នាព្រឹកថ្ងៃអាទិត្យ ៩រោច ខែជេស្ធ ឆ្នាំជូត ទោស័ក ព.ស.២៥៦៤ត្រូវនឹងថ្ងៃទី១៤ ខែមិថុនា ឆ្នាំ២០២០ មន្ទីរបរិស្ថានខេត្តរតនគិរី បានសហការជាមួយរដ្ឋបាលក្រុងបានលុង និងសហភាពសហព័ន្ធយុវជនកម្ពុជាខេត្តរតនគិរី រៀបចំទិវាបរិស្ថានជាតិ និងបរិស្ថានពិភពលោក ៥មិថុនា ឆ្នាំ២០២០ ក្រោមប្រធានបទ «អភិរក្សជីវៈចម្រុះ ដើម្បីយើងទាំងអស់គ្នា» ក្រោមអធិបតីភាព ឯកឧត្តម ថង សាវុន អភិបាលនៃគណៈអភិបាលខេត្តរតនគិរី និងជាប្រធានសហភាពសហព័ន្ធយុវជនកម្ពុជាខេត្តរតនគិរី និងដោយមានការអញ្ជើញចូលរួមពីបណ្តាអង្គភាព-មន្ទីរជំនាញ កងកម្លាំងប្រដាប់អាវុធ សហភាពសហព័ន្ធយុវជនកម្ពុជាខេត្ត យុវជនស្រឡាញ់បរិស្ថាន និងអង្គការ​ BirdLife សរុបប្រមាណ ១៥០នាក់។ ព្រឹត្តិកាណ៍នេះ ត្រូវបានប្រារព្ធឡើងនៅលើទួលបឹងកំសាន្ត ភូមិថ្មដា សង្កាត់បឹងកន្សែង ខេត្តរតនគិរី តាមរយៈការដាំកូនឈើសរុប ៣១០ដើម ក្នុងនោះ មានដើមចាន់គីរី ២៥០ដើម និងដើមបេង ៦០ដើម នៅតាមដងផ្លូវអភិវឌ្ឍន៍ក្រុង។

នាឱកាសនោះ ឯកឧត្តម ថង សាវុន បានមានប្រសាសន៍ជំរុញដល់យុវជន ឲ្យមានការចូលរួមក្នុងការផ្សព្វផ្សាយអំពីបញ្ហារបរិស្ថាន ការប្រែប្រួលអាកាសធាតុ ការអភិរក្សជីវៈចម្រុះ និងធនធានធម្មជាតិ ធ្វើយ៉ាងណាលើកកម្ពស់ការស្រឡាញ់បរិស្ថាន និងចេះថែរក្សាអនាម័យ នៅតាមភូមិឋានរបស់ខ្លួន ជាពិសេសគឺការរីករាលដាល និងការការពារជំងឺរលាកផ្លូវដង្ហើម កូវីដ-១៩ ផងដែរ។

​​​         

ព័ត៌មានបន្ថែម

ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញជួបសំណេះសំណាល សួរសុខទុក្ខ និងតម្រង់ទិសការងារសម្រាប់មន្ទីរបរិស្ថានខេត្តសៀមរាប
ថ្ងៃ សុក្រ, 22 តុលា, 2021 ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានអញ្ជើញជួបសំណេះសំណាល សួរសុខទុក្ខ និងតម្រង់ទិសការងារសម្រាប់មន្ទីរបរិស្ថានខេត្តសៀមរាប
សាលាបឋមសិក្សាក្រវ៉ាន់ខេត្តសៀមរាប ជាប់ជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១
ថ្ងៃ ព្រហស្បតិ៍, 21 តុលា, 2021 សាលាបឋមសិក្សាក្រវ៉ាន់ខេត្តសៀមរាប ជាប់ជ័យលាភីប្រាក់ក្នុងការប្រឡងប្រណាំងសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១
ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល
ថ្ងៃ ពុធ, 20 តុលា, 2021 ឯកឧត្តមរដ្ឋមន្រ្តីក្រសួងបរិស្ថាន ប្រគល់ធុងទឹកចម្រោះទឹកស្អាតជូនវិទ្យាល័យហ៊ុនសែនតាខ្មៅ ខេត្តកណ្តាល