ត្បូងឃ្មុំ៖ នាព្រឹកថ្ងៃអង្គារ ៤រោច ខែជេស្ឋ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៩ ខែមិថុនា ឆ្នាំ២០២០ នៅសាលាស្រុកអូររាំងឪ ឯកឧត្តម អ៊ាង សុផល្លែត រដ្ឋលេខាធិការក្រសួងបរិស្ថាន និងជាប្រធានក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪ ខេត្តត្បូងឃ្មុំ បានអញ្ជើញដឹកនាំកិច្ចប្រជុំត្រួតពិនិត្យ៖ ១). វឌ្ឍនភាពការងារក្រុមការងាររាជរដ្ឋាភិបាលចុះមូលដ្ឋានស្រុក ២).វិធានការទប់ស្កាត់ជំងឺកូវីដ-១៩ (COVID-19) ៣). ការអនុវត្តការងារអត្តសញ្ញាណកម្មគ្រួសារក្រីក្រក្នុងមូលដ្ឋានស្រុក និង៤). លើកទិសដៅអនុវត្តន៍បន្ត។ កិច្ចប្រជុំនេះមានការចូលរួមផងដែរពីសំណាក់ ឯកឧត្ដម ចាន់ ចេស្តា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាអនុប្រធានក្រុមការងារ ឯកឧត្តម រ័ត្ន វិរៈ អនុរដ្ឋលេខាធិការក្រសួងបរិស្ថាន និងឯកឧត្ដម -លោកជំទាវ-លោក- លោកស្រីដែលជាសមាជិកក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪ។ ឯកឧត្តមប្រធានបានកោតសរសើរ និងវាយតម្លៃខ្ពស់ចំពោះលទ្ធផល និងកិច្ចខិតខំប្រឹងប្រែងកន្លងរបស់រដ្ឋបាលស្រុកអូររាំងឪ និងអាជ្ញាធរពាក់ព័ន្ធគ្រប់ជាន់ថ្នាក់ដែលបានអនុវត្តន៍យ៉ាងខ្ជាប់ខ្ជួននូវវិធានការរបស់រាជរដ្ឋាភិបាលក្នុងការទប់ស្កាត់កុំឱ្យកើតមានការឆ្លងជំងឺកូវីដ-១៩ ដែលជាក់ស្តែង ថ្វីត្បិតក្នុងស្រុកអូររាំងឪមានការត្រឡប់មកវិញនូវពលករចំណាកស្រុកពីក្រៅប្រទេសតែមិនមានការចម្លងជំងឺកូវីដ-១៩ទេ ហើយក៏សូមថ្លែងអំណរគុណផងដែរដល់សមាជិកក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪទាំងអស់ដែលបានចូលរួមជាមួយរដ្ឋបាលស្រុកអូររាំងឪដែលបានចំណាយទាំងសម្ភារៈ ថវិកា និងកម្លាំងផ្ទាល់ខ្លួន ដែលនេះសបញ្ជាក់ពីវប្បធម៌ចែករំលែក និងសាមគ្គីភាព។ ជាអនុសាសន៍សម្រាប់អនុវត្តន៍បន្តក្នុងពេលខាងមុខ ឯកឧត្តមប្រធានបានស្នើដល់រដ្ឋបាលស្រុកអូររាំងឪ និងភាគីពាក់ព័ន្ធ ១).បន្តអនុវត្តន៍វិធានការរបស់រាជរដ្ឋាភិបាលក្នុងការទប់ស្កាត់ការចម្លងជម្ងឺកូវីដ-១៩ និង២).បន្តតាមដានស្ថានភាពជីវភាពរបស់ប្រជាពលរដ្ឋដែលរងផលប៉ះពាល់ពីវិប្បដជំងឺកូវីដ-19 និងពិនិត្យលទ្ធភាពជួយដោះស្រាយផលលំបាករបស់ពួកគាត់ ៕

ព័ត៌មានបន្ថែម

ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ថ្ងៃ សៅរ៍, 18 កញ្ញា, 2021 ឯកឧត្តម សាយ សំអាល់ រដ្ឋមន្រ្តី ក្រសួងបរិស្ថាន អញ្ជើញជាអធិបតីក្នុងពិធីប្រគល់ជ័យលាភីសាលាមេត្រីបរិស្ថានថ្នាក់ជាតិលើកទី៣ ឆ្នាំ២០២១ និងពិធីសម្ពោធសួនជីវចម្រុះ«សួនព្រឹទ្ធាចារ្យជុំហ៊ល» និងសួនអំណាន«ព្រឹទ្ធាចារ្យលឹមណៃ»
ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ថ្ងៃ ពុធ, 15 កញ្ញា, 2021 ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានជួបពិភាក្សាជាមួយឯកឧត្តម Pablo Kang ឯកអគ្គរដ្ឋទូតអូស្រ្តាលី ប្រចាំនៅកម្ពុជា
ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy
ថ្ងៃ ពុធ, 15 កញ្ញា, 2021 ឯកឧត្តម ផៃ ប៊ុនឈឿន រដ្ឋលេខាធិការប្រចាំការក្រសួងបរិស្ថាន បានអញ្ជើញជាអធិបតីភាពប្រគល់រថយន្តសង្គ្រោះបន្ទាន់ ចំនួន ០១គ្រឿង ដែលជាអំណោយរបស់អង្គការ The Society for Promotion of Japanese Diplomacy