នៅព្រឹកថ្ងៃទី៦ ខែកក្កដា ឆ្នាំ ២០២០ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានចូលរួមជាអធិបតីភាពក្នុងកិច្ចប្រជុំពិគ្រោះយោបល់លើសេចក្តីព្រាងគោលការណ៍ណែនាំស្តីពីវត្តអារាមមេត្រីបរិស្ថាននៅទីស្តីការក្រសួងបរិស្ថានដោយមានការនិមន្តចូលរួមពីថ្នាក់ដឹកនាំជាព្រះសង្ឃ មន្ត្រីនៃក្រសួងធម្មការ និងសាសនា និងក្រសួងវប្បធម៌ និងវិចិត្រសិល្បៈ។ កិច្ចប្រជុំពិគ្រោះយោបល់ នេះមានគោលបំណងពិនិត្យនិងពិភាក្សា ប្រមូលធាតុចូលលើមាតិកា ខ្លឹមសារគោលការណ៍ណែនាំស្តីពីវត្តអារាមមេត្រីបរិស្ថាននៅកម្ពុជា ក៏ដូចជាពិនិត្យពិភាក្សាលើលក្ខណៈវិនិច្ឆ័យ សូចនាករដែលត្រូវអនុវត្ត។ ឯកឧត្តម នេត្រ ភក្ត្រា បានគូសបញ្ជាក់ថា វត្តអារាមដើរតួនាទីសំខាន់ក្នុងការបណ្តុះស្មារតីទទួលខុសត្រូវនិងស្រឡាញ់បរិស្ថានក្នុងចំណោមព្រះសង្ឃ និងពុទ្ធបរិស័ទ ជាមជ្ឈមណ្ឌលនៃការអប់រំ ការផ្លាស់ប្តូរឥរិយាបថមនុស្សគ្រប់រូបតាមឱវាទព្រះសម្មាសម្ពុទ្ធ។ វត្តអារាមមេត្រីបរិស្ថានគឺជាកន្លែងគំរូផ្តល់តម្លៃលើកិច្ចគាំពារបរិស្ថាន ការការពារនិងអភិរក្សធនធានធម្មជាតិជីវៈចម្រុះ។ ឯកឧត្តមបង្ហាញក្តីសង្ឃឹមថា តាមរយៈការអនុវត្តមេត្រីភាពបរិស្ថាននៅតាមវត្តអារាមនានា នោះប្រជាពលរដ្ឋនឹងកាន់តែទទួលបានយ៉ាទូលំទូលាយពីគោលការណ៍នៃមេត្រីភាពបរិស្ថាន ចូលរួមប្រែក្លាយពីចំណេះដឹងទៅជាការប្រតិបត្តិបរិស្ថាននៅក្នុងសង្គមកម្ពុជាយើង។ ឯកឧត្តម រដ្ឋលេខាធិការបានថ្លែងថា ដោយបានមើលឃើញពីសក្តានុពលដ៏ធំធេង និងដ៏តឹងមាំនៃតួនាទីព្រះពុទ្ធសាសនាក្នុងសង្គមខ្មែរ ក្រសួងបរិស្ថានបានសហការជាមួយ ក្រសួងធម្មការ និងសាសនា និងគណៈសង្ឃទាំងពីរគណៈរៀបចំចងក្រងគោលការណ៍ណែនាំស្តីពីវត្តអារាមមេត្រីបរិស្ថានដើម្បីជាមគ្គុទ្ទេសក៏រួមមួយសម្រាប់ការប្រតិបត្តិមេត្រីបរិស្ថាន។

ព័ត៌មានបន្ថែម

ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ថ្ងៃ សៅរ៍, 16 តុលា, 2021 ការផ្តល់មធ្យោបាយគាំទ្រដល់រដ្ឋបាលក្រុង ស្រុក ឈានទៅមានភាពជាម្ចាស់ក្នុងការគ្រប់គ្រងសំរាម សំណល់រឹងទីប្រជុំជន ឱ្យស្អាត ឱ្យអស់ ទាន់ពេល និងមាននិរន្តរភាព គឺសម្រាប់យើងទាំងអស់គ្នា
ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ
ថ្ងៃ សុក្រ, 15 តុលា, 2021 ឯកឧត្តមរដ្ឋមន្ត្រីក្រសួងបរិស្ថានដឹកនាំប្រតិភូ អញ្ជើញចូលរួមពិធីគោរពព្រះវិញ្ញាណក្ខន្ធ ព្រះបរមរតនកោដ្ឋ