯកអគ្គរដ្ឋទូតនៃសាធារណៈរដ្ឋគុយបាប្រចាំព្រះរាជាណាចក្រកម្ពុជា ចូលជួបសម្តែងការគួរសម និងពិភាក្សាការងារ នៅទីស្តីការក្រសួង។នៅក្នុងឱកាសនោះ លោកជំទាវឯកអគ្គរដ្ឋទូតបានថ្លែង អំណរគុណដល់ឯកឧត្តមរដ្ឋមន្ត្រី ដែលបានអនុញ្ញាត និងឆ្លៀតឱកាសចំណាយពេលវេលាមានតម្លៃ ជួបសំណេះសំណាលការងារជាមួយលោកជំទាវ ហើយ លោកជំទាវមានសេចក្ដី សោមនស្សរីករាយដែលបានមកបំពេញបេសកកម្មការទូតលើកទី១ នៅព្រះរាជាណាចក្រកម្ពុជា។ នៅក្នុងអាណត្តិបេសកកម្មនេះ លោកជំទាវរំពឹងថានឹងអាចសម្រេចបានលទ្ធផលជាច្រើនលើកិច្ចសហប្រតិបត្តិការទ្វេភាគី ជាពិសេសលើវិស័យកសិកម្ម និងអប់រំ។ជាកិច្ចស្វាគមន៍ ឯកឧត្តមរដ្ឋមន្ត្រីបានមាន ប្រសាសន៍ថ្លែង អំណរគុណ ចំពោះជំនួយរបស់ប្រទេសគុយបា នាពេលកន្លងមក ជាពិសេសការផ្ដល់អាហារូបករណ៍សិក្សានៅប្រទេសគុយបា និងជំនួយផ្សេងៗទៀតលើវិស័យកសិកម្ម។ ឯកឧត្តមសង្ឃឹមថា នៅក្នុងអាណត្តិរបស់លោកជំទាវ កម្ពុជា-គុយបា នឹងអាចបន្តកិច្ចសហប្រតិបត្តិការបន្ថែមទៀត ជាពិសេស បច្ចេកវិទ្យាជីវសាស្ត្រ (Biotechnology) លើវិស័យកសិកម្ម និងវេជ្ជសាស្ត្រ។ ឯកឧត្តមរដ្ឋមន្ត្រីស្នើឱ្យមានជំនួយលើការលើក កម្ពស់ ជីវភាពប្រជាពលរដ្ឋក្នុងសហគមន៍តំបន់ការពារធម្មជាតិ តាមរយៈការពង្រឹងផលិតភាពកសិកម្ម ការចិញ្ចឹមសត្វ និងការដាំដុះ (ពិសេសដំណាំស្ករអំពៅ)។ បច្ចុប្បន្ន ក្រសួងបរិស្ថាន កំពុងជំរុញការដាំដុះ Soft wood ដូចជាអាកាស្យា និងម៉ៃសាក់ ជាដើម ហើយកំពុងពិនិត្យលទ្ធភាពលើការជំរុញការដាំដុះផ្លែលម៉ើ (Dates) ផងដែរ។ ឯកឧត្តមរដ្ឋមន្ត្រី គ្រោងនឹងរៀបចំឱ្យមានការជួបជុំមួយ ដោយមានការចូលរួមពីស្ថានទូតទាំងអស់នៅកម្ពុជា និងវិស័យឯកជន (ផ្នែកកសិកម្ម) ដើម្បីជំរុញភាពជាដៃគូបន្ថែមទៀត។

ព័ត៌មានបន្ថែម

អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
ថ្ងៃ ព្រហស្បតិ៍, 22 មេសា, 2021 អបអរសាទរ «ទិវាភពផែនដី » ២២ មេសា រួបរួមគ្នា ដើម្បីការពារផែនដីយើង
សូមអបអរសាទរទិវាភពផែនដី ២២ មេសា
ថ្ងៃ ពុធ, 21 មេសា, 2021 សូមអបអរសាទរទិវាភពផែនដី ២២ មេសា
មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១
ថ្ងៃ សៅរ៍, 17 មេសា, 2021 មន្ត្រីនៃក្រសួងបរិស្ថានចំនួន៣៥៣នាក់ (ស្ត្រី ១២៩នាក់)បានមកចាក់វ៉ាក់សាំងស៊ីណូវ៉ាក់បង្ការជំងឺកូវីដ១៩ ដូសទី២ នាព្រឹកថ្ងៃទី១៧ ខែមេសា ឆ្នាំ២០២១